20180331- ◈◈BBQ + playroom @ Ocean Wings◈◈

3月31日星期六
上星期約了中學同學今日去BBQ。中學同學佢買了天晉3期，4月會放租，趁依家招呼我哋到會所BBQ同埋CLUBHOISE的PLAYROOM玩佢哋個BBQ係用TOWNGAS比較乾淨，但就冇乜BBQ的風味。2.5一尺管理費的天晉3由於剛收樓好靚好新，住居屋真係冇得比。

個場幾正，有張轉轉椅，BB同5歲大的姐姐玩，蕎蕎好靚女好高大，BB好細粒。

BB一開始只睇電視唔理人，有少少生保，但都OK，少少呆，比之前好了，可能大個了，同埋近來個個星期都去喪玩，好多節目好開心呢。

BB變了食肉獸，食燒牛仔骨啦，豬扒，粟米。



玩到差不多四點BB開始癲癲得，因為係瞓覺時間，不過一轉場去PLAYROOM玩，即時好開心。即時生龍活虎。自己玩積木。

PLAYROOM好靚好彩色。BB自己見到啲嘢靚都自己搵嘢玩玩。





太多嘢玩都唔知玩得邊樣，玩玩吓又走咗去。

有好多好靚的木製煮飯仔玩具，BB都有玩吓，唔係佢倒出嚟架，係人哋倒哂出嚟佢睇咋。

有啲大 軟墊好開心，喺度自HIGH喪跳。BB差不多係全場最細個，係臨尾有個細啲BB。

也有推車仔，佢同圍走，又同蕎蕎玩吓，蕎蕎撘了個軟墊滑梯，佢哋兩條友又爬又玩好開心。

明明要瞓都冇瞓覺，玩到五點幾就走了，電已放，皮已收，一上車即豬，但係豬到屋企一落車又醒了唔肯豬。


晚上熊人整CHEESE CAKE，今次整得好靚，個面冇裂裂，好靚仔呢。

20180330 - ~(￣▽￣)~*三月份小食

3月30日星期五
有啲食物相，唔好浪費XD
11/3 想食蛋糕，熊人喺茗作買咗兩件蛋糕試吓，一件黑森林，一件綠茶紅豆，不過兩件都唔好食呀，綠茶紅豆冇綠茶味啦，而且好多CREAM，黑森林又做唔到有多車厘子的味，又係好多CREAM，最慘啲CREAM又唔好味，唔夠滑，而且好似好漏咁，麻麻地。冇下次啦。



另一日係16/3同Crystal去星巴克食，食了LEMON TART，當你食過IKEA的LEMON TART，你會覺得星巴克呢個真係好好食。LEMON少少酸唔會過份，而且好滑，間中食吓好正。

屋企樓下成日有啲短租舖位，幾日轉一轉，有時有糯米糍，有時有布甸，今次呢間係「殿糖級」。千層蛋糕為主，28元一件，有芒果味，朱古力，OREO，榴槤，買了兩件芒果，一件媽咪，一件同熊SHARE，一般般，個CREAM好漏，太多，PANCAKE唔算多層，最大問題係CREAM同PANCAKE是不能融合。我覺得上次東京喺7-11買的仲好食過佢，另外元氣的千層蛋糕都好食過佢。


30/3 去MARKET PLACE 買PUFF，之前食過咖啡味好好食，今次試埋綠茶同原味，但好一般，唔試好過試，綠茶味不夠濃，(食過日本清水寺同銀閣寺的綠茶PUFF係返唔到轉頭呀)，原味又好似好一般，以後只食咖啡味就夠了。

今個月的小食好似都麻麻地，伏味濃呀。

20180330 - •●❤復活節彩蛋@新港城❤●•

3月30日星期五
EASTER 第一天，同BB去新港城行吓，本來想去食小店的越南粉，但最後路過三代橋見有拉麵有BB椅就忍唔住入去食。
海鮮拉麵，都可以啦，幾多海鮮，糖心蛋對辦。
多海帶，麵質亦不俗，海鮮質素一般。唔算得上好好食，不過以70-80蚊左右一個拉麵就算OK囉。


熊點了地獄拉麵，只點了小辣，係豬肉，啲豬肉整得幾好食噃。

另外點了鰻魚青瓜卷都幾好食。埋單200幾蚊，都可以接受。唔駛次次都元氣壽司。

之後同BB去新港城，佢一見到啲公仔就識得自己衝埋去，近來睇電視成日見到鴨鴨，一見鴨鴨就摸摸。

新港城整得幾靚，以蛋為主題，有雞蛋仔影相位，夾蛋機。不過BB好似唔知咩係雞蛋仔，未食過呢。

兔兔CUPCAKE靚靚



仲有啲煎蛋展品，好靚噃。

BB喺度跑嚟跑去，勁開心，一邊跑一邊手舞足蹈，勁HIGH勁開心。

對周大叔個牌好有興趣。

呢個似揀雞蛋幾好笑。


不過又跑去扶手電梯，激死我，之後同佢去千色睇玩具，只睇不買佢又冇乜嘢。
返到屋企都四點，不過佢都仲唔肯瞓呀，一知道要瞓就喊，最後擾攘了半小時先瞓，瞓到六點就的佢起身。

