20160930 - ❤金田家拉麵❤

9 月30日星期五

出糧日又要去CWB皇室堡影奸夫，好想食碗好拉麵，當然想去登龍街，發現冇咗豚王，後來先知搬咗。又不想去香港的博多一幸舍。於是試吓金田家，

點了雞白湯豚骨拉麵，好一般，好似好淡的湯底。麵質不錯，都是一蘭嗰啲好煙UN。叉燒都幾好食。起碼冇雪味。

試咗佢MENU上冇，只是POSTER上有的唔知咩豚肉，呢個好好食，啲好薄，肥瘦適中。仲有燒過的燒味，總之好好味。

經典拉麵好食啲，個湯好味啲。原來本身係唔跟蛋，兩個麵都冇跟溏心蛋。嗚嗚，冇追加。

所以熊人唔夠飽。我哋想去四五年前初次見面的深井發記甜品食吓甜品。點知又冇咗，變咗小甜谷。 嗚，APPLE GREEN已經執咗，呢間都執埋，CWB冇哂回憶了。

唔想食小甜谷，於是去了McCafe食好了。

流心芝士撻凍哂，翻熱又唔夠，唔流心，只當芝士撻好了。

都係oreo cheese cake才靠得住。

之後去番第一次見面個站坐車，又係680，好多回憶，我哋就係2變3了。

20160930 - ヾ(◍'౪`◍)ﾉﾞ皇室堡

9月30日星期五，

今晚放工同熊人拍拖去，最後兩星期的兩口子生活。

今日也是產假前最後一天，明天是八十日假期的開始。

收到消息皇室堡有奸夫，是以萬聖節為主題。九月底至十月尾，如果唔趁宜家影就冇得影。我哋放工食嘢又行咗一陣H&M ，見到好多秋天衫，唔知生完之後有冇機會買？

到皇室堡地下，幾隻奸夫😚

至愛熊人😚😚

以星球為主題加少少萬聖節。

有火箭。

好靚，影相出來都見到發光。

至愛😚😚😚

有夾公仔機，但要用微信，我有，但唔想搞，影相就算。

只有地下嗰層有，有點失望。好彩有pop up store,見到有鬼鬼賣，係萬聖節版，會員仲有八折😚

20160923 - ⊕⊙香蕉蛋糕⊙⊕

9月23日星期五

我個姐姐都幾好人，三十歲左右，有仔女，佢八月底到，成個九月都冇嘢做，佢幫我洗定啲衫，摺衫等，其實家務唔多，屋企有咩好抹，一陣就做哂。

仲整吓蛋糕。

佢識整香蕉蛋糕，麵包等，唔算得上好好食，但都食得過。起碼會想再食，聽聞日後我哋將會變廢人，咩都俾哂姐姐做。唔知幾時先習慣有姐姐的日子。第日b出世，仲會唔會有時間整蛋糕？

20160921 - ヾ(◍'౪`◍)ﾉﾞRuby Tuesday

9月21日星期三

 

同舊同事一起吃晚飯，預祝佢9月30日生日，我同佢DUE DATE 只爭一日咋。

 

佢揀咗Ruby Tuesday，我好少會食美國嘢，因為好heavy，不過呢排開始幾好胃口，又覺得好好食。

 

ribs 配薯蓉，

ribs 好味。

三文魚意大利飯，麻麻地，反而西蘭花好清。

個煙肉薯條好好味，點sour cream~有cheese，好heavy 但唔知點解好好味，我幾好胃口，食好多。

雞扒大菇意粉都唔錯。

好多都有cheese，所以今晚唔駛飲奶了。可能宜家真係兩個人食，所以幾好胃口，忽然好喜歡食咁heavy嘢，最後幾周有排肥。

之後影咗合照留念，冇幾可。

20160918 - ╭❤╯╰❤╮結婚兩周年都會海逸下午茶

有9月18日星期日，

兩年前的今日，熊人樹懶結婚了╭❤╯╰❤╮，今日我哋兩個仲有一個肚裡的B一起慶祝兩周年紀念日。

個肚已經好大，又好怕熱，行動都唔太方便，唔會去行遠的地方，亦都冇咩地方可以去，於是就同熊人一起去吃下午茶自助餐。

以為熊人唔多記得唔會訂位，不過原來隻熊人都有問同事意見，先揀呢間都會海逸，諗住熊人返工攰就咩都唔記得了。

 

朝早只吃了早餐，仲要係麥皮，之後再坐多陣就出去，好早去到都要等到三點半先食得。

都幾多人，嘢食都幾多款式，有泰式蝦餅，中式嘢，西式，

其中日式天婦羅整得幾好食。

仲有個菠蘿雞翼，煎餃子都好好味。

我都冇食魚生架，忍到口，但都有食少少壽司。

仲有個蝦都幾新鮮同爽口，不過青口就冇咩味。

我哋差不多樣樣嘢都食一件，但熊人好快已被KO。

 

我哋最想食是甜品，個綠茶心太軟唔錯啊，勁流心，而且綠茶味都幾香。我同熊人一人一個。

 

