20120630 - ♪♬♩♫ 石澳/ 大浪灣♪♬♩♫

6月30日星期六。

昨晚才八號風球，
個風唔強，放工後掛，預咗要返工。
熊話放工後去睇浪，好呀。好似好浪漫。

熊揸車到我公司樓下，之後就去石澳。
冇咩人。但冇咩浪，天氣唔算好差。

石澳有泰國嘢。
好好食，熊話似係泰國人開。
拼盤中有蝦餅，春卷等，全部好好食。菜又新鮮。

 

 青咖哩麵包，又係好好食，好食過好多泰國菜。

青咖哩麵包，又係好好食，好食過好多泰國菜。

可能因為之前打風，海面會有暗湧，所以游水的人唔多。 

之後我哋過去大浪灣，希望大浪少少。都係冇咩浪，但都有人滑浪。 

當日一陣陣雨，時晴時雨。宜家好好天。

轉頭天都陰哂。 

 

 大浪灣有啲古蹟睇吓架。

大浪灣石刻係法定古蹟嚟架。

繼續時晴雨，行到上去個石刻度見到彩虹。近年我都見過幾次彩虹，但在海上出現的，我還是第一次見到。

更開心的是，同熊一起見到彩虹。

 

 熊好想游水，不過冇帶泳衣，所以hea 多一陣就走了，走的時候經過個唔知咩山，又好好天呀。

啲雲好靚。

返去整魚食，好味。

芥菜豆腐蜆湯，當餸食埋，很不錯呀。

熊媽媽的蟹，唔知點樣係一樽成幾隻蟹，但好重味，要來送飯。

 

仲有飯後果。

20120629 - (◍•ᴗ•◍)壽司派+杜蘇芮

6月29日星期五，

打風呀，放工三號，唔覺得會八號，仲要係星期五，唔好阻住啦。
不過怕落雨都係同熊去沙田hea hea 食食算了。
星期五的沙田好多人，搵食艱難。
去了壽司派，呢間or好多唔好評語，其實冇咩嘢。
呢個係個set，食set抵啲。
都幾靚呀。

 

 再叫多個都係推介的，都幾抵食。

 我最喜歡的魷魚。

食哂啲平價嘢就走人，其實仲未好飽，但可以留肚食甜品嘛。

starbucks...一個杯揀六件minicake，
不過no good 呀，有一兩件唔鹹唔甜好怪呀，其他都是朱古力cake，普通cake，有almond咁...唔夠新鮮，冇下次啦。
食食吓先知又有八號風球預警，原來杜蘇芮打到嚟，個風唔強，但近香港。

同熊第一次經歷八號風球，唔俾熊送我返家，在沙田各自歸家好了。

20120628 - ✉✉ 陪審團✉ ✉

6月28日 (星期四)

又抽中陪審團，人生第四次。
第一次好似係一畢業第一年就中，第二次就係05年。
第三次，08年初。第四次2012年。法例要我放假都冇法子。


坐巴士出去，塞車，想殺人。去到高等法院陪審團集合處竟然空無一人。
我都係十點到達 (原本是9:40)，上次十點去到都有人架。 原來取消了，有三年豁免，
三年之後又會中架啦。有啲人成世都唔中，有啲人中開就成日中。
費事返工，呃返日假。

原本想找熊，但太早了，十點可以去邊。
去咗百年英鎊換返港幣，竟然仲賺到幾十蚊，因為我換英鎊當日是近年第二低價。
宜家升返少少。
約了媽媽去荃灣食晏。
未夠鐘去ifc影影相。好多工程，冇咩靚景影相。要就位。
天氣好熱，又作打風。

 

食飯之後返屋企hea，點知syn itunes 時因同ipad 啲嘢撈埋一碟搞到delete 了所以apps，要重新set up 過部機。回復原廠設定再由icloud攞back up 返iphone。

好彩有iclouds。

但搞咗4,5個鐘，明明以為好hea，最終搞到一頭煙。

20120623 -◈◈多 士◈◈

6月23日星期六

熊整的多士。

 

 

熊識整好多嘢食，我好有口福。
不過另一方面又有啲慚愧，自己咩都唔識煮。
人哋通常係女煮俾男食架。
我就唔好意思咁等熊煮俾我食。

20120620 - ☆★Eurogogo★☆

6月20 日星期三

同熊去沙田hea hea 食飯

沙田星期一至四都未算好多人，

連城廣場啲嘢食冇新城市咁貴，都幾多選擇。
其中eurogogo都幾抵食，荃灣屯門都有分店。
兩個人食都係百五蚊左右，已經有pizza, 意粉，喺依家呢個咩都貴的世界算好抵食。

我同熊都幾喜歡euro gogo的pizza，薄薄又多料，起碼好過pizza hut 似麵包多過似pizza的pizza 吧。

 

 意粉就一般。不過不失。

 我哋次次去餐euro gogo必點的蜜糖雞翼。焗的煮法唔會熱氣。

唯一要彈嘅係呢間店好唔環保，咩都係用即棄食具。要改善吓。

20120618 - §§越泰屋§§

6月18日星期一

放工到熊公司附近食飯。
熊喜歡食泰國菜，
我都喜歡只不過唔食得辣。
熊公司附近啲嘢食唔差。
仲幾多選擇，有平有貴，貴極都唔及中環貴。

越泰屋 - 好似有雜誌介紹過。

熊平日lunch 多數食海南雞飯，

晚上的海南雞飯一樣但價錢就貴啲。

當然同星加坡的唔同，起碼香港啲雞會有雞味。
雞整得幾滑。

 

