20180318 - ╭。☆Tom Bar & Grill@科學園☆。╮

3月18日星期日

去完石崗軍營去邊度食好頭痛，好彩熊一早諗到去科學園，唔會太多人，可泊車，方便。
一去到大家都好口渴，點了中國茶，不過呢間Tom Bar & Grill好得意，可以食中式點心又可以食下午茶SET，之後我哋都係叫TEA SET，因為一碟點心成30元，唔抵，TEA SET 就大約58-98一個，睇你點乜，四個大人就點四個SET。

個點員話點少一杯餐飲就免我哋茶錢，因為茶錢都10蚊個，咁佢哋都幾公道。
爸爸點公司治，好似好普通，大家樂好過佢，但要98元，不過薯角就幾好食。HEHE

媽媽點了越式火車頭河，分咗啲俾以朗食，媽咪話唔錯。同埋估唔到幾大碗。

我哋點了辣肉腸PIZZA，好食，薄薄脆脆。芝士又唔錯。不過爸爸不吃。

本來想食泰式蝦餅，但賣哂，唯有叫蝦春卷，原來係米卷，係凍米卷，爸爸媽咪又興趣不大，我同熊人食哂。


食嘢泊車可以FREE，所以唔駛停車場錢都不俗，味道OK，環境好好，因為我哋坐戶外，呢啲天氣唔錯，望住長廊又好多人踩單車，幾舒服，不過如果唔係下午茶餐啲嘢食就好貴。
有機會都會再嚟食TEA。