•●❤28/4日記 ❤●•

 今日去咗沙田，勁食，食了豬扒又飲忌廉雞湯，因為星期六本身係唔打算減肥

去了ZARA見西褲賣$199，好平，買了一條西褲，之後又睇啱一件恤衫好型 ，不過好貴，但最終都買了，好肉痛，最慘近日自己又癡肥，見到自己都唔開胃，另外條褲好長，長到我竟然要改短成兩，三吋，一下子發現自己原來係一個侏儒，真係好大鑊

之後喺沙田行咗一陣，

 第一次上到沙田新城市廣場的空中花園，個view都幾靚，有水池. ，又可以望到吓沙田個景..

 今日啲雲好靚呢

 夜晚返屋企食麵，只有兩隻水餃同埋菜咋，阿媽今朝買了vyvy介紹的舊街場白奶茶，好好飲，最慘之後有芒果布丁，被迫食咗，今日真係失敗．．．

§§兩件cake§§

 一減肥就四方八面湧啲cake俾我食，有人請我食Ａ１的藍莓芝士蛋糕，嘩！好味到呢！唔識形容！

同日下午加映美心散水餅一件！又係唔錯，基本上個個星期都有人走，散水餅唔食好冇禮貌，不斷食，點減呀！有時又唔知點解有葡撻，蛋撻．．

我一年都唔夠肥咗５磅，我記得上年仲係好輕盈，點知上年七月開始食冬草夏草，諗住補補身，係冇咁攰，不過一個月肥兩磅，之後唔敢再食落去,但都直線上升，可能因為年紀大，新陳代謝減慢，好擔心自己呢一世人從此變肥婆!

♪♬♩♫ 有禮物♪♬♩♫

 

星期日去了和民食晚餐，很久沒有到和民，因為之前食過覺得不抵食，但今次水準不錯，比我想像中好得多，叫了六色刺身，帶子粟米
pizza，刺身辣冷麵，雜錦天婦羅

，清酒煮蜆，炸蝦壽司

等等，最好食是帶子粟米
pizza，刺身辣冷麵，食飯期間，跟朋友說要減肥了，這是最後一餐．．．

返家十一時多，趕得及看車路士對布力般

 

，越看越覺得不對辦，後來還要加時，決定不看加時，因為不敢看，怕輸了整夜不能入睡，看到贏了也會不能入睡，因為之前星期六看了皇馬對桑坦德，明明先入球都可以輸兩個十二碼，結果輸波收場， 所以不敢看了．．

今日食完午餐，飲了一杯好好味的果汁，士多啤梨

＋蜜瓜＋橙

，好好飲呀，不過應該肥，之後同事去日本分了一些手信，先吃草餅，因為不適宜放太久，其他的不吃了，因為怕肥，待很餓時才吃，明明要減肥，偏偏這麼多食物．．．星期四又要商務午餐，想死．．．


另外，我放了很多食物的照片在webshot online相薄，發覺有人download食物的照片，哈哈，好開心，因為原來很多人好像我一般為食．哈．．．．．．

晚上有個驚喜

，收到Blog友去完日本旅行買來的手信，真是很開心，寫Blog可以同Blog 友做到朋友，又有禮物，好感動，凱傑 多謝你！

█▇▆▅▄▃▂歐冠盃▂▃▄▅▆▇█

UEFAChampions League四強終於誕生，今次英格蘭有三支球隊入到四強，包括車路士(Chelsea)，曼聯 Manchester United)，利物浦 (Liverpool)，對唯一一隊意大利球隊AC米蘭(AC Milan)．．．．四隊我都覺得幾好

車路士入到四強，真係幾符碌，又係靠補時艾辛的入球，踢走華倫西亞(Valencia)．．．．．．雖然近日杜奧巴(Drogba)好耐冇波入，不過唔緊要，有運就得架啦～

舒夫真高(Shevchenko)入第一球為車路士追平

林伯特（Lampard），舒夫真高，點解個樣咁愁呀？

 艾辛Essien)你好嘢！

 難怪摩連奴咁興奮

令人驚訝嘅賽事，曼聯７：１大勝羅馬(Roma)，睇到個Scoreboard以為有問題
簡直係大屠殺呀！

 靚仔Alan Smith斷腳之後，好少打正選，好耐冇入波，恭喜恭喜！

以上圖片由
http://soccernet.espn.go.com
下載