❁再一次Starbucks Seminar❁

朋友又介紹多一次Starbucks Seminar，今次地點係Exchange Square。

今次係介紹新出嘅早餐，咖啡豆Sulawesi同埋新出嘅飲品Dark Berry Mocha Frappuccino

由於有幾個好遲先到，初初好似得四個人咁，所以差不多每個人都可以食到四份一個包，而今次試咗

 

七款，四款鹹，三款甜，件件都＝四份一個包，食完都唔駛食夜晚啦～

先試鹹的

 

有１／２芝腿脆多，成塊芝士喺麵包上面幾好食。

星巴蛋牛，我唔食牛，冇食到

蛋白芝腿星包，全蛋白，好好食呀。

綠營星包，係素菜嚟架，特別同好好食，味道幾好。

之後試甜

 

星巴奶醬，貴價奶醬包- 甜咗啲。

星巴占醬，士多啤梨占+花生醬，原本諗住好甜，不過我覺得ok，反而星巴奶醬勁甜

其貌不揚咖啡吉士包，咖啡包，特別因為平日唔多食到咖啡包，中間係吉士，我鍾意吉士，不過呢如果做早餐就真係太甜啦，做下午茶就差不多。

一路食一路飲Sulawesi，唔錯

一次過試哂佢新出嘅早餐，最鍾意係蛋白芝腿旦包同埋綠營星包，不過多數唔會食呢類早餐，好食係好好食，因為實在太貴啦~呢兩個包要十七蚊一個呢，加埋杯咖啡，一個早餐就成40幾蚊啦....

最後飲埋Dark Berry Mocha Frappuccino，

dark berry 都幾好，初初怕有藥水味，原來唔會呢，不過略嫌唔夠咖啡味，雖然只係少少，不過好飲好滿足呀。呢杯應該會買嚟飲。

◇◆初見Cat Family◆◇

約了blog 友 Cat Family 同埋ChanC9去大吉食lunch，因為知道Cat Family都會去大吉食飯，大家都鍾意食日本嘢，咁就不如食個lunch 啦。

Cat family 係我好早期嘅blogger，佢好鍚小公主呢，見到佢哋有去迪迪尼玩間接令我買了迪迪尼的annual pass呢。

我同 ChanC9又係食粒粒魚生飯呀，雖然同Cat Family係初次見面，不過又唔會有咩生疏感覺，可能因為睇大家個blog 都睇咗一段日子，都知道大家嘅背景，

而且大家仲有共同話題，就係pet society啦，我哋都係比較喜歡玩Pet Society 多啲，因為公仔靚啲吖，Restaurant City真係冇咁靚呀，冇咩意欲玩啦~

最後Cat Family送咗盒好靚好靚Disney Cookies俾我做見面禮，真係非常唔好意思。因為我咩都冇準備，咩都冇送到呢，盒餅好靚呀。好似日本Disney嘅product呢，我好鍾意呢，多謝哂。

我要喺Pet Society送多啲嘢俾Cat Family至得!

盒餅真係好靚架~

╭。☆埃及之旅--準備中☆。╮

之前提過金怡假期收團手法好差，而上網見到真係有好多差嘅comment，好多時到七日前先通知唔成團，然後屈你轉貴團之類云云，令人好氣憤啊！

如果佢依中香港旅遊業議會的七日前通知，我哋係奈佢唔何嘅，因為佢冇違規，不過佢最差嘅係，幾星期前打電話查成咗團未，佢竟然話已經成咗團，到十四日前再打去問幾時茶會都一樣有人答十日前通知你，大約七日先會有茶會....人數方面唔成問題.....

呢啲擺明呃人就最差，你一早老老實實答我唔夠人，爭一兩個，可能要group 另一團我都仲冇咁嬲，人哋第二啲旅行社係成就成，爭幾多個都會講，而唔係要人空歡喜一場囉，我同朋友各自各打去問究竟幾時confirm ，又轉哂口風要23/4，不過旅協話我係報4月30日，最遲要4月22日confirm.....

另一樣嘢係我本身早報名係有1000蚊early bird discount，不過我問佢如果真係被迫轉5月1日咁仲有冇early bird discount，佢只係答︰你報名當日5月1 日係做邊個價就要係嗰個價，....我報名時5月1 日已經冇early bird.....

我真係條氣唔順囉，間間都唔需要再俾多啲錢，(除非連個團種都轉埋)所以就打去旅遊議協會問吓有咩辦法，佢哋就話如果佢依足七日前通知係冇問題，佢哋態度之類亦好難投訴，不過佢會幫我哋調解.....第二早上旅遊業協會真係回覆咗要轉五月一日，而且價錢不變，

原本想轉第二間，不過有幾個考慮(1)因為假期問題，我唔可能改日期改太多，只可以改前後一兩日 (2) 當時好多其他旅行社都已經book 哂機票唔可能再加人，(3) 只有金怡假期先會係第九日會去杜拜，杜拜如果唔住帆船酒店其實應該冇咩好玩，所以如果去了一日杜拜，有排都唔會考慮去杜拜，可以慳一個trip....其實(1) & (2) 都可以搵到substitute係康x4月29日或5月1 日都可能有團，但(3)就只有呢間先有...

