20141126 - ◇◆寧波同鄉會◆◇

11月26日星期三。

又係女仔同事的例行昂貴聚餐日，食大家最喜歡的寧波同鄉會，大家最愛的是黃金蝦，我本來都好喜歡食，不過去年試過食完之後又屙又嘔，仲發燒咗兩日，之後對呢間有點恐懼，

不過十一月有自己TEAM MEMBER 生日，要俾面出席吓啦。

 

 

今次有新嘗試，點了臭豆腐，由於同事都怕大家接受唔到，所以點的份量是每人半件，我就好喜歡食，因為其實唔臭，反而是豆味好香濃，炸到個皮脆卜卜，加埋啲甜醬真的一絕。不過看來同事們唔係個個欣賞，有啲人半件都食唔哂，好浪費呢。



卵哋亦有點平日都點的煎鍋貼，小籠包，黃金蝦，烤鴨，松子魚等。其實都幾好食，不過好heavy，

另外，呢度只招待會員，所以平時都未必可食到。

20141122 - ╭。☆大東山☆。╮

11月22日星期六，

不用上班，一心就去大東山看茫草，在入秋的時候，整過大東山頭都佈滿茫草，在太陽的照射下，金光閃閃。好似話陳奕迅有隻唱片的封面都在大東山拍攝，

當日熊駕車去到東涌轉巴士，好似坐11號之類，當日好多好多人，巴士好多都唔跟班次，加班開出，但都要等到第二車先上到。

天氣開始爽，本身少少天陰，但行行下開始有藍天。

要行幾百級樓梯，但好好彩係啲樓梯都幾闊，好好行，只要唔怕熱同夠氣就得，

 

真係好多茫草呢。

行到半路就食吓麵包當野餐

大東山英文名為Sunset Peak，是香港第二高山，高度為896米，由於行到上去都幾高，會少少涼同埋有一股濕氣，當日上到高處時有一股濕氣飄，其實我們就在雲霧裡。

 

在大東山與二東山之間的一片高地上，分佈著以石塊建造的小屋。這些俗稱爛頭營的石屋群，是由外籍傳教士所興建的渡假屋，部份更建有小型儲水箱。至今部份石屋由私人擁有，部份則由團體管理。

但當天行到去附近時有舊烏雲遮了太陽，而且都差不多接近日落時份，如不下山，怕下山時會天黑了。於是無去睇屋仔。

但茫草真係好靚，只是見到茫草已大開眼界了。

由於技術有限，照片唔及當時現場上的震撼呢。

20141113 - (◍•ᴗ•◍)碗屋

11月13日星期四

剛從日本回來，第一天上班，又食日本嘢，都有啲驚。

但同事E生日，唔食唔得。

碗屋啲午餐SET大約200蚊一個，在中環唔算貴了。

有啲有沙律，鰻魚飯就有蒸蛋，前菜會有帶子等，

主菜有刺身SET或壽司SET，啲壽司魚生都幾新鮮，很不錯，也有湯烏冬，近來我會比較喜歡食熟食。

20141112 -•●❤ 關西賞楓之旅(15)黑門市場+旅程完結了 ❤●•

11月12日星期三，

到了旅程最後一天，由於班機係20:45起飛，我哋仲有大半日時間在大阪。

我哋就去黑門市場食嘢，由於熊人好想食鰻魚，於是買咗嚟食，不過因為唔係熱，又冇得翻熱，所以好似車軚，中伏了。其實唔關食店事，因為人哋預唔係即食，而係要回家加熱配飯。

呢啲一串串即食咪好囉。不過唔平，所以先至想買條大慢慢食。

仲食埋帶子，YUMMY~

黑門市場由於已經第二次去，少了新鮮感，所以少影相。

之後我哋去多次梅田，想盡最後努力再買衫，經過有店子賣精品，好多龍貓好靚，不過我哋影咗當買咗。

再經過多一次豐天，不過之前兩日買咗了，買唔到咁多，只係影吓隻ICON豬。


去梅田行一陣好快，因為地鐵唔太耐，最後三點幾趕回難波酒店取行李，在附近食咗個拉麵，當日天氣17,8度，但店舖好暖，可能冬天就係咁，熱辣辣咁食碗拉麵，仲有煎餃子，在大阪最後一餐，好唔捨得呢。


