20170531 - ♪♬♩♫為食B♪♬♩♫

5月31日星期三

 

我個B都幾為食，好喜歡見人食嘢就想食埋一份，宜家BB三奶兩固+水果。

七個半月開始七點都食粥仔，起初都怕佢消化唔到，不過佢其實都好喜歡食粥仔。

由初初食大半碗(約160ML)，到宜家食一碗滿，應該有180ML吧，次次食完都喊，知佢真係食到。

 

宜家每日時間如下。

6:00 AM          奶200ML

10:30 AM        粥仔。一碗成人碗

2:30 PM           奶200ML

中間再食水果 蕉一條或梨一個。

6:30 PM           粥仔。一碗成人碗

BB餅一塊。

10:15 PM         奶200ML

比以前早咗少少瞓。

 

每餐粥仔都會配一種蛋白質食物如三文魚/青豆/瘦肉/豆腐/蛋。

另加一種菜，(多數菜心)

及一種蔬果如南瓜，節瓜或蕃茄等。

BB日日都有便便，早晚各一。

 

暫時試過的食物有:

三文魚/青豆/瘦肉/豆腐/蛋/南瓜/節瓜/紅蘿蔔/冬瓜/青瓜/蕃茄/薯仔/梨/蘋果/蕉/芒果/木瓜等。

 

為咗BB可以食到肉，我專登買咗部切肉機切碎啲肉俾BB食。

希望BB咩都試，唔好偏食就好了。

我哋喺婆婆度食完晚飯會食橙，通常俾好少佢啜，宜家一見人食橙就好嘈，要食埋一份。

端午節冇粽食，就食手。

每晚都俾PIGEON啲BB餅俾BB食，佢比星星餅大好多。可以自己拎住食，初初有半塊餅喺手心度食唔到，宜家識食哂成塊啦。
初初食緊時會笑，但一食完就喊，但我每次都只係俾一塊餅佢食，喊都冇用，宜家食完唔再喊了。

20170529 - ♣♧豚王+Hysan Line Friends Store♧♣

5月29日星期一

 

聽日端午節，我同熊人今日放棄BB，兩口子放工拍拖，不過放工我都先去了上環永安買杯俾BB架。去完貫杯就去銅鑼灣，一想起CWB就想去食豚王。

登龍街而家已經變咗一條拉麵街，形形色色大大小小既拉麵店進駐晒係登龍街 ，上次去到以為豚王執咗就去咗另一家金田家，我哋覺得唔差，但搵唔到日本食拉麵的感覺，之後再SEARCH先知原來銅鑼灣分店已經轉址， 搬左去 V Point 地下 (舊址再一直向前行) 。

 

只有4款拉麵，除左4款特定既豚王，黑王，赤王 & 翠王之外，仲有個限定王，限定王目標係為求滿足愛追求新鮮感嘅客人，不過個人比較愛吃原創食品，所以後者都不會作考慮。

 

我揀咗原味既豚王拉麵要青蔥，每碗拉麵都有木耳絲，湯底我只選擇普通濃味，一般蒜蓉。唔要辣油，喜歡叮豚王拉麵因為個湯底做得好好，湯底以大量豬骨煮成，經過多個小時令豬骨湯呈現奶白色，因為重豬骨既骨膠原所以湯汁帶點杰身，飲落豬骨味道十分濃郁，好濃厚。湯底真係做到好似喺日本食到的拉麵咁。

 

幼麵既硬度簡左普通，廚師控制麵底嘅時間做得好好，食落軟硬適中，而拉麵帶有些微咬口爽口就係我最喜愛的原因。

熊人揀咗赤拉麵，佢都話辣辣。麵質湯底當然一樣，只是好辣吓。

我哋兩個人先加一份糖心蛋，同埋木耳絲，糖心蛋係17蚊一隻，堅係貴，木耳只係八蚊，不過幾好食，糖心蛋係注咗醬油入去隻蛋度，所以有啲味，而且係入口有蛋汁，正。

人之後我哋行LINE FRIENDS STORE。原來上次來CWB已經是八個月之前的事，即是生BB之前，當日皇室堡有奸夫，行完又再行LINE FRIENDS STORE，之前雖然是大肚，但係都周圍去，可以去夜少少，宜家好掛住BB。

近來HYSAN的LINE FRIENDS STORE都轉咗，轉了有CHOCO。

除此之外，今期流行是ROCK 主題。

Beat Party，我買咗兩年一樣的tee，一件小童最細碼俾寶寶。一件自己，實行母子裝。

 

