20120614 - ╭。☆札幌拉麵☆。╮

6月14日

英國之旅完結要返工，媽媽又鬧我做咩唔返屋企食，
因為有啲手信在熊的行李度，要攞返啲嘢。

熊怕我攰攰就近近地去沙田食，食完可以快啲返屋企，
不過因為放完長假忙忙。遲放工。
好晏先到沙田，好多都冇位，見呢間有位就入去，
原來連城廣場的札幌拉麵劣評如潮，我食完先知。

我哋叫咗滿豬軟骨拉麵(辣)熊食的，近年我唔食得辣了。

 

 我就食叉燒拉麵。

其實唔算難食，但肯定唔值八九十蚊碗麵。
好普通質素，麵普通，湯都係味精，配料都係不過不失，
唔難食，不過咁嘅質素用50蚊左右可以在味千/小金井都食到囉。唔怪之得咁多位啦。
所以唔會有下次。