20161231 - ✿｡◕‿◕｡✿ 除夕

12月31日星期六

星期六要返工好慘，放工留低BB豬同工人姐姐在家，我就同熊人去新港城Italian Tomato食晏，忽然好想食檸檬芝士撻，所以點了一個pizza加蛋糕set

吞拿魚pizza,不過唔明點解落青豆，唔夾，唔係太好味。有杯咖啡飲都幾好。

買咗件衫係長冷衫，百幾蚊咋，自己買布都唔得啦，夜晚去31/F吃飯，之後返家看電視，
以往除夕夜都間中會出去慶祝，但今年湊住BB豬都冇得慶祝啦。三口子坐屋企休息吓就咁就過咗啦。要出去倒數或慶祝，要過多兩年啦。當然有BB豬一起過新年雖然平淡但都好開心呀。

20161230 - o(≧ω≦)o細蓉記+沙田燈飾+少爺18 Hawker

12月30日星期五

老闆唔喺公司可以去上環找熊人LUNCH，坐叮叮過去都快，可惜熊人俾老闆捉住遲走，

熊人帶我去細蓉記食。

細蓉ｰ即係雲吞面相傳做法：匙羹攞底，再放上雲吞，再放上麵，咁麵就會無咁易淋哂。雲吞麵嘅靈魂當然係雲吞同麵。呢間個雲吞係唔錯，好爽口，而麵質都好彈牙，而且冇梘水味，不過個湯底就差啲，冇大地魚味。而因為點咗餐所以有奶茶，奶茶都可以。

見到人哋有點心，例如腸粉，好似好好食啊，有機會會試吓。

雖然同熊人食一餐晏只係好短時間，但都好開心。

地址:上環文咸東街129號地下

晚上就叫姐姐帶BB出來沙田火車站等我哋，去七樓個平台影燈飾，都幾靚，今年冇去其他地方影聖誕裝飾，呢個係第一個，我覺得呢個位最靚，尤其是轉緊色時，

不過其他地方就麻麻地啦，上年玻璃花靚好多。

有個同事專登過嚟撞吓BB呢，由於帶住BB影相冇咁方便，所以影一陣就走，

之後本來想食pizza,但太多人等，最後去咗少爺18Hawker食，以前呢間係叫海南少爺，食東南亞嘢，宜家呢個係食新加坡嘢。之前葵芳食過。

點了炒河粉，幾好食，尤其係個特製醬汁。

炒蘿蔔糕有蛋嘅？

咖哩雞個咖哩好食。

炸油條，裡面有魚肉，但油條不夠脆

白飯魚沙拉，白飯魚比較un配芒果頗惹味。

今日帶帽遮住阿叔髮型就靚哂。

20161229 - ❀Christmas Ribbon Matcha Latte❀

Starbucks^® Teavana™ Christmas Ribbon Matcha Latte
Velvety green tea is combined with a splash of sweet, tangy pomegranate juice. The beverage is then topped with milk foam and ruby red pomegranate drizzle for a refreshing and cheerful experience.

 Teavana 石榴抹茶牛奶
充滿節日氣氛的紅色紙杯盛載！青色的抹茶牛奶 ，整體賣相紅中帶綠！表面唧上忌廉，突出立體感！混合忌廉，質感更香滑起來！不過抹茶本身苦苦地，同石榴的酸酸甜甜其實唔太襯。
而且價錢勁貴，SHORT $38, GRANDE $46，我自己個人覺得飲番普通的鮮奶綠茶好過。

20161228 -☾Hatsu Japanese Restaurant☽

12月28日星期三

今日幾了同事吃午餐，
唔知食乜，又唔想等位，於是去咗金鐘Hatsu Japanese Restaurant，

這間餐廳有lunch set，每個set跟蒸蛋、meso soup、茶啡、甜品同自助沙律吧。價錢比餐牌正價平$30左右。其實也不便宜大約148元一個，但好多SET都有牛肉，其他SET 都過160元，連加一接近200元一個人。如果食壽司SET更要過200元。 不過喺呢個區搵食就係咁，唔會有咩平嘢食。
個沙律吧啲菜姆新鮮幾令，而且啲醬汁有好多款俾你揀，例如日式芝麻醬，千島醬，仲有特製醬都好好食。青瓜新鮮。

