唔知幾時開始喜歡呢隻懶洋洋的梳乎蛋，又懶又抵死，由我未有BB到以朗20個月大，足足三年了，梳乎蛋仲好受歡迎。今日我丟下以朗在家，同熊人兩個出來拍拖，上次兩口子出來逛逛已經是年三十晚，即係2月的事了。兩個人出嚟晚飯直情係上年918慶祝結婚周年紀念日了。
朗豪坊近來整咗梳乎蛋的主題，今個夏天，Gudetama梳乎蛋決定化身「梳乎大師」空降朗豪坊，場內設有5個場景(拜師5部曲)，分別有敲鐘@梳乎鐘、禪修@梳乎禪修室、 看診@梳乎良藥、 抄經@梳乎藏經閣及參拜@梳乎寺大殿。只要完成拜師5部曲，即可參見梳乎大師，成為入室弟子。
參拜@梳乎寺大殿
看診@梳乎良藥
梳乎大師更破天荒為善信提供線上問診，透過法力無邊的Chat Bot贈醫施藥。善信只要登入梳乎大師Facebook診症室，用錄音功能說出《梳乎心法》測試學習梳乎之道的天份後，即可就事業、人際、愛情或健康的問題進行問診，並獲得「梳乎藥方」一條；成功邀請朋友參加，可獲贈多一條藥方。取得線上藥方後，參加者可到朗豪坊4樓通天廣場的「梳乎良藥」藥坊，向「醫師梳乎蛋」領取最多兩張實體藥方，每人限領一次。
我星期六日已在線上問診，梳乎大師都即刻回覆。去到可以好快拿到藥方。
禪修@梳乎禪修室
梳乎大師認為，要梳乎必先要靜心放空，善信們快到「梳乎禪修室」靜心放空，思考自身心靈問題，準備面見梳乎大師吧！
放空放空
敲鐘@梳乎鐘
踏進「梳乎寺」，第一件事要做的便是敲響「梳乎鐘」，有助淨化心靈。「祈福梳乎蛋」會一直從旁協助，兼為你祈福，祝願你少勞多得，拜師成功。
場內設有5個場景(拜師5部曲)，分別有敲鐘@梳乎鐘、禪修@梳乎禪修室、 看診@梳乎良藥、 抄經@梳乎藏經閣及參拜@梳乎寺大殿。只要完成拜師5部曲，即可參見梳乎大師，成為入室弟子。
抄經@梳乎藏經閣
要熟讀藥方內藏的梳乎秘笈，最好方法就是親手抄下來,入腦之餘又可隨身攜帶練習。「智慧梳乎蛋」會執起毛筆向你教路，以最梳乎的方法，透過印台來抄經。
用印台印出來的經文，好似PRINT出嚟咁靚。本來可以拿多一張藥方，但熊人不合作。只有一張咋。
參拜@梳乎寺大殿 福，祈了；空，放了；診，問了；經，都抄了，最後一部曲就是進入大殿參見滿頭三文魚籽的「梳乎大師」，正式成為入室弟子。「梳乎大師」初次出關接見一眾信徒，真是聞名不如見面！
滿頭三文魚籽的「梳乎大師」，個樣真係好抵死。
好快睇完之後就食晚飯，原本想去元氣食，但拎飛時發現要等幾十個籌，唔想等，但又好想好想食壽司，所以去了板長，期間發現家樂已變成H&M，但熊人話超過一年了，我宜家真係好少出旺角，出過一兩次都係同BB打針同快閃朗好坊咋，之前成日去家樂附近整指甲，食肥姐的日子不復再。
現在的生活是返工放工，馮以朗，星期六日就係馮以朗馮以朗，馮以朗.....
板長等位只是一陣，由於超過一年冇去日本，忍唔住食魚生。
池魚，
好味的鰻魚但好貴，
魚生飯SHARE食。有油甘魚啦，帶子，海膽同三文魚，都幾新鮮。
平平的墨魚同蟹肉牛油果壽司，板長冇元氣咁多熟食。食魚生都OK。間唔中食一餐魚生都不錯。
之後去惠康買水果返家，再食了肥姐的COMBO，哈哈，完美的一天，將減肥拋諸腦後。HAHA。
回家九點多啲，仲可以湊以朗呢。今日好開心呀，有時真係要抖一抖架。