宜家出了兩款結婚公仔，一款係日本的，得意。

呢套都同我結婚時的唔同啦。

mouse pad，好得意呢，似黑膠唱片。

之後想吃甜品，最後去麥當當食oreo cheese cake，慳一點錢。

 

熊在line friends store 買了熊大電話座俾我，日日可以對住熊大。

返到家十一點。BB竟然醒了，結果同BB玩到十二點幾先豬。

20170528 - ☎️☎️搶電話☎️☎️

5月28日星期日

 

凌晨12:30係英格蘭足總盃決賽，竟然大台做直播，暗咗BB豬覺仔之後我哋兩個終於可以靜靜地睇場波，好似好耐冇試過睇波。

 

近來BB見我拎電話同佢影相就想搶我電話，宜家好難同佢影相，張張相都好有動感啊。

 

呢張又係想搶電話☎️，人哋唔知以為BB咁細個已經識自拍。

BB初初細個時已經成日想搶我個LINE 漢堡包手機☎️，因為啲顏色好令，之後我換咗個手機殼係奸夫，深藍+白色間條，顏色冇咁吸引，佢有一輪都冇咩興趣，但近來又好有興趣想搶手機了。

20170527 - ◆Yahoo! blogger 聚@PizzaExpress◆

5月27日星期六，

一個月前約了三位YAHOO! blogger一聚，有位Cat 見我生完之後就想約食飯，終於約好，我2016年寫blog，其中07-09都寫好多blog，佢哋大約係07-09年認識，眨吓眼都識咗成十年，當中vyvy生咗蕉仔，我就結婚兼生仔，

佢哋選址又一城，好近我呢，佢哋都好想我帶bb，熊人又唔放心，佢同我一起坐車去九龍塘火車站，之後熊人去新世紀睇戲，我就一個帶住bb去又一城食嘢。

 

點了四人餐$499，可選一款沙律。

選了凱撒沙律，啲沙律一向唔錯，好足料，有好多雞胸肉，菜亦新鮮。

另選兩款小食，一款係蒜茸包竟然真係包，唔係多士咁熱氣，GOOD~

另一款係意式焗肉丸，配麵包仔，D小麵包勁可愛，細細個咁兩談食哂都幾好味，肉丸係牛牛我就冇食了。

有意粉，但我冇影相，食到中段冇手影。
羅勒香草醬意粉，有羅勒香草醬、巴馬臣芝士、車厘茄、松子仁，雖然個意粉冇肉，但香草醬味好食，好香的醬加幾粒車厘茄食，簡簡單單都好好食 。

有兩個PIZZA，其中一個是海鮮 pizza，餡料豐富，口感一流，有蜆肉、蝦肉、蕃酉、橄欖、靑口、魷魚... 等等，勁多料，而且PIZZA既餅底真係好味，薄薄地，唔知點解我特別喜歡有一層粉既感覺，感覺上無咁油同好新鮮。

另一個蔬菜芝士pizza，好靚，唔駛好多肉都可以好好食。

呢度食嘢唔限時，好好呢。

 

 

BB出門口時已經好攰，但出街又唔肯瞓，宜家開始怕陌生，所以朋友一抱多陣就喊喊，要搵媽咪，搞到冇啖好食，一係單手食，一係就俾朋友抱一陣就喊住搵媽咪。無限添飲的檸檬茶都飲唔到幾多，個位又曬，抱住BB熱死了。雖然食不滋味，但可以見多BB一陣都係開心。或者希望遲啲同熊人一起吃，因為熊人都喜歡吃PIZZA EXPRESS，

最後兩點幾食奶奶，就笑笑。點知個水樽漏水，好彩CONNIE幫我手抹咋。

佢哋又送嘢俾BB。真係太客氣了，

食完我過去新世紀(MOKO)等熊人睇完戲，一個女人推住架BB車都唔係太方便，好彩CONNIE都去紅磡坐隧巴，同我一齊入閘，

 

去到MOKO坐低一陣，BB拍拍手好開心啊，之後見到熊BAND 友BOBBY竟然唔驚，仲摸人塊面呢。氹得佢好開心。陪熊食完LUNCH之後就回家了。

BB由十點到宜家都冇瞓過，最終四點半左右喺熊人手上豬覺仔。

20170522 - ❤️❤️BB等我門❤️❤️

5月22日星期一

今日去收樓，好彩有朋友幫忙收樓先唔駛請假。咁就差不多三年了，呢三年變化好大呢，

 