而個SET係蒸蛋，飯，湯，我呢個係滑蛋天婦羅定食，天婦羅上面有層滑蛋，都OK好食，但又值咁貴，最後可選餐飲或糯米糍。

晚上熊人出差不返家，BB原本應該九點食奶，但貪睡瞓到十點半先食，食完又瞓，點知十一點起身，之後仲屙屎，同佢換完片就醒哂，唔肯瞓覺，同佢唱歌仔暗佢瞓，佢仲對住我笑，一見佢笑就嬲唔落，同佢玩到差不多兩點都唔瞓，只好交俾姐姐。

20161227 - ✿馬鞍山昂平✿

12月27日星期二，

今日係聖誕四日假期最後一日，由於工人姐姐不是假期，我同熊人就放低BB一日去行山，我哋屋企一行上去就係馬鞍山，以前熊人揸車一陣就到，宜家就要行斜路上，其實路程唔太長，只是一開始好斜，好彩當日天氣好好，忽然由昨天又熱又濕轉為又乾又凍，而且又有太陽好舒服。當日都有唔少人行。

 

天氣好好，可以看到萬宜水庫，視野咁遠是可遇不可求。

馬鞍山昂平可謂是香港少數的高山平原之一，高約四百米，地勢平緩廣大，可飽覽西貢市中心及對出海面一帶的景色，甚至可以遠眺西貢萬宜水庫的西壩，景色開揚。這兒也有牛群聚居，於大草原上生活著，此情此景甚是寫意。另一邊箱，每逢周末周日，天氣適合的話，這兒也有一群滑翔傘愛好者選擇在這兒起飛，翱翔天際。每次起飛，總惹來遊人的圍觀，場面熱鬧非常。前往昂平高原主要有兩個方法，可從馬鞍山恆安邨附近的迴旋處／錦英苑出發，沿著馬鞍山村路，走到燒烤場，接上馬鞍山郊遊徑；或是從西貢大水井出發，沿著馬鞍山郊遊徑前往。

後面係太金鐘，本來想喺昂平草原坐下食吓嘢，但實在太大風，怕帽子都會被吹走。

最後行返去西貢，去街市買斤蜆回家煮，只係坐返6.1的99回程，回程再行富寶樓梯上，夠哂運動量吧。由出門口十點半左右到回家三點多，回家見到BB睡覺，有點內疚。

當晚的日落晚霞好靚。

20161226 - ☼☼去街街☼☼

12月26日星期一

 

今日同BB去街街，去佢呀嫲嫲度，因為係元朗，好遠，所以係好大挑戰，成個幾兩個鐘頭車，有咩喊都好煩架。出門口時已經好眼瞓，不過一出到街就唔願豬，係咁要睇嘢，坐40X時想喊，唯有抱到佢可以睇嘢的視線，又OK啊，之後喺瀝源轉269D，佢過咗城門隧道就開始扭計，

因為佢其實好攰，但又想睇嘢，睇到攰就扭眼瞓。好彩抱住佢又瞓到。不過落車行去坐小巴時已經醒了，在小巴度大吵大鬧呢。落小巴時發現跌咗一隻襪呢。

去到嫲嫲家，佢同姑媽玩一陣就食奶，食完奶仲BOO BOO，之後開始攰攰要豬，

今日有火腿

蘋果批

火雞。

BB一直瞓，而到六七點爺爺都回來，但BB都繼續豬，有啲人想整醒BB無所不用其技，明明BB食完奶成個鐘因為屎屎而換過片，之後一直瞓都冇飲水，我哋係坐的士走，臨走差不多八點時，又想迫我換片，真係好嬲，整醒咗佢的話又可以俾你班人玩啦，好毒囉，但瞓緊點解要換片，又話條片好重，但坐的士又會幾耐？整醒坐佢之後喺的士大吵大鬧你幫我搞掂佢呀？好離譜，之後返到屋企時條片根本唔重。

