20180317 - ヾ(◍'౪`◍)ﾉﾞ 威寶開放日

3月17日星期六
上次IN 完綠茵之後知道今個星期六係威寶開放日，所以都要嚟睇吓。
威寶佔地2萬平方尺，算係少有咁大地方的幼稚園。
一入到去見到好多嘢玩，不過BB都係有啲怕生，唔係好敢玩，
不過見啲人拋波波，踢波波佢都有玩吓，
見到有個吹氣彈彈，鼓勵BB去玩玩，每次六個人，每次四分鐘，BB第一次玩有啲呆。
又未去到好驚，有個兩歲姐姐驚到喊中場離場，BB唔喊但都唔多似其他小朋友咁開心，佢哋會跳，但BB就坐喺度，不過尾段佢都好似幾開心。

之後去隔離的操場玩車車。


好開心呢，玩咗好多車車。

好似想玩哂所有車咁。





之後去參觀課室都有啲嘢玩吓，N班課室幾好玩，好似玩多過上堂，BB應該會幾鍾意。地方大多嘢玩，冇綠茵咁上堂FEEL。

出返嚟頭先拋波波同吹氣彈彈的地方，BB好開心，因為熟了，自己衝去玩，仲自己想上去吹氣彈彈度，玩完4分鐘仲唔肯出嚟呢，爛玩怪。

其實都幾喜歡呢間學校，不過太貴同埋算幾遠，半日學4800一個月，如果唔坐校車都好啲，但富安度過馬路比較麻煩，驚BB同姐姐亂咁過馬路。
不過我都唔諗太多啦，如果綠茵康傑唔收咪威寶囉，最緊要有書讀同埋BB開心，呢間係貴啲，但BB應該會好開心。
之後去大快活食嘢，仲去了雅濤居玩入錢車車，今次玩完發爛渣呢。