其他甜品一般咋，以下幾件只有Tiramisu最好味，個蛋白好甜。

仲有其他冇影相，例如疏乎里，仲有啲奶凍，朱古力卷，味道都是不過不失，再加上有幾款甜品是榴槤，我哋不吃榴槤，變相少了選擇。不過有個芒果榴槤奶凍都幾好食。我哋覺得個味好夾，唔食榴槤都覺得正。

另外亦有即整窩夫，可惜我哋最後忘了吃。

最正係呢間係有h雪糕任食。我唔執輸食咗兩杯，一杯cookie & cream，一杯係strawberry，hehe食佢兩杯先抵番條數。

價錢是$268一位加一，不過我有八折，所以折了之後係四百幾蚊兩個人，真係好抵食，
下次再食buffet應該三人行了。

20160914 - ☽ ☽ 中秋做節☽ ☽

9月14日星期三，

今日是我同爸媽，哥哥一家人做節，之前連續兩年中秋的月份都是發生不好的事，其實我對九月是有陰影，以前覺得7月不太好，因為有兩年都試過入院。近兩年就對中秋有莫名的恐懼。

今年暫時冇咩事，但上星期覆診醫生話我唔夠胎水都令我好煩惱。

 

前幾天哥哥去了日本東京，買了水果，打算今日做節食，有密瓜，有提子有桃。

最好食係提子個味真係好特別，好掛住東京，好掛住日本啊，不過我有更重要的事要做。(!)

呢個係東京手信俾媽媽。在SKYTREE買的PANCAKE 模型。

仲有一個係拉麵模型，但原來係要自己整架，俾咗熊人整。但好似好難，唔知點整。

20160914 - •●L'Eclair de Genie●•

9月14日星期三

有勁人同事升職，請我哋食泡芙。

這種奶油泡芙是法國人愛吃的甜品之一，當地人稱它閃電泡芙，因為Éclair意思是閃電。

其實年頭食過，當時係嘟姐介紹咗冇耐，當時好HIT，但我覺得得個甜字。

 

宜家又有得食，就試多次，唔同款的放在一起，好靚吧。

 

價錢由$38-55不等，都幾高級啊。

呢個有同事揀咗，好似係酒嚟架。

我食咗隻柚子檸檬，泡芙因為冷藏原故並非脆身，我覺得個味道好酸，係酸到拿嗰隻。

上次食過有隻就好甜好漏，

另外有同事食了好出名的海鹽，但就話好鹹，基本上咩款式都係好重口味。

我自己個人比較喜歡日式泡芙，呢隻嘢免費食過就夠，唔會買來試。

20160909 - ☏☏越棧☏☏

9月9日星期五，

 

雖然姐姐嚟咗香港，但我哋都仲係想趁星期五出去行吓，而且因為我哋仲有嘢未買，而且下個月陪月就嚟睇我哋，想睇我哋買齊嘢未，所以趁星期五都去買嘢，星期五的沙田好多人，原本想食EUROGOGO，不過可能晏咗少少，要等位，仲要唔知等幾耐，我同熊人都想快啲食，於是去咗越棧，以前同熊人成日在屯碼嗰邊拍拖，成日都食越棧，宜家搬了入美

食沙漠之後，日日在家吃媽媽飯，食得多都有點厭，到星期五係要食吓嘢行吓，relax~

 

 

豬頸肉撈檬，近來真係好少機會食到。

越式拼盤，好正呀。

之後去咗一田，都係買唔齊嘢，但買咗好多bb用的棉，同埋換片墊等，冇手再拎啦，如果以前有車就好了，可以一次過買完放上車。
之後返家熊又出去夾band，我飲好大杯奶之後又唔c服。

20160909 - ◈◈潮江春食晏◈◈

9月9日星期五

上兩周熊人POST 咗大肚照之後，收到朋友祝福，仲有約食飯，

vyvy 同chanc9都同我飲晏晝茶，就係怡和大廈的潮江春，

一個唔戒口的媽媽。

咩都食。

叉燒腸，腸粉好滑，唔錯

鵝片有豆腐同埋少少墨魚喺個底。我覺得鵝片都幾蘇。

奶皇馬拉糕，都幾香滑，奶皇幾好食，不過有兩件塌咗，要扣分。

燒賣，一貫高水準。

腐皮卷，好脆呢，好好食。

其實同vyvy有兩三年冇見，同connie 都有成年冇見面，今餐又食又拎呢，connie 係要請，而vyvy又俾咗台灣無花果俾我食。多謝哂，多謝佢哋仲講好咗生咗之後嚟探我。

20160901 -☽☽疏乎蛋奶皇月餅☽☽

9月1日星期四

前陣子在YAHOO見到團購有疏乎蛋月餅賣，128蚊一盒，好似幾靚咁，係榮華出的，大公司出的月餅應該不太差吧，所以買了兩盒，一盒俾自己，一盒俾哥哥。

買咗成個月先攞得，可以在馬鐵站的榮華攞，都幾方便，

 

個盒好靚，好多疏乎蛋，有四個月餅。SIZE 又唔算係迷你，又唔算係大，中型SIZE。

仲送環保袋一個。不過冇影相。

不過味道就麻麻地，唔知係唔好食，定係自己開始唔喜歡食奶皇呢。