由於會同朋友食晚飯才返家，所以叫姐姐一早俾水果BB食(3:00-7:00)，食完晚餐就可以瞓覺，點知時間安排得差，成六點先俾水果佢食，食完仲俾水佢飲，七點鐘BB都未餓唔想食。啲粥仔倒咗出嚟就唔好再KEEP，浪費了粥仔，最後只好食奶，食完奶諗住佢瞓啦，點知佢瞓一陣又醒。

 

十點幾醒咗，我哋22:45返家，BB好似等埋我哋先返屋企。BB一聽到我把聲就望住我喊同扭抱了，其實BB大概7個月左右就成日扭我抱，試過幾次BB喺屋企同姐姐玩緊，一見我返到去就喊住要抱了，又試過星期日我換好衫佢就望住我喊，要BB在BB車先笑返咋。

 

好彩去日本時BB未識扭，否則我真係有排喊。睇來我唔可以再離開BB了。

 

 

20170520 - ※※老爹茶居※※

5月20日星期六

今日係最後一個要返工的星期六，

熊人帶BB去馬鞍山等我。佢先同BB去咗Daddy's Kitchen等我。

Daddy's Kitchen係新港城中心入面開舖已經好耐啦。早排新港城中心搞裝修，D SHOP黎個大改革，迫走左Daddy's Kitchen，所以搬左去第五期的地舖。

其實我住馬鞍山咁多年都未食過呢間，啲人話算好食，我就貪佢有位擺BB車。

點了午餐，大概是4X- 5X幾一個SET，都唔錯吧。

 

點咗個鰻魚蛋炒飯，飯可以俾你揀太陽蛋定熟蛋。

有驚喜的是鰻魚份量都幾多，初初以為係鰻魚粒炒飯會好少鰻魚，估唔到有半條鰻魚咁多。

咖啡係即磨咖啡，偏苦，不過有拉花又頗有誠意。

另一個餐係，吊片豬肉丸拉麵。份量都係正常份量，拉麵，有少少梘水味，唔係拉麵，唔可以係日式拉麵，只係有個魚蛋似拉麵咋，湯底又唔會似日式拉麵，不過吊片豬肉丸又幾好食。如果日式拉麵就唔及格，不過當普通食一個麵又呢個價錢算OK。

帶寶寶同圍行吓，佢當然好開心啦，三點食奶奶，點知屎屎，HEHE，第一次用育嬰室。

20170519 - 食菜菜✿｡◕‿◕｡✿

5月19日星期五

自從星期日俾菜心bb吃之後，星期一在婆婆家也給了水煮菜心bb吃，星期日三條菜心放在他心上一會兒就飛在地上了。因為bb經常都會把東西掉在地上，有時吃一口，望一望，就飛在地上。

星期一也浪費了兩條菜心。

不過，今日是第三次給寶寶吃菜心，bb竟然自己拿著吃得津津有味，今天第一天兩餐固體，剛吃過粥仔之後，看到菜又要吃，他不但懂吃菜心，而且拿得很緊，想幫他把菜頭倒轉都不行，一隻手緊緊拿著菜心，另一隻手想再拿另一條菜。

吃了很久，最後也掉在地上，他知道沒有了，就喊起來，

想不到bb由不懂吃到懂吃只需一兩次就學習到了。

看來婆婆家會因為這個孫仔煮多些菜心吃，可能天天都吃菜心呢。

20170516 -♪♬♩♫同奸夫玩♪♬♩♫

5月16日星期二

👶🏽大咗之後，越來越多互動，之前在床上爬時見到奸夫，我們在寶寶面前揚一揚，寶寶只是眼眨眨，現在我扮奸夫講說話時，👶🏽好開心笑，會望著奸夫笑笑，好像是自己的朋友。有時又會主動爬去找奸夫。

不再是bb了。但越來越可愛。

每天見到bb開懷大笑，我就最開心，所有煩惱都忘記得一乾二淨。

20170514 - ♥ ♥ 母親節 ♥ ♥

5月14日星期日，

一早就起床弄菜心，青豆薯蓉給bb吃，但薯蓉弄得不好，bb好像吃得有點辛苦。

由於菜心只用菜葉給寶寶，我自己會吃些菜莖，亦會給一些bb咬，bb看來吃得津津有味呢。

我是一個不懂煮食的媽媽，但為了bb，我都會早一點弄bb食物給bb吃。

幸好，寶寶暫時算是一個喜歡吃的bb，每次見到bb吃得開心，辛苦都是值得的。

昨天熊家及樹懶家都有切蛋糕慶祝母親節，但bb每次差不多切蛋糕時都睡魔上身，熊家的蛋糕只拍過照就要睡了，未嘗一口蛋糕。

而樹懶家的蛋糕連看也沒看一眼就切了。

熊人也沒表示。很不開心，母親節就是這樣過。

 