真係忍咗好耐，坐月時日日上嚟整到BB冇得瞓，十二朝帶埋啲人上嚟大搖大擺搞到BB傻咗，要人抱住先瞓，仲賴人哋個女友有咗BB所以抱到咁，知唔知個問題喺自己度，上星期日本身要出去食冬至飯，但BB病了剛好，唔想佢再受感染，於是當晚BB係唔會出去，佢上嚟見BB瞓得好好，就第一時間話，摷醒佢，好彩熊人第一時間阻止了。

好多次搞到我個BB喊哂唔俾我抱，然後自己又走去抱，你抱就得，我抱就唔得？唔好以為你自己湊過幾個B就真係專家，連基本尊重BB作息時間都唔識，唔好話自己識湊B囉，而且時代已經轉咗，唔好以為自己所有嘢都係對，所有嘢是絕對。我唔出聲唔係因為我唔想熊人難做，唔好以為我好好蝦呀。

20161225 - ♪♬♩♫同bb食壽司♪♬♩♫

12月25日

星期日

 

今日冇咩做，姐姐放假，BB六點半食完奶，大家一起再瞓過。

之後沖完涼唔知點解又話四點幾，同屋企人落街食元氣壽司，幾個月冇同媽咪食壽司，見BB都兩個幾元，可以出街，本身預咗食食吓要輪流出去抱。由於勁早去到，所有迴轉卡位坐，坐得舒服都好正。

今次想食多啲，食咗腐皮。

鰻魚，帶子

吉列蠔，

炸蝦。

八爪魚仔

火灸三文魚

吞拿魚

赤貝

加洲卷。仲有三文魚頭湯，好滿足，至於BB，可能對環境好奇，好努力咁望光光，同公公玩，啲碟又有好多顏色，佢好開心四圍望，冇扭計呢。

反而之後行TASTE時佢開始眼瞓就有啲忟，佢唔鍾意帶呢個飾物，因為整住佢，反而尋晚帶媽咪個鹿角冇整到佢就冇事，因為我個大人係好大個呀。

估唔到開始可以同BB出街食飯呢。可以同BB周圍去。

20161224 - ✿｡◕‿◕｡✿打針

12月24日星期六

今日帶BB去旺角打針，坐地鐵出去都算乖，之後去到差不多一點，再等吓又扭食，抱住唔扭，一次過口服輪狀，打十三價，六合一，本身夠鐘食奶，入去打針時喊，但口服輪狀以為有嘢食就唔喊，但一打針就喊了，擔心佢慘慘就即刻出去開定支奶，點知熊人話佢一陣就冇喊了，第二支針仲只係喊咗三聲，熊人抱出來時，只係扭食，醫務所食完奶仲屙屎，之後換埋片，

就同熊人朋友在旺角食晏，bb乖乖好定，只係差不多食完時扭眼瞓就喊吓，

之後打算去朗豪坊行一陣，人太多，買少少嘢即走，行埋去先達賣機，貼貼、賣到兩千，即閃。

回程bb好攰豬了，返家食飯之後九點幾落街跑步，今次可以一口氣跑11-12圈，大約五公里，進步了，但同以前爭好遠呢。球場係悶啲，不過就比較好跑，冇上落。

買了蛋捲慶祝聖誕節。跑完繼續肥。

20161223 - ヾ(◍'౪`◍)ﾉﾞ快閃置地

12月23日星期五

明天平安夜是星期六，之後連補假有三天假期，街上有濃厚的節日氣氛，好多人都著得好靚，因為四天長假期，大家可以去玩，我返返工之後每日都出去行吓，中環好有節日氣氛，今日都好多人準時走，熊人放工過來置地等樹熊，我就6:10走過去置地同熊人影吓相，影半小時左右就返家了，我哋年年都周圍去，今年有小朋友就冇得四圍去了。

