20180513 - o(︶︿︶)o 室內遊戲室

5月13日星期日

上完堂都只係1:15，我通常會同佢去冒險樂園行個圈玩吓但唔入錢，熊人就唔多鍾意唔入錢去玩。

不過我主要係想以朗睇吓嘢。周圍行吓，之後又再去埋地下的入錢車車玩玩，今日呢架車要維修呢，以朗宜家要玩哂三架車架啦，自己擒上去玩。

呢架應該最唔好玩，因為望唔到前面，根本唔似揸車車。所以好少俾佢入錢玩呢架車。

跑車佢初初唔喜歡，宜家都鍾意啦，佢真係以為自己揸車呢。

今日天氣好熱呀，本想熊人想同以朗去公園玩，但睇到個毒太陽都怕咗啦，所以去咗市政局室內遊戲室玩玩，天氣咁熱其實幾好架，我可以嘆住冷氣睇佢玩，室內全軟墊又唔怕跌親，真係好好，不過上年以朗十一個月時去過一次就中了RSV，病了一個月，我之後真係對個室內playroom 有陰影了，但宜家見以朗大咗啲，真係不得不放電，識行之後又唔會成日爬，應該少啲菌卦，於是又帶佢去玩吓。

25分鐘一節，得20個人可以入，一家長一小孩，所以其實好快滿，不過今日又幾好彩直一，仲玩了兩節，其中十二點，三點半會停耐啲大清洗。所以唔係好多時間玩到架。

今次以朗已經識行識走仲識跳，所以好開心，係好癲好瘋狂。仲成日跳，



又喺個滑梯上跳，激死又喺滑個位度行返上去，一陣又跳落兩級，嚇死，因為有時見到啲大哥哥大姊姊跳，佢就學，但唔個自己唔夠靈活，嚇死又激死。





玩完先同佢去大快活食下午茶餐，點知佢好臭脾氣，唔俾手機佢睇就扭，仲一直扭到去煤氣嗰度，完全唔聽過，我忍唔住打佢囉。打屁股冇反應，仲更加惡，可能因為我不嬲最錫佢，最就佢，我打佢係最嬲囉，更加癲。最後熊人令到以朗平復返。但我都好激氣了，唔，真係要好好教佢啦。