幸好最後熊人也代bb買了小小的康乃馨給我，bb送給我呢。

小小的也好，簡約一點。

bb對自己的腳很有興趣，更食腳趾了。(>__<)

20170512 - ☼☼中環的太陽☼☼

5月12日星期五

 

LUNCH 前有個朋友話影到圓形彩虹，我今日又剛巧出街買午餐，佢外出時仲影相俾我睇，於是我又在街上影，由於太光，望唔到，只靠用手機的MON影，但都唔係好靚，人哋係彩虹嚟架，可能因為中環天比較黑，太陽是很猛的，但天灰灰，手機已盡力了。

 

這是天文現象，報紙的報導如下。

 

今日下午1時許，本港上空出現日暈（Halo）現象，一個大又圓的七色光環圍繞太陽，畫面異常悅目，多區均可抬頭望見。

日暈通常呈環狀或弧狀，本港一年會出現十數次，不算罕見。在高空15,000呎以上的卷雲或卷層雲，其冰晶將陽光折射時，會出現圓形的日暈，因位置較高，就看似在太陽旁邊，形成與彩虹相似。

 

今天很圓美吧。

 

20170511 - ◎以為自己識行◎

5月11日星期四。

bb真係好好動，每一天都想企起來，坐已經不可以滿足到bb豬了，他有時扶著梳化，床邊企一會兒，企得還未穩當，但他已經急不及待想走幾步了。

他扶著梳化的一邊想走到另一邊。

由於企也未穩當，如何走路，我只好扶著bb，但bb以為自己是真正可以行，以為自己行動自如了。也許站起來看世界跟趴著卧著看的世界真的很不同吧。

 

這些企的姿態，不像是嬰兒，像小孩了。

20170506 - ♥Simplylife +赤柱拍拖去♥

5月6日星期六。

今日要返工呀。

放工過去赤柱找表弟買line風扇。熊人就唔帶bb來接我食lunch。

之前一晚講開想去金鐘食simply life，諗住星期六金鐘應該少人，唔駛等，點知都要等，仲要限時60分鐘。

不過我堅想食，因為lunch time間中會經過睇吓啲蛋糕，好吸引。

今日我哋點一個lunch，兩件蛋糕。

士多啤梨蛋糕- 士多啤梨數量絕不吝嗇，味道微酸，緊貼在厚厚一層鮮忌廉之上，幸好忌廉比較輕身，不會過濃過膩，而芝士蛋糕的部分並不多，只是薄薄一層。與其說是芝士蛋糕，倒不如稱之為切件芝士撻更為貼切，底部其實是較薄的紐約芝士蛋糕質地，結實濃厚。

撻底部分並不香脆，質感很實，會很飽肚。

無花果乳酪蛋糕- 令人失望，cream是好滑，蛋糕也很鬆軟，但吃不到無花果味，也沒有乳酪味。

 

酸酸甜甜很濃郁，感覺開胃健康溶，喝下去還帶一點點番茄蓉，口感不錯

all day breakfast 點了Eggs Benedict 的基本組合包含：底層的英式鬆餅(English Muffin)、中間夾烤培根或是火腿、上層水波蛋(Poached Egg)， 最後淋上荷蘭醬(Hollandaise Sauce)。我很愛egg benedict，因為我好喜歡那個荷蘭醬，及有蛋汁的半生熟蛋。

 

上碟簡潔，poached egg下面是磨菇及菠菜，以鬆軟的muffin盛住。另外再有香煎蕃茄伴碟，切開poached eggs啲蛋漿即刻湧出好澎湃，蛋黃醬味好濃郁之餘而且略帶少少酸酸很開胃！沾埋麵包好好食。而蛋白位置就滑溜溜，想一吃再吃。

 

咖啡比較苦，不太吸引。食物整體質素很高，如果不是經常排長龍的話，我都想再吃。

之後坐巴士入赤柱。同熊人重溫第一天拍拖的日子。

在美利樓，卜公碼頭走走

今日有看八間屋。八間屋（簡稱八間）是香港七個二級歷史建築及一個三級歷史建築連成一組的歷史建築群，位於香港島 赤柱 赤柱大街二號，因八間相連的小屋而得名。位於赤柱灣東側，背靠黃麻角道，赤柱大街南端的海濱長廊盡頭，經過 水僊古廟後，再 向上前走 約 2 分鐘便到達。

很少機會放下bb出外走走拍拖去。開心又掛心呢，沒有車去赤柱真的很遠路。