我的寶貝仔今日生日，兩歲正式脫離嬰兒期，開始當係小童啦。由於十月二日剛剛開學，所以唔想咁快亂請假呢，今日以朗要返學，最多放學同佢食下午茶慶祝。
今朝早都幾扭計，成日要我抱，換好校服出門都好肯行。由於早咗落樓喺商場行一陣先返學，去到商場就想我抱，唔多肯落地，抱到校園放低佢，佢竟然擰轉面想我抱佢走。好彩老師即時拖走佢，
同熊人拍拖一小時行街等以朗放學，以朗喺留候區有啲失落，一見到我又行唔到埋嚟就大喊，有眼淚好淒涼。問老師佢今日點，話佢入課室時想喊，眼濕濕，但一開始做運動就冇事。可能佢真係唔捨得我。
放學都要抱呢，好彩去到馬鞍山廣場見到貓貓狗狗羊羊又玩玩。
玩一陣就去了Beans 食下午茶，聽聞呢間幾好食，星期六日都排好耐，我就因為阿嫂推介呢到點蛋糕可以寫字同有蠟燭，想等以朗開心吓，
俾bb用的木餐具，靚。
Menu有下午茶同午餐set，只限星期一至五。最後，我r哋叫了午餐set。我揀咗黃金蟹肉意粉。
黃金蟹肉意粉賣相不錯，一嚟到以朗已經嘩嘩聲，其實唔知佢嘩乜，佢又唔識食。蟹蓋係裝飾品。蟹蓋旁有黃金醬(我估係忌廉同蟹膏)、蟹子、蟹肉、蟹柳，意粉上有香草。醬汁足夠，唔算膩，醬好CREAMY，意粉少少硬身，有口感。熊人話呢個唔係用白汁整，而係用蛋黃整，我估加埋蟹膏，比較特別，好少食到。估唔到連熊人都話好食。
另點了千島汁海鮮薄餅，要等佢即叫即整，上菜時熱辣辣，有海鮮有蟹肉的pizza，幾足料，每塊都有一粒帆立貝，帆立貝好Juicy，但味道方面冇乜驚喜，有好多蟹籽，可能我唔係好喜歡個醬甜甜地，唔太欣賞。
set加錢可以點蛋糕，點了士多啤梨千層酥，千層酥夠鬆化，吉士味道亦都對辦，可以免費寫字真係好好，加少少cream，插支蠟燭就令到我哋好開心，俾以朗有個小小美好回憶。
我哋唱生日歌，終於冇表哥同佢爭吹蠟燭了。以朗好開心。
只希望以朗，身體健康，開開心心，快高長大，HAPPY BIRTHDAY~
沒有留言:
張貼留言