ヾ(◍'౪`◍)ﾉﾞ繼續食

近來真係不停食Cake，已經唔係自己買架啦，個個星期家人都係咁買。

先來美心西餅綠茶ok，明顯不及東海堂好食，綠茶味唔夠濃。

有人請食cup cake在皇后大道東買的

白色芝士最好食。

但overall只係一個字...甜

成日食咁多cake，好高脂架。

所以lunch 好多時食得好清，帶飯，或者食麵包。

starbucks 呢個包好細個20蚊，不過係最好食架啦，細細地當減肥如果唔係真係會肥死人架。

◈奇妙處處通會員專享晚會◈

三月廿六日(星期六)

迪迪尼間中都有好嘢益Annual Pass，除了3月至5月可以帶一個親友入去之外。仲有一個叫「奇妙處處通會員專享晚會」。於星期五，六晚上煙花之後的兩小時內，有迪士尼朋友出來會面，每場人數最多是一千人，星期六啲場次應該好少少，因為特惠annual pass 唔入得，好似冇咁快full，仲有啲場次是4月4日，不過我唔喺香港，暫時最fit 係三月廿六日(星期六)。

由於晚會八點之後先開始，所以我當日就好遲先入park，因為唔想在park hea 太耐，冇咩好hea嘛，好彩終於影到一對donald + daisy。

要有手帶先可以去晚會，喺度換。

晚上5:30就入了plaza inn食dinner，奇妙處處通member有15% discount。

其中迪士尼朋友有好多套衫都只在Golden mickey先見到。物以罕為貴，之前未試過同佢哋合照，真係超級期待。可惜一場有成一千人咁多，在Golden Mickey 個位排完donald + Goffy之後，好多都暫停，

好彩最後都影到Minnie，一開始時禮服Mickey + Minnie 是一齊的，之後要9:15之後先再有Minnie 單拖，而Mickey 就去咁另一個位。

但啲CM好唔得，亂答人，問佢仲有冇mickey，佢地話冇，之前明明收到風係9:15再有，啲cm話冇，搞到有啲想死等就因為cm俾流料而走咗，點知9點幾番嚟，minnie未出嚟就已經截龍，搞到有部分人好不滿。

可以同佢地影相真開心。佢哋真係超正呀。不過今次未同佢影合照呀，要等下次了。

一個annual pass 最多可以join 2場。仲有一個機會應該留番五月份，不過要4月27日之後先可以預約，希望迪迪尼以後搞多啲呢類好嘢益吓annual pass holder 啦。

仲有其他夜景相。

♠♤Green Waffle Diner♤♠

三月廿四日(星期四)

lunch 去了Green Waffle Diner食，想試好耐，有時打唔到佢個電話，上次又唔知點解試咗博洛尼亞先，今次終於有緣試呢間，open rice好似幾多好評，當然openrice啲食評其實唔可以作準的，但見佢啲waffle好似幾正。即管趁天氣未好熱就走上去試吓啦。

出面係街市，環境麻麻，但一入到去就好得。環境好舒適，由於訂咗位，所以有卡位坐。今次食了一個lunch set香草雜菇忌廉扁意粉。

再散叫咗啲其他嘢食，包括old eggs benny

skillet

啲蛋好好食，整得唔錯。

set 送了一個waffle，

另外再order 一個caramel apple dark chocolate waffle w/f vanilla icecream

waffle反而麻麻地喎，沒有驚喜，蛋就好好食囉。

http://www.openrice.com/restaurant/sr2.htm?shopid=46305

中環嘉咸街35-39號嘉豪大廈地舖

❁ ❁ Oh My Lady❁ ❁

繼續中韓毒，今次睇Oh My Lady，初初覺得男主角崔始源個樣怪怪地，不過高大，蔡琳又C9 look好似幾唔掂，不過劇情都ok。

\

 蔡琳飾演的尹開花幾好笑，明顯係大過晟敏宇一截，晟敏宇呢個大明星又寸又麻煩。最後因為一個人而徹底改變。。。

姊弟戀。

 就係佢啦，呢個好可愛的小女孩，得意到呢，我就係因為佢而不得不追落去，每次呢個咁可愛的小女孩出現，視線即時被吸引過來。

咁可愛的女孩，冇人會捨得唔要佢吧。

就因為佢大明星晟敏宇慢慢改變，仲同尹開花發了感情。雖然有啲牽強，不過呢套小品劇集睇得人好輕鬆呢。

§美心mini cake§

Standard Chartered Bank 同美心做緊Promotion，

可以以$68買原價$88的蛋糕，有四款，包括Opera, blueberry cheese cake, 芒果脆脆同埋好似係石板街，Opera 同石板街好似好重朱古力，我不太合適，

媽咪買咗兩款試---

blueberry cheese cake，當然ok，好難唔ok吧...hahha

不過好細件，如果以$16一件切餅計，真係得5件左右，即是只值$80，如果以$88就唔抵食， $68就幾ok 的。

芒果脆脆。好好食喎。

｡◕‿◕｡收到了

迪迪尼annual pass 將會變成奇妙處處通，原本的annual pass 變成$1,650，都好貴喎，但好似多咗少少優惠，例如生日月份酒店下午茶free，kodak都有85折等，宜家提早續就早有價惠，而annual pass end date會順延一年先完。

收到封信，超靚，仲有貼紙，宜家續會其實是prepay，都冇咩蝕底，但我本身annual pass 是月供款，供到十月先完，宜家又再分期多一單又好似每月再供多個annual pass 咁，雖然之後2012有半年不用供，但宜家好似有啲手緊喎，點好呀？

近來好掛住台灣，因為就快又去啦，今次plan緊行程期間見到啲嘢食口水流了。買住杯燒仙草頂當先，呢杯是冬日限定的，八寶燒仙草，一大舊燒仙草內面是八寶料，熱的，食的時候加奶。唔錯。15蚊一大杯好似食糖水咁，抵食。

台灣，我好快嚟啦。