20130430 - §§咖哩飯§§

4月30日星期二。

第二日5.1唔駛返工，好。
同熊又去沙田行吓，因為佢見我上星期喺佢屋企俾蚊咬到隻眼都腫埋，所以佢的起心肝去買個新的垃圾桶，佢之前的實在太舊了。

另外又同佢買吓其他用品。
行完一大輪，就去food court 食。
佢知道我喜歡食日式咖哩就試吓啦。
可能因為5.1所以好多人，成九點都坐滿人。

呢間個飯幾得，整到同display一樣的，
熊的咖哩豬扒蛋飯。

我的炸蝦飯wf 他他醬

呢間咖哩好多汁，啲炸物都幾好食。

而咖哩偏辣，平日日式咖哩唔辣呢，只有甜甜多啲，不過熊反而喜歡辣辣的。 =___=

同熊去買朱古力時仲買咗個紅豆糖，有一排好興呢隻紅豆糖，我就好少食。

20130427 - •●❀黃金海岸❀●•

4月27日星期六
唔駛返工，原本想同媽媽飲茶先，不過最後因為大家都好遲起身所以冇去飲茶。

只在附近行吓同買嘢。千色店一年一度SOFINA有九折，買了支BASE 同埋粉底。之後熊接我，媽媽坐順風車在荃灣落車。

星期六多是hea hea 日。同熊又去黃金hea hea，又用ip5來影相，呢張影到黃金海岸好靚。

 之後又買卡巴，買了支果汁，在黃金海岸沙灘坐喺度食。熊好喜歡游泳，好喜歡海灘。偏偏我就好怕水，唔識游水，其實每次佢講起游水同埋以前去陽光與海灘trip時，我個心都好唔舒服，我明白每個人都有佢嘅嗜好...但係.....

 之後再去市中心買食材整spaghetti bolognese ，要有蕃茄，洋蔥，紅蘿蔔，紅酒，肉碎。
仲買了半隻雞，南北杏等，加了雪耳同花膠仔煲湯飲。好好飲，意粉就好好食。

 第二天早上，其實都中午了，熊整早餐俾我食。

 好喜歡炒蛋同埋蕃茄，仲有個好多果仁的麵包。

之後去接熊媽媽到花墟買花，熊媽媽好喜歡花。
6點左右就去了佐敦的六榕仙館食素。
都ok好食，只是個汁太杰了。

20130426 - ♣♧新金榮打冷及 iron man3♧♣

4月26日星期五。

因為明天不用返工，所以去睇戲。

買咗9:40飛，之後去食嘢先，
去熊屋企樓下新金榮打冷。

好味大眼雞$78。熊聽錯以為$38。
邊有咁平。
$78都合理的，

 蠔餅好好食，好鬆化又唔腥，蠔肉唔算多唔算少，適中。
 瀨尿蝦，上次食過好好肉好味。
今次就差咗。一隻好多膏，多到只有膏冇肉食。頂唔順，另一隻就好好味。
之後去睇iron man 3 3D，今次講多過打，冇咁型。
只有最尾一段先好型咋，等埋最後片尾等好耐，而且都冇咩特別呢。
1．前 Iron Man 導演亦客串演出？
其實導演客串電影其中 1 個角色不是甚麼新鮮事了。看過 Iron Man 電影的讀者會否記得 Iron Man 保鏢、保安主任和司機 － Happy Hogan (簡稱 Happy)，他 (即 Jon Favreau) 其實是 Iron Man 1 和 2 的導演，亦是 3 集 Iron Man 電影和復仇者聯盟電影的制片人。

2．漫畫作者亦有演出？
現年 90 歲的前 Marvel 漫畫總裁和主席的 Stan Lee，其實亦是 Spiderman、Hulk、X-Men、Fantastic Four、Iron Man 和 Thor 等 Marvel 漫畫角色的創作人，基本上所有改編自 Marvel 漫畫的電影都會見到他以客串身份出現，小編亦在 Iron Man 3 中看到他的身形，下次你睇 Marvel 漫畫電影時記得找找他啦。

3．香港上映的是刪剪版？
跟上 2 集 Iron Man 略為不同的地方是，內地 DMG 有注資拍攝 Iron Man 3 (第 1－2 集只有美國資金)，因此 Iron Man 3 有國際版和中國版 2 個版本，香港播放的是國際版。當中只有王學圻的戲份在 2 個版中都有保留，而范冰冰戲份就只會在中國版出現 (小編所看的版本亦無吳京出現，估計亦只會在內地版出現)。
王學圻的戲份在國際版和中國版 Iron Man 3 都有出現，以小編所看的預告片他在內地版曝光時間較國際版長。
暫時小編只知中國版比國際版多了王學圻在北京永定門城樓前與 Iron Man 相會一幕，據消息指中國版獨有鏡頭會包含在 Iron Man 3 的 Blu-ray  碟內。

4．比美國上映時間更早
不少美國片在港上映時都會以跟美國同步上映作賣點，Iron Man 3 在香港首映時間為 4 月 25 日，上映時間比美國的 5 月 3 日更早，以東南亞計算的話香港的上映時間僅次於 4 月 24 日上映的台灣，而內地上映時間更是未知數 (小編估計可能要在 5.1 後)。

5．記得坐到尾
相信不少人在電影播放完畢後都會即時離開，不過近年的 Marvel 漫畫電影在工作人員名單出現時，都會提各位多等一回看隱藏版內容，當中大部份都是為下集或其他 Marvel 漫畫電影鋪路，Iron Man 3 當然亦不例外記得工作人員名單出現時別趕往走，不過今集的隱藏內容小編覺得不看亦不是損失來喔。



