2月27日星期五
熊人約咗朋友食晚飯，馮太無咩做就返家自己食，放工都唔早了，買啲蛋糕俾熊人一陣間食。
熊人準備好蒸飯俾我，喺街買的。我只需放入微波爐就得，結婚之後好少一個人食晚餐，通常我出街，熊一個人食就多，不過其實一個人食飯都過得好快。上下網又過咗。
在東海堂買了三件，白桃撻，茫果同埋士多啤梨卷。
熊去打邊邊，好飽，唔多想食蛋糕，但最後都食件卷蛋。但一般，啲士多啤梨味有啲假。
2015年2月27日 星期五
2015年2月25日 星期三
20150225 - ❤泰潮❤
2月25日星期三，
情人節禮物IPAD仲未買保護貼同套。
所以去黃金行一團搞掂佢。
順便食嘢，
深水埗好多嘢食。
但我哋始終會去飯堂食。
因為喜歡食佢個海南雞飯囉。
近來仲喜歡食呢個冬蔭公粉，個湯真係好好味。
2015年2月18日 星期三
20150218 - ◇◆年三十晚◆◇
2月18日星期三，
年三十晚，個死佬賤人想我哋留低，但真係做唔到，你冇家庭，但其他人有家庭，有家人。唔好玩啦。
約了熊人行花市，行日頭算了，今次無咩買嘢，唔想買無謂嘢，反而買咗副雨傘運動的撲克牌。
無買熊大。
但買咗魷魚個女朋友。
有啲特別啲counter，例如呢個忍者小靈精，好少有，不過好貴呀。
我反而有興趣睇吓呢啲。
行完花市返家食少少嘢就過媽媽屋企，十一點左右接埋哥哥。
媽媽年初一生日，冇同媽咪講過返來，俾個驚喜佢。
嫁咗之後少見媽咪，好想媽咪知道我仲好錫佢。
我只可以做到呢少少嘢。
2015年2月15日 星期日
20150215 - ヾ(◍'౪`◍)ﾉﾞ 新春迪迪尼
2月15日星期日
今年好遲新年，同媽媽今日去迪迪尼影新年衫。
要排大街個亭的Mickey Minnie，點知排排吓落好大雨，係超級大嗰隻，好慘呀。有傘都好慘，因為排成九個字。
個亭好多花花好靚，但落雨落到濕哂。
排到見到主角時已經停雨，當日只出佢哋兩個，其他迪士尼朋友都無出現，好失望，因為宜家唔似以前咁成日去迪迪尼，一個節日可能只去兩次，要就媽媽又要就熊人時間，遇唔到就無得影。
估唔到園區有好多其他公仔，影吓佢哋都好過無。
花紫菊花都可以有浪漫感覺。
人氣大熱的Tsum Tsum
2015年2月14日 星期六
20150214 - •●❤甜甜蜜蜜❤●•
2月14日星期六，
不用上班的情人節。
瞓到成點。
起身唔知有咩做，熊提議食buffet。
於是食吓tea buffet，係k11的Hyatt，
三年幾前食過好多嘢食。而且質素幾好。
於是又去食，可能情人節啲人多數食晚餐，所以臨急打去都有位。
有海鮮，無蠔，不過我唔食都無所謂。
嘢食有唔少鹹點，唔係一味甜點的tea buffet。
熊人話呢隻芝士好味，配蕃茄好正，所以我又食。
壽司ok。
甜點最正，好多款式。
冷麵唔得。
食好多甜品。
呢個係臨走時見到晚餐的甜品，仲靚啲。
食完行去iSquare影癲噹，勁得意。
熊人得意之作。
最後仲去the one買了間條熊手機套。
2015年2月13日 星期五
20150213 - •●✿新年甲✿●•
二月十三日星期五。
提早整指甲，因為就快過年，見到本和服書，有和服甲，整呢個有畫花，也有用貼紙，好似好多層，紅色有新年氣氛。
今日是媽媽新曆生日，無同佢慶祝，反而哥哥買了蛋糕。好唔開心，喊起上來。
2015年2月10日 星期二
20150210 - ╭。☆菜乾豬骨粥☆。╮
2月10日星期二，熊煮粥俾我食，熊唔喜歡食淡而無味的白粥。
煲粥都唔會太簡單，呢個加了燒豬骨，陳皮，菜乾，
我好喜歡菜乾呢，加埋陳皮就好夠味。
仲有炒菜。
由於有好大舊豬骨，所以食粥都可以好飽。
間中食弼食飯食意粉，通粉等，日日有變化呢。
2015年2月9日 星期一
20150209 - ♪♬♩♫越棧♪♬♩♫
2月9日星期一
就新年啦，今年第一年派利是，除了用公司有多的利是封之外，仲想買吓啲靚靚封，例如LINE，所以就行吓沙田一田。
沙田食嘢都好頭痛，由其就到新年好多大陸人，
上咗去連城廣場的越棧食。
又冇咩人呀。
食了藕餅，正。
仲有扎肉雞翼湯檬。
熊則食咖哩牛肉飯。
只買了一包利是封，因為無咩款，買了少少參茸海味俾雙方家長。
仲買了揮春。
2015年2月6日 星期五
20150206 - •●❀LUNCH❀●•
2月6日星期五
約同事食lunch,間唔中都會食吓，因為大約一百元左右，中環算平。
麵包任食，可加olive oil同埋醋，
頭盤點了沙律，
Main course真是意大利飯，有時好怕食意大利飯，因為芝士太勁，不過呢間幾好，芝士味不會過濃。又夠多菇，我喜
歡食菇菇嘛，飯不算太爛。
最後可選甜品或餐飲，我怕肥，點餐飲好了，甜品好似都唔錯呢。
2015年2月5日 星期四
20150205 - (◍•ᴗ•◍)鍾菜
2月5日星期四
同新舊同事gathering。成圍枱咁多人。
由於有好多阿叔，所以食中菜。
有個阿側司同事帶咗支五糧液俾大家試，我只飲好細杯，好勁，只係試吓。
呢間叫鍾菜在時代廣場上面，啲嘢食好味，有口水雞，素鵝，好味叉燒，黑松露滑蛋蝦仁，炸鮮奶，魚湯浸絲瓜，紅燒豆腐，肴肉，似有廣東嘢，上海嘢，唔同種類。
訂閱：
文章 (Atom)