20131031 - ◐跑太快了◑

10月31日星期四，
今日Halloween，我哋唔去威，反而選擇去跑步。
上個星期冇跑。隔了一星期有多。
又不自覺跑快了。
所以大脾好痛，一少跑一個星期肌肉就會差左。
第一段到尾都好吃力。
回程時，跑淨750米已跑不了。
之後大脾超級痛，痛足兩日。可能跑太快啦。最尾段行路，但都早了三個字返去。

如果一個星期可以跑兩日就好了，應該可以減到肥。
宜家一星期跑一次，再跳多三日鄭多燕，跑完之後唔可以跳鄭多燕。
試過太搏命所以腰至腳的筋痛痛。
宜家至從跳鄭多燕之後冇再肥過，
九月開始跳時，即時輕了兩磅，但輕了兩磅之後就停咗。
睇來keep就keep到，要減就唔得了。唔知點先減到肥。

20131030 - (◍•ᴗ•◍)日式梳乎里芝士蛋糕

10月30 日 星期三。

忽然好想好想食甜品，尤其是係Cheese cake，可能因為呢排想減肥食少啲嘢，越食得少越想食。

放工返家吃飯，在地鐵站的東海堂買番個cake 食吓先。

東海堂新推出的秋冬限定的「arome x 花畑牧場」芝士蛋糕系列。三款新推出的芝士蛋糕均以北海道十勝花畑牧場生產的芝士製造，他們的芝士在日本得到多次「ALL JAPAN Natural Cheese Contest」芝士殊榮的牧場

有三款口味的cheese cake，在網上先爬文至決定買邊款。

最輕的是海綿芝士蛋糕，$58， 質感鬆軟，但略帶點濕潤，而且較細嫩幼滑，配上一層層薄薄的甜味糖，估計應該是似以前曾經盛極一時的伊藤家日式芝士蛋糕相似。

最濃味的是濃烤芝士蛋糕，$163，內含16%之濃烤芝士，外表烤得金黃微燶，十分吸引。在網上爬文時有部分說好好味，有濃郁的芝士味，帶點咸香，質感較為結實，芝迷必定喜愛。但有人說過份濃郁，似臭豆腐，不是個個喜歡，因為我都好怕過濃的芝士味，所以唔敢買。

於是我決定買中等濃度的芝士蛋糕，日式梳乎里芝士蛋糕，$116，使用了2011年奪得優秀賞的金文畢芝士所做，以此芝士所做出來的蒸焗蛋糕會份外輕柔軟綿，質感真的很鬆軟，感覺很輕盈，而且芝味其實都幾濃，但不失香滑。。

