今晚熊人要開工，即係唔會去太遠。近近地馬鞍山行。
天氣仍然都係熱到冇朋友，冇小巴，行落去，行落去期間以朗都好似有啲攰，唔知係天口熱定係因為佢發燒之後有啲唔舒服，又或者用孭帶其實兩個人都好熱架。
唔知食乜，就食拉麵，有間似樣啲叫麵屋武藏，好耐年前食過屯門嗰間，好一般，但喺屎都冇得食的鬼地方，似樣啲的拉麵應該幾難搵，可能一點前去到，唔駛等位，叫咗一個飯一個麵，個飯係雞扒茄子飯，好鬼重口味同好油，大人食都好，細路仔食好似油得滯。
另外雜菌濃湯拉麵，呢個個精髓就係個湯啦，好似西湯的磨菇湯咁濃，好杰，但啲肉就路得，有雪味，菇好食，不過難消化，小朋友都唔可以食太多。
飯同麵都好一般，未算難食，但唔會好想再食，起碼短期內都不會要吃。
而以朗唔知咩事都唔係太好胃口，唔食太多，食咗少少就唔食，佢好似有啲眼瞓。算啦，同佢行多陣，喺商場跑吓就算啦。佢三點幾四點抱住向前都瞓咗呢，好少唔向心口都瞓到，好擔佢有咩唔舒服，咁攰，咁快冇電。
我哋喺urban買了件朱古力蛋糕食，都幾好食。過去媽咪度一陣，以朗就俾姐姐帶咗去31樓。
今日爸爸不返家吃，媽媽又去游水，熊又不在，得我哋三個上去食通粉，點知以朗又玩嘢唔食，激死人，俾舅父（哥哥）捉住喊豬仔。
返屋企又乖返，星期六晚都係我一個湊，其實真係有啲辛苦。好彩我宜家開大冷氣都可以，最緊要唔熱先有心機湊。熱得滯坐喺張墊度真係頂唔順。
夜晚同以朗兩母子多數是讀書睇書學嘢，畫畫，睇相相咁。由於佢發燒之後體力麻麻，好少再玩隧道同波波池，都好，唔駛我執餐死。
其實以朗喺屋企真係乖，唔跳，少跑，多數乖乖坐喺度睇書，睇相，玩玩具。咁乖的小朋友去邊度搵？
而以朗唔知咩事都唔係太好胃口，唔食太多，食咗少少就唔食，佢好似有啲眼瞓。算啦，同佢行多陣，喺商場跑吓就算啦。佢三點幾四點抱住向前都瞓咗呢，好少唔向心口都瞓到，好擔佢有咩唔舒服，咁攰，咁快冇電。
我哋喺urban買了件朱古力蛋糕食，都幾好食。過去媽咪度一陣，以朗就俾姐姐帶咗去31樓。
今日爸爸不返家吃，媽媽又去游水，熊又不在，得我哋三個上去食通粉，點知以朗又玩嘢唔食，激死人，俾舅父（哥哥）捉住喊豬仔。
返屋企又乖返，星期六晚都係我一個湊，其實真係有啲辛苦。好彩我宜家開大冷氣都可以，最緊要唔熱先有心機湊。熱得滯坐喺張墊度真係頂唔順。
夜晚同以朗兩母子多數是讀書睇書學嘢，畫畫，睇相相咁。由於佢發燒之後體力麻麻，好少再玩隧道同波波池，都好，唔駛我執餐死。
其實以朗喺屋企真係乖，唔跳，少跑，多數乖乖坐喺度睇書，睇相，玩玩具。咁乖的小朋友去邊度搵？
沒有留言:
張貼留言