近近地放工去置地感染吓氣氛就算，今年置地以動物馬戲團為主題。都幾靚。

20161221 - ✿｡◕‿◕｡✿ 冬至

12月21日星期三

今年冬至係21號，第二日返工就可以放早，好開心，點知由尖沙咀返家好耐，以後都係迫番九龍塘算。

 

結果都係早到少少返家，見到bb豬就好開心，不過等埋哥哥都成七點半先食飯，飯後仲食湯丸都晏晏先返家。

十一點餵bb時佢勁屙一篤，上咗背脊，要換哂啲衫，我即時要洗衫，熊人就換屎片，熊人幫bb抹好之後就掉垃圾，點知bb趁冇人時就vv。我哋張床單就濕哂.....姐姐出來見到即刻幫我哋換床單....

一隻bb豬搞到成屋都忙....

換完套衫好型仔仲懶得意....

20161220 - •●❀很掛念❀●•

12月20日星期一

要上班了，十萬個掛心，bb豬冇食夜奶，今早bb豬七點四起身要食奶，我未出門口，可以抱bb一陣先出去，bb豬合埋眼來扭，應該又眼瞓又肚餓，起來想見我一面，成日都聽到佢喊，好擔心，結果十一點再起身， 一直唔瞓，直至四點幾去媽咪度瞓。

bb豬有冇掛住我，好擔心bb豬唔記得媽咪了。

 

夜晚見到bb，好開心，又係我暗bb入睡，

俾bb用手摸吓奶樽，好似識揸住飲咁。

20161219 -(〒︿〒) 最後一日假期

12月19日星期一

今日係我八十日悠長假期最後一日，好唔捨得bb，bb唔知係唔係知道我要返工都唔多願意瞓晏覺，暗到佢瞓，15分鐘就,醒，星期六已經因為唔捨得bb而喊了。

今日bb唔肯瞓就同佢玩，都好乖呀，同佢傾計都唔會扭計或吵吵鬧鬧，因為背好痛，唔抱到好。

六點左右我喺樓下跑跑一小時左右。希望唔好咁肥。

嚟緊bb以後十一點飲最後餐奶，我負責暗佢瞓著就俾姐姐，聽日開始日頭無媽咪抱抱，bb要乖乖地習慣一下。

晚上bb又唔肯瞓，我暗暗吓熊人要我俾姐姐，我好嬲，因為點解唔係我暗？

我大吵大鬧之後先俾返bb豬我，之後bb豬了。

 

20161217 - ✿✿中獎✿✿

12月17日 星期日

同事星期四問我返唔返去聖誕聚餐，我有考慮，因為我要參加交換禮物先可以抽獎，我要五百元先可以，好似返一返去就冇咗五舊咁，不過因為公司個貓入唔到，想返去搞搞，所以就決定返，問哥哥買百佳禮券（有九折）嘻。

返到去大家都話我修身快，我都想盡快修身呀。我勁好彩中咗三獎，係挨瘋七啊。抽呢份獎時我隨口說話中咗可以換機，點知真係抽中。老闆話啱啱生完嗰個呢。呵呵，笑死我。

估唔到450搏到6388😂

之後同同事吹吓水，都幾開心，好耐冇見呢，要收拾心情返工。

出去半日有多好掛住豬仔。

20161215 - ❃❃扮鹿❃❃

12月15日星期四

今日天氣幾涼快，17、8度左右，即刻搵呢件衫著吓，扮鹿，呢件衫係0-3個月，再唔著就唔駛著，要等到凍先著得，等咗好耐先夠凍呢。佢宜家可以著啲0/6個月嘅衫仔，0-3個月可能只係著埋呢個月咋。

呢件衫仔好彩人哋俾，新到不得了，分分鐘著多次就唔啱著，好彩唔駛錢，否則好浪費。