今日playgroup最後一堂，不經不覺已經係十堂的最後一堂，每個星期日起床就係準備去返學，都幾好架，呢兩個幾月冇請過假，覺得以朗都有進步架。
朝早俾佢試花生醬煉奶包包，佢都喜歡食，仲食丹麥條，見到佢好乖食嘢做媽媽的就好開心。
自己食乖乖仔。
之後又自己除衫周屋走，又倒水，激死我啦。
唔著衫刷牙好麻甩佬。刷牙個樣似模似樣，唔著衫的以朗都幾排骨仔。
上堂今次又教藍色，佢今次好似識。定撞彩就唔知。今次最一堂，但原本的老師剛巧病咗冇返學，以朗即刻呆咗幾倍，老師話佢用眼神表達同怕羞，原本想最後一堂捉住老師問佢comment。點知呢個老師上得第一堂，好難問到comment。但呢個老師幾坦白，有個同學仔表現麻麻，佢真係會講出嚟架，個老師應該幾細心。
整啲小勞作，我哋都唔會點幫佢。
最開心當然都係吹泡泡時間，原本好文靜的BB忽然都變得好活潑，甚至好粗魯。
上完堂黃雨，於是又同佢去玩入錢車車同去冒險樂園，去冒險玩到唔肯走，我哋話走佢都唔理我哋，冇入錢玩都咁瘋狂，如果大咗知道入錢好玩真係唔得掂。
之後等到兩點食大快活的TEA，再去玩彈珠人，不過佢成日玩玩吓扭抱，唔知點解咁嗲呢。成日想我同佢玩，但有時太多小朋友，我好難迫埋去。
睇返以朗的成績表，好多都係幾好表現，起碼全部都達標，比較理想的是自理能力方面，好多都可以自理，我一直都覺得以朗表現麻麻。老師應該比較同月份BB來評分。其實以朗都達標呢，好開心，原來係自己太緊張。由佢四月份咩都唔識，到宜家都識唔少嘢，又識講幾句嘢表達都算係咁，唔知係上堂有幫助定係佢開始爆發期呢，我相信兩樣都有啲，
宜家上完哂堂有啲唔捨得呢。因為以朗次次都好開心架。嚟緊星期日要諗多啲節目啦。
今晚十一點世界盃決賽，十一點最好就係湊了以朗瞓覺就剛剛好，唔駛MISS。熊都下半場趕回來看，今年三個FAMILY一起看，好熱鬧好開心，只需要同家人一起就好開心了，希望四年後的世界盃都一樣係可以一起看就最好了。法國對克羅地亞，法國真係技勝一籌，唔駛加時同十二碼真好，睇完返家撈埋個頒獎先瞓。
自己食乖乖仔。
之後又自己除衫周屋走，又倒水，激死我啦。
唔著衫刷牙好麻甩佬。刷牙個樣似模似樣，唔著衫的以朗都幾排骨仔。
上堂今次又教藍色，佢今次好似識。定撞彩就唔知。今次最一堂，但原本的老師剛巧病咗冇返學，以朗即刻呆咗幾倍，老師話佢用眼神表達同怕羞，原本想最後一堂捉住老師問佢comment。點知呢個老師上得第一堂，好難問到comment。但呢個老師幾坦白，有個同學仔表現麻麻，佢真係會講出嚟架，個老師應該幾細心。
整啲小勞作，我哋都唔會點幫佢。
最開心當然都係吹泡泡時間，原本好文靜的BB忽然都變得好活潑，甚至好粗魯。
上完堂黃雨，於是又同佢去玩入錢車車同去冒險樂園，去冒險玩到唔肯走，我哋話走佢都唔理我哋，冇入錢玩都咁瘋狂，如果大咗知道入錢好玩真係唔得掂。
之後等到兩點食大快活的TEA，再去玩彈珠人，不過佢成日玩玩吓扭抱，唔知點解咁嗲呢。成日想我同佢玩，但有時太多小朋友，我好難迫埋去。
睇返以朗的成績表，好多都係幾好表現，起碼全部都達標，比較理想的是自理能力方面，好多都可以自理，我一直都覺得以朗表現麻麻。老師應該比較同月份BB來評分。其實以朗都達標呢，好開心，原來係自己太緊張。由佢四月份咩都唔識，到宜家都識唔少嘢，又識講幾句嘢表達都算係咁，唔知係上堂有幫助定係佢開始爆發期呢，我相信兩樣都有啲，
宜家上完哂堂有啲唔捨得呢。因為以朗次次都好開心架。嚟緊星期日要諗多啲節目啦。
今晚十一點世界盃決賽，十一點最好就係湊了以朗瞓覺就剛剛好，唔駛MISS。熊都下半場趕回來看，今年三個FAMILY一起看，好熱鬧好開心，只需要同家人一起就好開心了，希望四年後的世界盃都一樣係可以一起看就最好了。法國對克羅地亞，法國真係技勝一籌，唔駛加時同十二碼真好，睇完返家撈埋個頒獎先瞓。
