o(︶︿︶)o倒數

每天也在倒數，

每星期望星期六，不停倒數，

現在我每天由七月三十一日倒數回現在，

最諷刺的，生命其實每天都在倒數～

♪♬♩♫功夫熊貓 ♪♬♩♫

功夫熊貓好好睇，好精彩，好好笑，如果想開懷大笑一番，呢套戲係一個唔錯嘅選擇！起碼睇嘅時候可以忘記不少煩惱，全場嘻嘻哈哈咁笑一番，唔錯，

當然故事背後也不忘說說道理，只要有信念，根本不需要甚麼秘笈！

本身自己很喜歡熊貓，而主角熊貓阿寶又生鬼有趣，所以特別投入！

official website: http://www.kungfupanda.com/

★☆629 冇啖好食☆★

周圍都好多人，黃枝記都排哂隊，好多嘢食又幾貴，一係又好似唔好食咁，所以最後去咗音樂咖啡豆，係何博士推介，推咩鬼介吖，其實係食雪糕，甜品

 

 個pancake都唔錯，不過要四十幾蚊就唔多抵食，而且啲醬太多，

 軟雪糕，朋友話一般咋，

 不過店舖推介嘅咖啡果凍冰沙就好好味，係全程最好食嘅嘢！

之後去威廉若公園，果度有荷花池，影荷花好出名，因為種滿好多荷花，好近，不過．．．．可能因為之前一天太大雨，又或者過咗最好季節，所以．．．冇荷花，=_="，

呢幅唔係喺荷花池影架，而係出面啲用盆種嘅荷花，好失望，果度唔影荷花真係冇咩好做，因為地方好殘舊及污漕，

 

之後仲落好大雨呢！去咗觀光塔，完全冇嘢食，只係為咗避雨！

 

 最後又死死地氣出番黃枝記度食雲吞面，因為落太大雨，好多地方都好污漕，條街污漕都嘔，實在冇咩好食！番屋企仲要飲湯食湯渣先瞓到覺！

☆★629 好熱☆★

之前一晚好眼瞓又肚餓，不過酒店好舒服，所以係咁瞓，不過酒店都幾應聲，到咗朝早時附近啲人好嘈呀，俾佢哋嘈醒咗，之後唔理佢再瞓過，一瞓醒已經十點半，過咗早餐時間，冇咗早餐食，結果去附近啲鋪頭食，嘩！難食到呢！超級極度難食～

之後又去番議事亨前地大三巴等再影相，因為尋日係影夜景，今日係影日頭，好多人呢，好鬼熱，熱到要拎傘，係玫瑰堂附近影相時，有個外國女人，主動幫我同朋友影合照，好NICE咁，點知影完之後作狀想攞走部機，當然佢只係作狀，不過都真係幾驚架，後來見到佢又係咁同其他人影相又想攞走部機，而全程佢老公都用VideoCam影住架，唔知真係俾佢嚇親！

 玫瑰堂裡面都俾影相．．．

 由大三巴度繼續上就係大炮台，亦都即係澳門博物館，天氣好熱呀，熱到死，

 

 



好彩大炮台地理上比較高，有啲風，不過由於太熱，要急不及代去食嘢先！

☆★628 澳門夜遊☆★

雨停咗，原來個天都冇唔鍾意我，先去酒店check in放低少少行李就出去行，

指定動作去議事亭前地，即噴水池附近，點知個噴水池唔開，因為唔知有咩活動，好激氣，咁就影個玫瑰堂啦～

 

我都幾鍾意影燈架！

 

 地下圖案都係我欣賞之一～

當然唔少得大三巴啦！

影完十點幾，行番酒店，行咗成日，好攰，不過個背脊反而唔痛，可能出吓汗係好啲！

返到酒店先發現唔記得帶眼鏡，五百幾六百度近視嘅我，除咗CON之後咩都睇唔倒！只可以聞，唯有吹完頭點零鐘就瞓算啦！

★☆628 威尼斯人☆★

六月二十八日(星期六)

我從來未去過澳門，只係八歲時去完珠海後路過澳門，父母入賭場，賭兩手，我同阿哥喺外面等，澳門係點樣根本唔知道，

下午一點半在港澳碼頭先叉好電，飲咗杯咖啡，之後上船，中環天陰陰，不過開始有太陽，

點知去到澳門好大雨好大雨，好似倒水咁，唔通連個天都唔鍾意我？

 雨實在太大，只好先去威尼斯人渡假村睇睇，果度都幾大，不過對我嚟講只係用三個字嚟形容，＊布景板＊，大係好大，不過睇一面等於睇三面，如果唔係拎隻熊仔出嚟影相，真係悶到抽筋呀，

 高額博彩區？一個連六合彩都唔買嘅人，點會去賭錢，喺門口影相叫做到此一遊啦～

 啲嘢又貴，好肚餓，但又唔抵食，有板前呀，不過三十幾蚊一碟cheap 壽司，結果四十幾蚊食個麥記的板燒雞腿包餐，起碼飽肚先，呢幅係麥記裡面的裝飾，反而幾得意，

六點幾走，點知個天清番，原來冇落雨喇！