最後都唔轉，不過改一日，其實可以請少一日假tim...就係咁解決咗件事，因為呢件事令我激氣咗幾日呀，不過越來越近出發日期，多多少少都好開心呢！而且唔開心嘢要盡快忘記至係嘛！

去長程旅行已經唔係第一次，不過今次有啲緊張呀！因為已經足足兩年幾冇坐長途飛機，而且隨住年齡增長，喺飛機上睡眠時間越少，由以前可以瞓七個鐘到後來只可以瞓三個鐘咋，

埃及係辛苦嘅旅程，要轉機，又要晨早(actually 係半夜) morning call，又熱...真係幾辛苦，

不過宜家唯一準備好嘅就只係睇咗好多blog，所以已經有哂準備係幾辛苦，幾早起身，同埋餐餐都只係雞同魚，

另一樣係繼續睇醫生，努力食哂所以藥，因為我不斷喉嚨痛，平日我會食少一兩次藥，不過今次會食哂啦，希望食哂啲藥之後真係唔好再番發啦....

仲有咩要做呢....瞓定多啲啦...或者買定本書去等轉機時睇......

最後要鳴謝兩位卜友仔--細i 同埋海星因為佢哋見我之前篇卜好興，就好即時問可唔可以幫到我，好感動同埋窩心呀！

♪♬♩♫荃灣Pokka@第888篇blog ♪♬♩♫

呢篇仲係講緊星期六，因為掛住玩Pet Society，唔得閒整相，上次啲相整到 一半都冇再整埋佢。

星期六探完蕉仔就去荃灣，因為我之前喺荃豐訂咗件衫啱啱有貨，所以順便去荃灣攞貨，之後又再買過，又再訂貨，下次攞貨又訂啲新貨...不斷循環？要忍忍手先得喇！

之後同阿媽去荃灣千色店間Pokka食dinner，之前荃灣明明好多人，不過唔知點解六點半過後，開始少人，唔知關唔關當日落大雨呢？

可能因為Pokka 當日唔多人，所以佢哋好似幾好service，我有張$50 coupon 將於月底到期，用咗coupon 就唔可以有member discount 同埋亦都唔可以用其他coupon 送free嘅食品，所以叫會員餐最抵，因為會員餐只有member 先可以點，而且member 都唔會再有 discount，所以用coupon 係最抵。(婆仔ing)

阿媽個set 好似係$148嘅牛扒餐，有湯

有意粉，佢話好好食好夠茄味 

牛扒，佢又話好好食，成件食哂！(其實佢咩都話好食架。) 

我個set 係日式好似$115。

有煙肉蕃薯卷，煙肉好食。 

薑蔥豬扒，個薑蔥汁幾得。 

唔知咩黑魚子雞蛋，sorry 啲黑色嘢我唔識欣賞，好腥，寧願食雞蛋加salt好過啦！ 

飯團，三個咁多，食唔哂。俾咗個阿媽食。 

甜品係朱古力mousse，我以為係整好哂的mousse cake，原來係一杯杯即時整，好食呀。 

最好係餐飲貴價的藍山咖啡(好似唔知$68定$72)，個杯都靚過人呀。

不過阿媽晚唔飲咖啡，多口問句可唔可以用埋4月份免費送杯芽奶茶的coupon，佢竟然話可以，仲叫我哋留番杯藍山咖啡下次飲，佢仲寫張slip俾我哋爭我哋一杯咖啡，可以隨時去番呢間分店飲呢，呢啲咪識做生意囉，起碼我下次再嚟，唔會只飲一杯咖啡囉。

話時話我上年做member都好似喺呢間到申請，因為個經理姐姐幾好人，易話為，當時俾我同一日用兩張coupon呢，咁醒目，值得一讚呀。

十個讚!!!!!! 卡卡

ps 呢篇係我第888篇blog呀。

♠♤流心芒果蛋糕♤♠

好多人都話cova嘅芒果蛋糕好好食，不過Cova都係比較貴族，同我呢啲人好似格格不入，其實好食嘅芒果蛋糕，除咗Cova之外，東海堂嘅芒果蛋糕都好好食架，而且價錢仲比較大眾化呢。

 

近排東海堂出咗個芒果流心蛋糕，睇post好吸引，所以有一日都忍唔住買咗嚟試吓，
宜家就作一個直擊報導先~
外形係半圓形嘅流心芒果蛋糕，
食咗半個先記得影相，你睇啲流心芒果幾多，

真係唔係講笑架，勁多流出嚟，

味道仲好好食呢，因為有啲芒果蛋糕啲味係好假，得個甜字，
不過呢個就好好食，啲芒果味好鮮呀!
雖然係流心，不過中間係打得好幼滑嘅cream cheese，
最底層係蛋糕，
成個夾埋好滑，好soft，
而且一啲都唔『漏』，
一個份量大約夠5-6人食，
不過因為好好食，
我可以食半個都得呀！
食完之後仲好失落，好想再食呢！
簡直係十個讚!!!!!!!!!!

