✿｡◕‿◕｡✿樹懶的日記✿｡◕‿◕｡✿: 1月 2012

2012年1月31日星期二

201201 - ╭❤╯╰❤╮新春雜記

影咗啲相就清吓佢。

1月23日星期一，年初一。

家中的女王大人年初一生日。

當然要買個蛋糕俾佢開心吓啦。

1月24日年初二媽媽整咗湯丸，大家開開心心，團團圓圓。

1月26日年初四，
開工日狂逗利是，最緊要開工大吉。

1月28日年初六星期六同熊去旺角飲茶。
至愛潮州粉果加少少辣油。

燒賣都ok。

呢個叫雞絲粉皮？中伏了，我係expect上海嘢果種，唔係呢個，唔好食呀。

1月31日星期二。
同熊行行吓街，佢忽然好想食片皮鴨，我都好喜歡食片皮鴨，啱啱喺尖沙咀區，於是兩條友去北京樓食。
兩個人食一隻片皮鴨？
最後當然食唔哂，冇叫其他餸，只食一隻片皮鴨都食唔哂，好漏呢，但真係好好食。

2012年1月30日星期一

20120130 - ♪♬♩♫Lunch @大吉♪♬♩♫

1月30日星期一。
約了chan c9 lunch @ 大吉。
佢仲封了利是俾我。
多謝哂。
近來好少出去食飯。
同親chanc9食lunch 多數係大吉，因為大家都方便。算係中心點。
今日唔多想食太多魚生，所以冇食到平日至愛的粒粒魚生飯。
反而食舌拿魚蓉飯，麻麻地，同定食doraya爭好遠。

chan c9食了粒粒魚生飯，大吉都係粒粒魚生飯同三文魚好食啲。

有沙律。麻麻地。寧願佢係醬油蕃茄好過。

帶子邊。

蒸蛋好食。

2012年1月29日星期日

20120129 - ╭❤╯╰❤╮hea 行西貢

1月29日星期日。

同熊行山去，出發行西貢，大網仔果邊。
好多人燒烤，環境好好。

啲欄杆好型。

好喜歡有啲植物圍上了。

好多落葉。天然的堆起來，厚厚的，好靚。

呢棵橙橙黃黃的楓葉好大棵，好多落葉，早半個月來應該是紅葉吧。

好有秋冬feel~

之後行了大半小時左右。

見到有海就停下來。

對住個海野餐，真係高享受。仲有熊準備了食物 (幸福)。

有麵包水果同埋熊媽媽整的批。

之後出去西貢市中心。有啲魚船賣海鮮。第一次幫襯，揀好就用個桶吊啲錢同海鮮。

開始黃昏了。

我哋幫趁買了蟶子同埋魚，之後拎俾酒家加工，好好味。
熊話好抵食。

蟶子好鮮甜。

條魚新鮮又肉質鮮甜。

可惜啲西蘭花好黃。

2012年1月27日星期五

1月26日(星期四)。
放工同熊去影海港城的朱古力展，影完之後就去韓國街食韓國菜。
韓流襲港好幾年，我都有一陣子成日睇韓劇架，不過識咗熊之後就冇時間了。
韓國好多靚仔靚女，不過熊就唔喜歡韓國文化了。
不過一講到食，只要好食就冇咩所謂啦，今次去莊園韓國料理。
呢間好多人食韓燒，煙霧瀰漫，我地得兩個人好似唔知食咩好，於是叫小菜好了。
熊好喜歡食泡菜，呢間好多泡菜，好多款，足足有十小碟，有辣有唔辣呢。
平日只係食辣泡菜多，呢間又有粉絲、甜薯、奄魚、豆腐、皇帝菜、芽菜…仲有啲名都唔知道。
當中最出色的是泡菜，甜辣剛好，非常開胃。其他前菜同樣不俗，全都清爽好吃。正呀。

點了錦石頭鍋飯。但冇影相，因為最後至上，同埋佢幫我地分好兩碗。

由於有牛肉，但又唔記得原來係有牛肉碎，所以熊唯有幫我挑出來。
俾啲服務人員見到，佢話原來你唔食牛肉架，係可以唔要牛肉架。
收到，下次會叫冇牛肉的，如豬肉或雞肉。石鍋熱燙燙，底部邊位滿是飯焦，飯唔會過硬或過濕，都幾好食。

燒五腩好似唔錯，又點了，真係幾好食，
平日好少咁食豬肉，呢隻燒五腩肥瘦適中，加點芝麻胡椒蔥在熱辣辣的鐵板上，好惹味。