20180328 - ✈✈閒相✈✈

3月28日星期三

儲了不少三月份的雜相，想一次過寫哂，熊人話唔好成日俾個仔玩太多煮飯仔，叫我買啲車。
我宜家成日去玩具反斗城度睇玩具買俾BB，通常買減價嘢。呢啲車19.8一架，同表哥玩開的一樣，所以揀紅色俾佢，另一架就揀飛機，其實都係車。

又打爛了，唔知點解專係打爛啲再靚，心形，花花，唔靚唔打爛。

BB喜歡食蛋卷，HAHA，食親都好開心，賀年禮品，其實唔應該俾BB食，不過食少少都唔怕啦，都差不多歲半了。

仲有小蛋糕，乖乖坐喺度食蛋糕仔，食佢就最開心，好可愛，是我的SWEET HEART



成日想睇YOUTUBE啲兒歌，成日要自己開電視，攞遙控。有時俾佢開到部電視架，開完電視仲自己爬上梳化坐，笑死人，不過佢唔識駁YOUTUBE，只睇到藍畫面咋。



今日去咗鐵皮檔買了BB蝦條同蔬菜條俾BB，CALBEE的不經油炸，少鹽的BB零食。BB好喜歡食。最重要係賣得好平，8元一條，即是2蚊包，一包有好多條條架，比起PIGEON的BB餅18蚊得兩小包真的好抵食。我可以成日行去買，當LUNCH TIME出去行吓都好，另外，估唔到嫂嫂都喺同日買咗呢。

仲有買定啲小玩意俾BB上機玩。Simple puzzle同埋貼紙薄，希望BB一小時的機程開開心心，生生性性。

20180325 - ☆★流水響★☆

3月25日星期日

今日BB瞓到十點先起身，乖乖，因為昨天十二點半先瞓覺。
唔知去邊好，同佢去郊外走走。去攞車時見洋紫荊盛放好靚，都影一影啦。

去流水響同佢吹泡泡，不過郊外地方路不平，其實BB都幾辛苦，仲有個水塘超乾，差不多冇哂水，呢啲天時冇哂松樹的啡色，唔靚呢，以前嚟過好靚架。

咁我哋搵個地方坐低同佢食嘢，買咗個蒸飯同埋啲燒餅去食。
個水塘冇水的地方龜裂，但好多泥，BB踩到對鞋仔好污糟。

冇同佢吹泡泡，因為有好多斜路，怕佢泡泡時會跌落山。
後來熊人同佢周圍行，見小朋馳執起樹枝打打打，佢又學人執起樹枝打打打。打到好開心。

原來去郊外係好好放電呢，佢上車瞓，瞓到去婆婆家都唔起身，我見6:40怕佢今晚唔瞓，迫佢起身咋。估佢唔到我唔瞓喺佢隔離都照瞓。

20180324 - ✿｡◕‿◕｡✿沙田閒逛第一次食雪糕

3月24日星期六
今日本來想去香港公園睇雀仔，不過因為如果去香港公園就唔揸車，要坐巴士，我唔想BB喺太多人地方中招，唔想佢旅行前先嚟病，
而且又要買咖啡豆，所以就近近地去沙田，可以行宜家買豆。
一去到就去EUROGOGO食LUNCH，我哋坐出面唔駛等位，冇BB CHAIR，但佢都算乖乖地食完餐飯。由於佢可以自己食，所以唔算麻煩。
之後同佢去SNOOPY 公園走走，上次嚟係夏天，都未識行，宜家以朗可以自己走走了。
有啲公仔佢都幾開心，周圍行吓，自己衝上巴士，不過架巴宣冇咩嘢玩，有啲滑梯，不過唔俾佢玩，因為太多人，個個排哂隊，好迫咁排，而且要大少少先啱玩。





之後去CITYSUPER食雪糕，大判燒加雪糕係套餐嚟的。
食過吉士大判燒唔太好食，

最好食反而是綠茶紅豆，好好味。

而綠茶雪糕都是必食，BB未食過雪糕，但一見到都已經好想食，好為食。

食到個咀都變食綠色。都差不多歲半，可以淺嘗啦。

之後行宜家，見到啲膠杯就當係玩具，唔肯放手，買了一排返家(-__-)，
兩層咁大，有啲地方同兒童遊戲室咁玩，對大眼仔洗衣機好有興趣。



最後行完街佢就由宜家行去火車站途中睡了。車程只係半小時，返到家又唔瞓了。