 

 叻沙。 好多料。算係唔錯啦，有椰汁味，balance 到。

價錢公道，比起九龍城平啲，質素都有番咁上下，可以再幫襯。

20120617 - ╭❤╯加菲與聾貓╰❤╮

6月17日星期日

今年加菲貓好似翻生，年初chocolate x garfield

年中加菲與聾貓6月8 日至6月17日在又一城，
最後一日在又一城的活動，從英國返港後終於趕及尾班車可以影到。

 

 由小克重新演繹的加菲貓以及趣致可愛的聾貓駕駛著變身後的 JUKE，闖入又一城 LG2 可以排隊拍照留念，
現場有禮品及特別版紀念 figure 發售，所有收益將撥捐 SAA 作慈善用途。

加菲好醒目。

其實加菲貓在我心中從沒有離開過，

小學時好喜歡加菲漫畫，仲有加菲集圖冊。係我童年回憶及情意結之一。

 

 仲有可以排隊合照。

要熊一個大男人陪我排隊真係有點不好意思。

但係機會難逢。
難為熊一次都冇辦法了。

 

 當日是father's day ，媽媽買了個綠茶蛋糕一齊食，都唔錯，其實係媽媽自己想食。

20120616 -•●✿paella✿●•

6月16日星期六

熊在英國買了個用來整paella 的鑊。
本身之前整過幾次paella，屋企有唔少材料。
可以整。
當日用個新鑊整，兩人份量好正。

 

在英國paella竟然是街頭小食，幾日冇飯到肚的我倆，在凍凍地的情況下，食啖暖飯，好滿足。

其實街邊的paella冇咩料，飯多，海鮮少，大大個鑊得好少海鮮，分到海鮮俾你都出奇。
而熊自家制的西班牙海鮮飯好多料。勁多蝦，帶子等，仲有昂貴的香料如saffron (番紅花)，一個飯淨係料都過百。
所以出面食一個paella要4,5百蚊絕對唔出奇。

至於呢個paella更加係天價....
因為有熊的愛心是無價的。

20120616 - ✿｡◕‿◕｡✿miso cool

6月16日星期六，

中學同學生咗個女， 正在放產假中，

我同埋另外三個同學去探佢。
佢住海濱花園，我當日要返工，好慘，去完旅行攰攰呢。
放工坐地鐵去荃灣，同其中兩個同學會合之後去綠楊坊搵嘢食。

Miso cool，
之前在中環食過一般，當時好似平啲，宜家乜都貴，
7x - 9x蚊個麵，真係貴貴。

 

 叫咗個帶子蕃茄麵，幾好食，都有味精，喜歡蕃茄味，帶子都ok，
不過太少，一碗麵未必夠飽。
加埋一成百蚊，唔值囉。

同學們去探bb，抱bb，我完全唔識抱，俾人笑呢。
佢地問我冇抱過姪仔咩，咁細個b真係唔敢抱呀，我只係佢大個啲先同佢玩咋。

20120615 - ☆★和民★☆

6月15日 (星期五)

因為CHANC9 6月頭生日，所以約埋VYVY三個人同佢食飯慶祝。

為咗近我同CHANC9放工，所以揀咗萬宜的和民。

十年前覺得和民好好食，因為以前香港好少呢日式餐廳。宜家開到成行成市，已經唔記得咗佢啦。

放工行過去好快，
叫咗個PIZZA，薄薄脆脆的，幾好食。

 

 串燒，咩都有，

 野菜炸蝦壽司都幾好食。

 窩飯，因為有牛肉，所以冇食到。

 不過都夠我食啦，因為仲有炒雜菜，多菜，只是一貫多油，我個人口味喜歡少油。

 最後仲點朋甜品，朱古力新地，仲有心太軟。OVERALL 都幾好食，而且比起宜家好多地方食嘢算唔貴。

同CHANC9 VYVY傾吓講吓，九點幾就走啦。

2012 倫敦遊後記(◍•ᴗ•◍)

因為太懶了，所以寫好耐先寫完英國。

由於都成大半年的事，開始唔多記特，要搵番少少料又睇吓相先記得。

我哋去London都冇咩揾資料，坊間啲旅遊書又麻麻地。
有時都係睇吓啲blog，
最後去玩都玩得好smooth~
因為多得個app。

要介紹一下，佢有齊大部份London的景點，大大小小都有，除了Stonehenge之外，基本上大路的景點都都可以去，又唔駛錢。

個app介紹景點有少少descripition，最正係話明邊(幾)個underground站最近個景點，仲有地圖，所以一定可以去到。

 

 另一樣方便的是英文為主，去到邊要問路，買嘢，買火車飛等都係可以問人。
underground system都幾複雜，好多條線，但都極度方便。因為路牌用英文而且清楚明確，
最多可能係行遠少少，但都唔駛出去站外面。

至於消費都幾貴，食嘢貴，買嘢貴。
所以都係買手信為主。
去Marks & Spenser買。
short bread~

 chocolate

 另外行Camden market 買了好多平嘢可以送俾人，有茶葉，有杯，如果見到啲嘢係一兩鎊左右不妨可以買嚟當手信，因為在旅遊區一鎊嘅嘢實在少之又少。
溫莎堡都買到少少嘢。

另外買得最多係key ring 當手信算係咁。