20150131 - ☼☼龍脊☼☼

 1月31日星期六。

放工坐車去行龍脊，我見好多人都有行過，都想去吓。

港島徑好乾淨，整齊少垃圾

原來一月份是山茶的季節，四周都是白色的山茶。

行好多樓梯，上斜比較多。

但上到去，你會見到好好view。

只是當天比較大霧視野麻麻，如果夏天來到，應該好靚。

見到一棵吊鐘花，提醒大家2月，農曆新年前後是吊鐘花季節。

如果夏天，可想像到藍藍綠綠的水好靚。

之後到咗打爛埕頂山，個名好正。

 龍脊好易行，兩三個鐘就行完，而且有好風景，路都唔窄，易行，當然有上斜，但易行。

20150130 - ◇◆爸爸生日@明星海鮮舫◆◇

1月30日星期五，

爸爸有次去開明星食飯，有片皮鴨coupon，聖誕節假期同爸媽去大圍間明星食，又幾好味呀，之後又再送coupon，

爸爸生日就決定去明星食，今次去明星海鮮舫，因為有姑姐佢哋，所以叫咗兩隻鴨，哈哈幾好食，不過人手唔夠，服務就差啲。

雖然近，還是第一次去海鮮舫，原本想帶相機影吓夜景，但返工都係無咩心機了。

今年熊人是女婿身份呢。 (^3^)

20150128 -<(￣︶￣)>小南國

1月28日星期三

又係女仔聚餐日子，因為我結婚時請大家飲，都要還番啲人情債。

今次去小南國。個東坡用好味但好肥，魔。也點了蝦仁，炒飯，炒飯夠乾身。

仲有八寶飯。好味，人多先會食，因為好甜，每人食少少就好了。

另外有煎窩貼都好食，面咗脆，有鮮肉汁，百葉豆腐有皮蛋，好食，是考刀工之作，另外個綠色卷好難食，以前食過，所以今次唔試。

食上海嘢必食的醉雞，小籠包同埋糖醋小排骨都好好食。人多每樣食少少都好飽了。

20150124 -╭。☆ 菠蘿山☆。╮

1月24日星期六，

今日去行菠蘿山。

菠蘿山名不經傳，不像毗鄰的青山那麼有名，卑微得只算是良景邨的後山，越過山可走到人間仙景「下白泥」。年年月月日日，邨民從山上遠眺飄蕩在半空的落日，紅光映在堆填區綠皮下爛掉的高雅，旁邊是魚塘小村人家。

位於屯門的菠蘿山，可沿著良景邨保良局方黃錦全小學的小路而上。斜路曲折難行

菠蘿山是地理科老師謝華興筆下的屯門後花園，有機會好好認識屯門的自然地貌。原來香港處於中國蓮花山斷層帶，其中兩條斷層便在青山及九逕山山腳，由於兩條斷層上下錯動，凸出的兩邊形成現在的兩個山體，中間凹位是一個低地小裂谷，就是現在的屯門谷。沿青山山脊向下走，便可到達菠蘿山。這一帶以花崗岩為主，由長石、雲母、石英等礦物組成，由於不同礦物有不同的抗蝕能力，其中以石英的抗蝕能力最高，所以，隨處可見石英碎石。夏季高溫多雨，有利風化及侵蝕，總是幫忙塑造荒漠地貌：「地貌的組成有很多因素，譬如這裏的植物覆蓋較少，眾所周知數年前發生的山火，燒了很多林木植物，缺乏植物保護就容易造成侵蝕。」部份較大的沖溝呈現黃色、白色、紅色等豐富多姿的大自然色彩，紅色是原先風化前花崗岩內的鐵，氧化後變成鐵紅色。沿車路行至盡頭，開始進入黃土地，路兩旁長滿崗松，輕輕一搓，嗅到的香氣竟似白花油，再往前走，日落黃昏之時走到山上最大的沖溝拍照，黃色荒漠被染得泛紅。這條路越來越窄，在旁另闢新徑，美麗卻步步驚心，老師說大沖溝終有一天被風雨夷平，不再危險，他處又有新沖溝形成，這就是大自然。

 