20131028 - ◈◈Pokka Cafe◈◈

10月28日 星期一

今日要同媽媽去英記買茶葉，因為一年一度大減價，其實都係八折，媽媽入定一年貨，全家動員去買，去荃灣買，順便去Pokka 食晚飯。

宜家pokka啲野食好貴，好彩阿嫂有100蚊coupon而且有八折都ok。

媽媽要食的焗三文魚飯。我覺得好普通，因為宜家太唔喜歡白汁。

我點的海鮮蛋白炒飯。

媽媽一定要食的TIRAMISU格格，好飽呢。

20131027 - ☼陳記燒鵝+ 失望迪迪尼☼

10月27日星期日。

熊知道我哋要早入迪迪尼，於是車一早我哋入去，睇吓可唔可以盡最後努力影到唐老鴨。

點知原來DONALD & DAISY只有星期六先出。好彩撞到Connie 佢哋同我講先知今日唔會出。唔駛死等。

冇donald duck 就周圍行一陣。

影吓相。

又去灰熊山谷度玩，今次見到Chip 來 Dale呢。

未影過灰熊山谷版的Chip n Dale，都叫做有啲收穫。

之後再影多次goofy 啦，mickey & minnie 唔影啦，太多人，起碼排個半鐘，又熱又曬，頂唔順。迪迪尼的安排好趕客。

之後熊車我哋深井食燒鵝。就試吓陳記啦。

天氣ok，可以坐出面，因為裡面好似冇咩冷氣。

燒鵝幾好食呢，暖暖地，皮又脆。半隻都要2百幾蚊架。好彩質素都唔錯。

點了糯米飯，呢個天時開始可以食糯米飯啦，好好味呢，唔會好濕。
不過食唔哂，好大碟，所以食剩就包起。

炸墨魚鬼，有啲似鬼馬油炸鬼，啲墨魚肉炸到似油炸鬼咁。好味，因為我喜歡墨魚。不過好鬼熱氣。

豉椒鵝腸，因為賣燒鵝，所以一定可以食到新鮮鵝腸。好正呀。

呢餐又炸又內臟，膽固醇高，好重口味，

之後番去屋企附近hea。去公園草地坐吓，

熊hea到鞋都除埋。

20131026 - ㊡㊡下午茶㊡㊡

10月26日星期六，

同熊飲完茶之後，原本係等NOW上來整電視。

但個師傅上都唔肯上來睇就話商業大廈唔整，最慘係又NO SHOW，唔出聲，等咗佢成個鐘頭。

之後熊在家瞓晏覺，我就冇瞓。

因為其實仲有啲嘢未執好，三點左右就出咗去深水埗買家品，都係日本城之類。

買完就食TEA，又係伸爆缸，第日會好少機會食架啦。

熊食的TEA SET係豬扒包，不過一般，因為冇咩汁。

我就食至愛的雲吞麵，好細碗麵，但都夠哂食。雲吞好食。

之後都冇買餸煮飯食，因為熊好攰，搬一次屋真係好辛苦呢。

20131026 - ♪♬♩♫ 稻香飲茶♪♬♩♫

10月26日 星期六

朝早去飲茶，但起身慢慢都搞到十一點，當食brunch,原本想去工廠區飯堂食，不過無得飲茶，好彩之前留意到附近有稻香。
唔係早茶又唔係下午茶。算係午市，冇咩特價。
不過唔多人飲，唔迫，唔駛搭枱都好呀。
食咗叉燒腸。稻香啲腸粉好靚，好滑。

想點蝦餃粉果各一籠，咁不如食呢個每樣兩粒，最啱兩個人食，唔駛食太多。

帶了蜜蜂熊一齊飲茶。

仲點了紅油抄手，唔辣的，我都食到就知，啲皮好滑。

仲點了一籠燒賣，燒賣都係大間酒樓最好食，蝦同豬肉比例最好。當然有少少肥豬肉啦。

見到有蒸飯，好想食吓，好耐冇食過，於是食鳳爪排骨飯，其實當時已經有好多點心啦，不過都想食，好彩好細盅的。

每人食少少。好味，有汁，排骨鳳爪都好味。

有個特價點心好似叫綠豆煎軟餅，似煎年糕咁，裡面有少少綠豆蓉，唔太甜都幾好。

不過好似米餅咁好飽肚呢。

 

20131025 - •●❤荃灣沙嗲王❤●•

十月二十五日 星期五。

熊今日搬了，執左全日野，我放工過去幫手佢執，佢順便出黎食下飯休息下。去左日本城買少少家品。

之後去沙嗲王食晚飯，鍾意佢咩都有得食，樣樣嘢少少地。當日想食炒蟶子或青口等海鮮都冇，有冇搞錯，見有個新嘢推介係冬蔭公扎肉米線就試吓啦，唔太辣，我食到，不過啲扎肉似大貢丸切片，仲有蝦同糖心蛋。

