20180512 - ( ^ิ౪^ิ)提早慶祝母親節

5月12日 星期六

今日中午左右要去拜山，所以冇帶以朗去街，拜山之後嫲嫲佢哋又嚟，所以冇同以朗去食嘢，有人陪玩都好開心，趁以朗午睡我就休息一陣，

晚上去哥哥度食嘢，因為拜山，所以冇特登出去買海鮮，只係整吓西餐食。

有三文魚扒，好食。

熊人整的茄汁意粉，

薯蓉，其實我鍾意淨薯蓉配茄醬，呢隻我麻麻。

次次都有的雞翼。

我唔食的牛扒。

熊人唔喜歡的沙律。但其實我幾鍾意食呢隻沙律，鍾意雞蛋同粟米。

西餐好飽，好肥，再加上母親節蛋糕，飽到上心口，個蛋糕同埋姐姐一起慶祝，因為姐姐5月13日生日，不過年年都會近母親節，整定年年都一起慶祝了。

雜莓mossue蛋糕，小馮生食完飯企唔肯離開飯枱，係咁望住個蛋糕盒，可能佢估到係食，之後開咗盒就更癲，因為見到佢最愛的士多啤梨同藍莓，點捨得離開飯枱。一捉佢離開個飯枱就喊。

呢個蛋糕好好食，蛋糕同mousse令蛋糕有唔同層次，酸酸地，當然個心形賣相都殺哂啦，靚到呢，係母親節期間限定蛋糕，過咗就冇啦。


由上年開始，母親節都關我事啦，一屋三個媽咪，連埋兩個姐姐五個媽媽，好熱鬧呢。