☼甜蜜蜜新生咖啡店☼

Easter第一日去完牛頭角一下邨之後，其實去了尖沙咀，因為見到有一日頭條日報提到尖沙咀某商場有日本空運到港的櫻花，諗去睇吓啦，點知好唔掂呀，好殘，直情搵笨七呀~

#殘花敗柳，冇咩相可以post到見人，

上去ocean terminal，好曬，呢個位可以睇日落，當日不過唔想睇，因為有排等︿

有啲畫係關於櫻花， 

之後落番地下見到有Ocean Park 整啲公仔喺度 

我喜歡熊貓，影幾幅先

當日都幾多人

之後去咗尖東嘅甜蜜蜜新生咖啡店，

有好多鄧麗君嘅相

試了杯熱嘅古坑咖啡，$28，好飲 

憑呢個牌，佢會將啲食物送上，

鴨胸沙律，分量好多，加十蚊有湯，質素ok啦， 

當然會四周影吓啦~

有個架放滿鄧麗君嘅CD，可以隨便聽 

原來有出過日文碟架

仲有好多精品賣

╮(￣▽￣)╭小事兩則

忽然喉嚨好痛又要睇醫生啦，慘~原本都幾痛，因為lunch食咗炸菜有少少辣之後就勁痛啦~
臨放工仲頭痛呀~
成日呢度唔妥嗰度唔妥都唔知做咩鬼。

另一樣嘢想講係隱形眼鏡藥水，以前用開renu，之後因為有一排有事要回收就轉咗用OPTIC-FREE，以前都用過吓COMPLETE，覺得唔多好用，好少用，前陣子有個同事轉用ONE_DAY，唔駛再用藥水，佢俾咗支CIBA VISION俾我，我覺得都幾好用，不過用完之後就抄扮哂嘢去格吓價，睇吓邊隻最平，發現用了幾年的OPTIC-FREE係最貴，大家都係九十幾至一百蚊兩支，不過其他都係兩支500ml，只有Optic-free係兩支366ml，原來我俾人呃錢呃咗好多年，咁見係咁就揀pack最平啦，揀咗complete，因為送支旅行裝，

點知....我用第一日已經唔妥，一戴上眼係『拿』眼，當時我病到死，諗住可能因為食藥令到個人乾燥，連眼都乾埋，冇理到，點知戴多幾日都係咁，明明好精神一戴上去就唔妥，雖則每人戴con都有佢嘅壽命，但唔會忽然唔妥掛，之後真係頂唔順，買過另一pack ，買了CIBA Vision，一戴上去好舒服，好似冇戴一樣，咁先知原來自己真係唔適合用complete....唉，近排真係好黑呀，想慳錢就變駛錢，又係咁睇醫生，激死人

✿牛頭角下邨✿

牛頭角下邨將於五月清拆，近日成為一眾拍友的拍攝熱點，
對於童年時代住在公共屋邨的我，
到牛頭角下邨勾起了不少童年回憶。

有些照片經過後期制作，用了寶麗萊特效呢！

原以為過了木棉盛放的最好時機，原來還有一棵正在盛開。

 熟食檔很熱鬧

以前的屋邨多叫第幾座，而不是xx樓。

 已鎖上的學校大閘，

從大閘的隙縫望過去是學校操場，跟我以前小學的操場有點相似，

以前屋邨的遊樂設施多是這樣子，

孤寂的木棉花。

殘舊的風扇，

小時候上體育課的白飯魚，你穿過嗎？

清拆大減價。

玩具店的鴨子。

粥店的白糖糕，

油炸鬼，

 好好吃的墨魚和腎，店主很友善，任影唔嬲。

這樣賣米，現在比較少見，

雜貨店的鹹魚

用來照雞蛋呀！

有個小盆讓你放下雞蛋，慢慢挑選。

也會賣薑

賣香，賣水，賣酒，甚麼都賣。 

髮型屋

一位伯伯在畫牛下，吸引了不少人拍攝， 

他卻自得其樂，處之泰然。

中畫的牛下，正是這角。 

牛下開飯，吸引不少人到來開飯。 

很多大排檔，

有我最愛的雲吞麵，那是蟹子雲吞麵，真是有蟹子的， 

 炸魚片頭，即是魚片的頭尾部份，好吃，老闆又好好人，好好招呼。 

這種地上跳飛機，小時候玩過不知多少遍。

以前的屋邨，多是H型/ U型的，三座相通，第十座可以通往第九座或第十一座。 

太多拍友，對未搬的居民做成不便，所以有護衛在樓下把守，不過，只要把相機收好，他們沒有阻礙我們，我們最後都上樓了，這種長走廊，對於在屋邨長大的我不但沒半點陰森感覺，只有熟悉，彷彿看見小時候的自己在走廊上奔跑， 

樓梯，大堂...都是熟悉的

望出去，別有一番滋味在心頭。

這些樓梯，從前不知走過多少遍吧！

門牌印在牆上，

 由於只有一面有窗，所以還有一排通風窗口在走廊。

這個水錶，我以前家門口也有一個。

很多都用『熨』閘。

不少居民愛把香爐放在家門旁邊。住屋邨時是很易看到的。