避風塘脆豆腐好味，少少辣，豆腐外脆內滑，加埋佢d炸蒜令佢更香口，不過好熱氣。

炸蝦棒，香脆的春卷皮配以蝦膠同菜絲餡，鍾意佢細細條，幾好食。

幾樣都係炸嘢，不如食番樣清清地的粉卷，越南豬肉粉卷內裡嘅肉碎同菜粒加埋面嘅香茅同肉鬆配以魚露，皮幾軟。唔錯。

叫多個菜balance番，雜菌扒西蘭花。個茨汁衰樣左啲，不過幾多菇，唔太油就算啦。

返到熊屋企熊送左隻蜜蜂熊俾我，上次去日本冇買到，之後上兩個星期行log on 見到想買，問熊幾時買又唔答。開心，因為熊記得買俾我。

20131023 - ✉熊屋企附近搵食✉

熊公司野已經搬得七七八八，爭屋企嘢未搬咋，公司嘢都大致執好，位又預好了，由於宜家移居去石梨和宜合道一帶，都要搵食。

原本想食下泰式燒烤，但去到見到只有煎釀三寶，去隔離店有咩越南河，又有煎𧐢餅之類試試。門面唔得唔係問題，見佢咩都有得食，估計是周身刀冇張利，冇咩期望。

點了蠔仔粥，熱辣辣即整，蠔仔幾大隻又有啲冬菇同薑，而且唔腥呢，幾好食同幾抵食。

都ok,不太鬆化，但個粉本身都開得唔錯蠔仔唔算多，但都唔太少。都幾好食。

鹵水食物，有鹵肉拼豆腐。鹵肉都整得唔錯。

Overall都幾好食，在無期望之下估唔到都幾好，可以再食。

20131020 - §§越泰屋+大排檔§§

10月20日星期日，

熊琴日開始搬office+搬屋，今日出去office執埋啲手尾。

八八九九了。在附近食越泰屋。

日後可能好少機會食啦。星期日都有午餐食呢

點了兩個set，包飲品。

熊最喜歡呢度的海南雞飲，有lunch set食抵好多，不過唔知點解個湯唔同咗味。好濃，冇咁好飲。好彩啲雞同飯都冇變。

我就點了扎肉金邊粉。要加啲魚露至好食。

之後返屯門開始執少少嘢，又hea一陣。

夜晚去樓下大檔食下。由上年十一月搬切嚟時話試，試到宜家都冇食過叫餸食飯。

反而只食了兩次打冷。

今日就試試佢。好似叫路邊小炒。

點了茄汁蝦。都幾好味，蝦好大隻，98蚊都有十幾隻蝦。蝦唔會好有蝦味，不過反正用茄汁整，蝦味重都冇咩用。反而蝦夠大隻才是。

點了一個海鮮豆腐煲，因為想食豆腐。都幾多海鮮，

仲有果皮蒸泥鯭，由於泥鯭新鮮，所以阿姐建議用果皮蒸，78蚊都幾好食。

食完呢餐之後，應該好少機會再返嚟呢度食架啦。

20131019 - ◈◈排隊排到傻◈◈

10月19日星期六。

上次九月底入園想影HALLOWEEN公仔，要十二點前。

咁以為十月會回復正常啦。

點知CHECK 左時間表知道以後都要十二點前在美國大街小鎮至有得影節日公仔。

原本想星期一重陽節時去，但瞓晏左。

於是今日一早去，十一點去到PARK，排左個半鐘先影到，好曬又辛苦，真係好嬲。

想玩死人咩。

影完十二點半左右，好彩仲有高飛PLUTO

後來先知道原來當日仲有DAISY 同DONALD在提款機個位出過。可惜影唔到，俾錢入PARK都係想影相啫，咁嘅安排究竟想點，唔俾人影相？好嬲呀。

之後同媽咪在PLAZA INN飲茶，今次點了雀籠點心，想食好耐啦，但因為太肚餓，所以再點了素方。

鹹水角。

 有兩層點心，每樣兩件，貴係貴在鮑魚，上面一層係蒸餃，仲有蝦餃同埋唔知咩斑嘅魚肉餃。最正都係鮑魚燒賣架啦。成隻鮑魚仔。

下面係撻，有燕窩撻同埋叉燒酥，鮑魚撻。唔及燒賣好食。

之後熊送媽媽返家，

今日熊搬公司，公司CLEAR咗九成，朋友原本寄存的東西都一齊搬，之後朋友仲拎了支紅酒上新屋度吹水。