20150121 -✿｡◕‿◕｡✿ Laduree macaroon

1月21日星期三

出了bonus，心情特別靚，lunch hour 去了landmark 行一陣，買眼線筆，lotion 等。

仲買macaroon，呢間好出名

Laduree- 好似話係法國新鮮運到。
26蚊一粒架。
試了四款，有咖啡味，朱古力，raspberry，lemon，
以前唔喜歡馬卡龍，因為覺得得個甜字。有啲整得差仲會黏牙。
食過呢間之後你會愛上，無想像中甜，好鬆化入口即溶。

我同熊都對呢個小圓餅改觀啦．

20150118 - ♪♬♩♫石梨貝水塘♪♬♩♫

1月18日星期日

同熊人去行山，行九龍副水塘石梨貝水塘金山研集徑一帶。

天氣唔錯，秋高氣爽。

不過好大堆尼泊爾人在開PARTY，好多人又好嘈。

 

唯有係咁行，行到上山，高處先可以遠離啲嘈音。

幾個水塘連埋一齊。

上年去過呢度綠色小徑好令，上年用大機，今年用手機影啲相爭好遠了。

最尾想走時發現兩架車夾住我哋出唔到去，其中一個有留電話，一個冇，都係尼泊爾人，CALL到其中一個等成大半個鐘先嚟，好想劃花佢哋架車，最後開得車都成七點，好激氣又掃興。

20150112 - •●❤家常小菜❤●•

1月12日星期一。

近來開始夜放工，少了返媽媽度食飯，

返屋企食飯。熊人煮。

豆乾雲耳炒芽菜，仲有打邊邊食剩的幾粒丸一起炒。又幾好食。

金針雲耳蒸雞，好味呢。熊人蒸雞喜歡落啲酒，所以味道好夾。

20150111 - ╭。☆三支香☆。╮

1月11日星期日

呢排冬天天氣凍凍地，行山行起上來會好舒服

首先在家食個富貴早餐先，有ham麵包，ham喺阿信屋度買架。

當然唔少得有生果。

三支香係喺青衣。
三香座落於新界青衣，山形三度起伏，數峰高度相若，有如三根香燭。山峰上可遠眺西博寮海峽與昂船洲大橋一帶景色。

由青康路巴士站往美景花園側的行人徑前進，不久在右方的水泥梯級上走至大平台。沿徑續走，走過涼亭，經過墳地，在支路左轉一直上攀(直走為細山行人徑往長康邨)，先後經過第一支香的涼亭，標高柱以及最後的第三支香山峰。隨後沿路折返。

 

不過早段有好多好多山墳，都幾得人驚，過咗啲山墳之後就另有一番新境象，

由於有三度起伏，所以又上又落，其間啲梯仲左要又窄又斜，好似翻山越嶺咁。沿路上攀三支香的景致甚廣，上落差稍大，但接近全為水泥路，所以算易行。

山路都幾乾淨同幾舒服清幽。

晚上熊整白汁意粉。大c水準。 (^3^)

20150110 - ☆★環球嘉年華★☆

1月10 日星期六。

無端端要返工，好彩一點可以走人，熊過來搵我一起去環球嘉年華，

好多年前香港聖誕節就有環球嘉年華，有出名的G4，又有擲公仔。

不過我以前邊有人陪我去玩吖。

平安夜去摩天輪時都好想去，不過聽聞好多遊戲未開，所以在隔離都無去到。

先食starbucks，今次帶熊人去exchange square的星巴克，星期六下午人好少，比起遠少少的ifc 星巴克插針不入，呢度舒服好多。

而且仲有我好喜歡的蛋餅。

沙律。

仲有免費muffin~

今年個名叫歐陸嘉年華。久別八年再度回港，為期兩個月， 地點在中環新海濱即香港中環龍和道，之前因為佔領運動而唔知搞唔搞得成，last moment 先知搞得成，所以機動遊戲最初未有得玩。

入場費125元有10個token，入場係用個公仔，但入場就收番。

當日涼得嚟好好天，好舒服，好多機動遊戲，但個個都要TOKEN，有啲就一睇就知唔好玩。

要玩就要玩過最值得玩的，最後我哋只玩咗個最激的Booster Maxx，似之前的G4，十二個代幣一次。

仲有夾公仔，擲公仔。

一般都超難中，呢個似碌保齡球，熊人幫我仲到。

玩到黃昏閃人，回屋企附近吃。

食泰國嘢，有雞翼。

炒金邊粉。

BB魷魚，可以連春食埋。