麵的湯底比較油，一般啦，始終日本間間拉麵都有佢嘅特色，只是係唔係你杯茶啫。


最後拿行李到大阪難波南海電鐵個站坐 Nankai line なんば南海電鐵空港急行線免轉乘，得哋買咗少少麵包上車食，好唔捨得離開。
熊人話架車好型。


今次架車好靚，而且啲位可以轉，即係可以轉到四個位對住坐，一家人嚟會幾正。
再見關西。

20141111 - •●❤關西賞楓之旅(14)奈良大阪飲食 ❤●•

11月11日星期二

由於去奈良太多嘢睇，我哋係咁行係咁行，好似冇咩食嘢，只係一開頭食了一盒壽司同最尾食咗蕃薯咋，一開始見到攤擋又無食到，所以我哋唔理幾點，出返近鐵車站見到有條步行街就坐低食一餐，當時好似五點左右。XD

 

呢間唔似日式拉麵似似地中華料理，有雞湯麵。

同蕃茄雞麵，好似同平日啲拉麵唔同，唔及平日拉麵咁好食，不過是旦啦，因為當時已入黑，又冇咩食嘢，如果等到坐埋近鐵先出大阪食就會好餓了。

坐一小時火車左右返到大阪，又係好多人的大街，我在GU買咗兩件外套，因為都係幾百蚊一件，幾抵，凍的地方買褸會比較平，同埋啲褸會比較暖，其實前兩日已睇中其中一件棒球褸，今日再睇中一件格仔褸，

SHOP 完之後又食過。今次食窩夫，呢間好似新開架。

好多款，睇到都想食。

呢個窩夫即整熱辣辣，又軟腍腍，配鮮果同埋雪糕真係好好食。

頭先呢個只係飯後甜品，其實晚餐係食大阪燒，最後一餐要食啲特別嘢。

大阪燒- 千房大阪燒全國有大約50間分店，

(千房お好み焼き, CHIBO)@大阪府大阪市中央区道頓堀1-5-5 這裡1-4/F都係千房大阪燒。

營業時間： 11:00 ~24:00

 

我以前在東京食過係要自己燒，不過呢個係燒好個型拎出嚟先燒，個個都食大阪燒，整個餐廳都瀰漫著大阪燒味。

怕熱氣，所以點啤酒同青瓜下下火。

蛋，菜，海鮮，海苔，木魚再加上醬油，其實幾好食。不過都幾濃味，而且食完成身都係味。所以在旅程食一次就夠。

20141111 - •●❤關西賞楓之旅(13)奈良東大寺❤●•

11月11日星期二，

當日有日本當地的學校旅行團，所以好多人，好熱鬧。人山人海。

我哋想在奈良公園再hea吓，不過最後因為怕好快天黑，還是趕快去參觀東大寺。

 被列入《世界遺産名錄》的東大寺是西元728年遵照重視佛教的聖武天皇聖旨建造的。東大寺是全國68所國分寺的總寺院，據說是因爲建在首都平城京以東，所以被稱作“東大寺”。正面寬度57米、深50米的世界最大的木造建築東大寺大佛殿內，放置著高15米以上的佛像。

另外，在占地面積廣大的東大寺院內，還有許多不應該錯過的景點，例如，南大門、二月堂、三月堂等。南大門有高8米以上的雙體金剛力士像。另外, 如出示通行證的話, 可以免費利用附近的奈良縣立美術館, 四季色彩美麗的庭園“吉城園”。從二月堂能夠俯視大佛殿和一覽無餘地眺望奈良市區。三月堂是東大寺最古老的建築物，裏面陳列著西元8世紀的雕像。

沿路行就好似登山咁，上到一個位置幾高，可以望到奈良市，好舒服。

若想在奈良市內登山，很多人喜歡登海拔342米的若草山。山頂上景色十分優美，可以眺望到生駒山和大和三山。

一路仲有好多嘢睇，仲有紅葉，可惜太陽又差不多下山了。三四點左右，有啲位是shadow area就開始冇哂太陽。

影相都冇咁靚。

越行很少太陽，不過我哋當行山都唔錯。

如果呢度早啲到來影相應該好靚。

最後行返出去差不多天黑，熊人見到有蕃薯，就忍唔住買來吃，價錢唔平架，但一收太陽涼涼地，食吓蕃薯又幾正。