(〒︿〒)恐怖的一夜

星期一晚星期二凌晨喪咳，醒好多次，咳到瞓唔到，飲水都冇作用，坐喺床邊好似隻鬼咁係咁咳，流哂眼水，就快想嘔，食藥都冇用，結果用咗民間配方，滴（飲？）白花油，以前細個阿媽滴過一次，好想死，所以免得過都唔想滴，之前blogger Cat Family提過，我都唔希望滴，不過真係冇辦法，所以飲咗兩嘢白花油，之後明顯好轉，結果可以抖吓，但係都幾個鐘頭咳醒一次，結果冇番工，九點幾打完電話請假之後，開始斷斷續續咁咳吓瞓吓．．．瞓到兩點．．．食完飯之後本來想瞓，不過終於都瞓唔得著，其實星期六日已經喪瞓咗兩日，不過都仲係好辛苦，有啲似幾年前喺醫院不分晝夜係咁瞓，食飽就瞓，瞓醒就食，生活只有食同瞓，不過今次好啲，有上咗一陣網，尋晚瞓到半夜都咳醒，又飲白花油囉！咳醒次數少啲．．今日終於可以番工啦！
今朝搭車返工見到太陽好似有種彷如隔世嘅感覺．．．．宜家正在康復中，不過啲藥氣一過又喪咳，希望今晚唔會咳醒啦～．．．啲藥好散呀．．．我宜家成日坐坐吓都想暈．．．希望咳少啲可以睇番中醫啦！

♪♬♩♫ 你的克勤演奏廳♪♬♩♫

坐第九行，不過係個台嘅兩側，佢會走上嚟唱歌，前面冇坐位，所以好近，等於第一行～

又問人攞利是，我冇利是，唯有俾同事派俾我啲利是俾佢～　: p

相中第二封利是係我架～咁近握唔到手都唔係人，結果真係握到手，哈哈

真係近到爆～一行上嚟即刻勁影～
唱咗好多舊歌啱哂我呢個老餅，一唱舊歌即刻諗起小學時代啲片段．．．
其實我唔算係佢FAN屎，因為我一隻佢嘅碟都未買過～不過又差唔多識唱哂佢啲歌噃！奇怪～

╮(╯▽╰)╭路

喜歡一個人跟談戀愛很不同，
可以喜歡很多人，
但並不表示愛一個人，
現在很喜歡你，
也不代表愛情來臨了，
反之，
從喜歡到愛，
有一大段路要走，
有些人可以把那段路縮得很段，
有些人可要走一段很長很長的路，
有些人原地踏步，
有些人在半途放棄了，
有些人不怕艱辛走完了路，
有些人努力地走，卻敵不過命運，
究竟現在是在起點？
在路上？
還是已經到終點了？

❤●•冰冷迪迪尼❤●•

有一日去了迪迪尼，好似只有九度定十度，迪迪尼果度一定冇十度，不過仍然不減興致，因為之前早有準備先在青衣城買了杯熱Latte，飲完之後熱熱呢！

其實當日已經好好彩天公做美，之前幾天落大雨的劣勢下，當日竟然沒有下過一滴雨，感動得我沒有宗教信仰也忍不住要感謝神！

主要目的是影新年服飾的卡通人物，

 可能天氣太冷，人不算是太多，比起X'ams時少很多人，排隊拍照等最長龍的主角恢不過是半個鐘內，其他的只需十分鐘左右，連午飯都未食，影完相先食午飯，由於天氣凍，於是吃拉麵，因為好似比較熱，不過份量好少，只有兩撮，慘～

還有新年的中式打扮，公仔我都買了一對返家^_^

 之後在也拍了明星設計的米奇，

 見到新聞人物阿嬌設計的米奇，不少人在指手劃腳哩，

 最特別是米奇大屋，好得意，廚房有蘿蔔糕，年糕，又參觀米奇的睡房，辦公室，很可愛呀！

 米奇好有書卷味呢！

由於室內地方有暖氣，拍照也花了很少時間，所以有時間排隊玩馳車天地，人頗多，大概等了廿三十分鐘，不過最勞氣是大陸同胞不守秩序，不是打尖就是你推我撞，很討厭，不是想歧視大陸人，不過他們真的很討厭，無家教，>_<''，

到玩馳車天地時，雖然車速不高，不過冷風迎面而來，是赤的，冷得想死，尤其是緊握軚盤一雙手簡直結冰．．．．

由於天氣太冷，很早就走了～

(◍•ᴗ•◍)鼠年進步

祝大家鼠年行大運,恭喜恭喜!!!