之後我好眼瞓，因為前幾日的蚊咬食緊皮膚藥超級眼瞓。
一睇完戲上車就瞓到傻了。熊就悶悶了。

20130425 - ◈◈四海遊龍◈◈

4月25日星期四。

熊4月23- 24日都上大陸行廣交會，
24日好夜至返，我就趁佢唔喺度用ipad 畫幅畫俾佢。
個結他係抄熊支結他架。
唔知可以有咩氹到熊。只識畫畫。希望熊喜歡啦。

 至從4月22日坐outdoor 俾嘢咬咗隻腳一啖之後就大件事了，係咁發，可能因為我敏感底....，發到好似拳頭咁大，好慘又痕又痛，紅腫又熱，搽咩都冇用，好慘，最後星期三夜晚忍唔住去睇醫生。嗚嗚，真係好辛苦，邊有人咁折墮俾嘢咬要去睇醫生。
熊回港但星期四都要夾band，其實我知佢29/4有show又未練，都唔想阻住佢。
可能佢見我隻爛腳咁慘，佢星期四專登過來同我食lunch，
好開心呢，原本想試ifc的添好運，但熊12:30到都等唔到位，

咁就在香港站附近食台灣嘢。
叫四海遊龍。
3x一個set ，都可以啦，
點了酸辣湯+

 水餃。

 另外單點了魯水蛋及豆腐。

 同埋煎餃子。

 overall 都好食，

熊好耐冇過來同我lunch了。

宜家天氣熱又雨季，都唔想佢日曬雨淋啦，而且有時星期六佢接我放工都一起lunch。所以都好少要求熊來同我食飯。
但間唔中一次真係好開心好sweet架。

又換多一兩個line 公仔了。

20130422 - ❃Spasso Italian Bar & Restaurant❃

4月22日星期一

今日係我同熊在一起500日。
所以食好啲啦。
我同熊都分別同自己朋友食過尖沙咀的Spasso Italian bar & Restaurant，覺得幾好食，所以成日都想搵機會去食吓。
趁算係特別日子就去食。

我哋坐戶外

 餐前麵包好好食。有三種醬點，一是傳統的醋+ OLIVE OIL，另一種是香草味，另一種有啲似辣油，但唔辣。

 當天點了一個STARTER是CORD ，原來都是沙律。

 早知就唔再叫沙律了。好彩只是菜都幾好食。好新鮮，食多少少菜都唔怕，

 點了一個MAIN COURSE是雲吞，超級好食呢，得六粒咋，唔多夠喉。

其實食埋麵包都夠飽。冇再食嘢，埋單都要500多元呢。
之後落大雨呀，去了食龜龜膏清熱氣就算啦。

其實可以食餐飯都好開心啦。

20130422 - •●❤500❤●•

 

跟你一起走過了500天。500天，不算長也不算短。
當中需要很多很多的互相欣賞、了解、包容、諒解、磨合、原諒......

500天裏，笑過，也哭過。感謝你對我的包容；感謝你給我的愛。

20130421 - ♪♬♩♫泥涌♪♬♩♫

4月21日星期日。

星期六晚好晏至返家，於是各自各在家都瞓得好晏。

到兩點左右來接我，就去了西沙食嘢，
未去到就有人想幫手泊車，好好招呼，原來因為係啲嘢食好貴，好唔抵食。

 好彩都唔差，印度薄餅，薯仔餡。幾好食，熱辣辣的。

 3X蚊一杯咖啡，不過完全唔得，茶餐廳咖啡。

 再點了個泰式濕炒海鮮河，要98蚊，好細碟，味到冇問題，只是太貴，因為咁少。

 之後去泥涌行一陣，我第一次行咋，有海，好舒服，不過影出嚟唔靚。

 之後在附近的草地睇人放風箏，啲人好PRO，係界風箏。

 之後去長沙灣附近HEA一陣，搵到間CAFE 叫秘密花園1881。
長沙灣好少CAFE，呢間都幾多好評，

 有TEA SET都是廿幾蚊一個。
我們剛剛食完泰菜，所以食甜品好了。
點了LATTE，都幾好食

 沙律，窩夫，腸仔。

 熊點了普通即磨咖啡，不過太苦了，應該是過了火喉。
而另一個TEA SET 點了BROWNIE    ，HOMEMADE 的，幾好食。

20130420 - •●❀大欖涌水塘❀●•

4月20曰

星期六。
本來打算同熊媽媽在元朗飲茶。
所以坐968入去，
點知中環好大雨，等車等好耐，有遮都一身濕哂。

去到由九龍開始冇雨，元朗仲有太陽，之後臨時去行山好過。
去行大欖涌水塘，即是大棠嗰邊，上次可以行大欖涌，不過冇行到。

今次再行已經係春天了。
有好多花，
大紅花。粉紅版

 呢排好多唔同種類的花，有啲已盛開，快謝。

 之前的紅葉冇哂啦，變成綠葉
間中有啲紅葉在頂部。

 仲有啲果子。

 行了個半鐘左右到了水塘。水塘的集水區，之前下過雨，水流很急。

由於已經是四點半五點，行番出去都要時間，所以走回頭路。

 之後同熊返屯門。
原本九點左右想去置樂的小曼谷食泰菜，不過仲係好多人等位。
於是買外賣。
馬拉盞炒椰菜苗。

 菠蘿粒炒飯。唔係太多料，不過只係30幾蚊咋。

 豬頸肉沙律。叫了少辣先啱我食。

 蝦餅。

兩個人食買盒，好飽呢。
都係165元咋。
原來置樂好多嘢食有日本嘢，又有串燒，又有甜品。
有機會要食吓甜品。