20120727 - ╭❤╯新成員╰❤╮

由7月24日開始嘈大交，唔開心事過去就算了。不打算寫出來，因為不打算記住。

7月27日夜晚，熊終於回來了。

我去接機呢，

 熊在台灣帶了兩位朋友回港。

Angry Bird 的豬，放在我家，同間條熊一起。

 仲有鳥，佢地都係有叫聲的，豬是豬叫，鳥是鳥叫。
鳥就同間條熊坐墊在熊家中生活。 豬就同間條熊一齊喺我屋企了。

自從有隻鳥在熊家，熊家就好熱鬧了，因為成日有鳥叫。

20120726 - •●❤Bulldog's❤●•

7月26日星期四，

熊飛了去台灣，吵架中。幸好當天早上已經好返一半。
一早約好同同事去食嘢，happy hour 傾計。

尖東的Bulldog's，好英倫酒吧格局。

 

 一人一杯cocktail....cheers...我是long island ice tea...

 去bar必食的nacho....好味。

  意粉。

 仲有雞翼，似避風塘式嘅？

熱氣但幾好食。

有live band，有兩層，也有露天位置，不過天氣熱都是坐室內啦，再叫多round cocktail 坐到10點走人，


聽日熊就回港了。

20120723 - 十號風球(〒︿〒)

原本擔心颱風會影響熊生日，點知最後個風郁都唔郁吓，夜晚出去先有少少風雨，好似得一號風球，

冇影響熊生日食飯。

點知第二次瞓醒之後個風郁，仲勁咗好多，
熊揸車出來，因為佢原本係打算夾BAND。
最後知道打到來就唔去了，(因為佢啲BAND 友都唔出嚟啦)
明明三四點已好大風，打個死人天文台要等到放工時間先掛。我間刻薄公司唔理你住邊都唔會俾你早走架。

掛了八號風球5:40，我仲去找熊，因為星期三四五熊去台灣，明晚又話睇BAND CONCERT，原本今日冇得見，最後都見到了。
媽媽下午已準備好好多人飯，以為我跟哥哥都在，點知我仲出街食，哥哥仲慘9點幾至收工。媽媽我唔返嚟食，我都知錯，心裡好過意唔去，咁多年打風都是即時返家，宜家食完飯返到去已九號波了，媽媽擔心是對的，好抱歉。

見到熊，打風風雨同路，只是想，如果佢啲BAND 友唔係話唔夾BAND，我可以見到佢一面嗎？ANYWAY....總叫做同熊風雨同路吧。

熊車完我返家就再返公司，因為佢好多嘢要做，星期三四五去台灣睇RADIO HEAD...聽日又車朋友去註冊處。成個星期做唔到嘢。
但佢做完嘢之後已經差不多十號風球，好擔心。

我擔心熊也就等於媽媽擔心我一樣，打風還在街上真是好危險，而且佢仲要開車。
所以每次打風我都叫熊在沙田坐263返家，如果佢夾BAND /在公司/在街上都會令人擔心。
我明白到媽媽會擔心我的心情，希望熊都明白我係會好擔心佢啦。

 

韋森特令香港天文台發出接近13年以來首次的十號熱帶氣旋警告信號

7月21日晚上9時，日本氣象廳將該熱帶低氣壓升為熱帶風暴，命名為韋森特，給予國際編號1208。香港天文台亦在同日晚上11時45分把韋森特升為熱帶風暴，當時韋森特集結在香港之東南約440公里。韋森特以時速18公里向西移動。
7月22日，韋森特在引導氣流缺乏的情況下，明顯減速移動；但移動緩慢之時亦有所加強。
7月23日，韋森特開始向北移動並迅速增強，香港天文台在凌晨3時45分把韋森特升為強烈熱帶風暴。同日上午10時，中央氣象台把韋森特升為颱風，升級前35分鐘南海一個接近此風暴中心的石油平台曾經錄得每秒36.7米（超過每小時118公里，達颶風程度）的2分鐘平均風速。香港天文台在下午1時45分把韋森特升為颱風，更在晚上11時25分把韋森特進一步升為強颱風，表示韋森特急劇增強 。差不多同一時間，聯合颱風警報中心將此風暴由一級颱風直接升為四級颱風，可見韋森特的爆發增強異常急劇。韋森特亦逐漸改向西北偏北至西北移動，並恢復每小時20公里的移動速度。

天文台在同日晚上8時45分表示，韋森特採取較西北路徑，更接近香港，若香港風勢進一步增強，天文台可能需要發出更高熱帶氣旋警告信號，呼籲市民留意最新風暴消息。天文台在晚上11時20分發出九號烈風或暴風增強信號，當時韋森特集結在香港之西南偏南約110公里，急劇增強成強颱風。7月24日，韋森特正面吹襲香港，其眼壁非常接近長洲等香港西南部地區。天文台在7月24日凌晨12時45分發出十號颶風信號，當時韋森特集結在香港天文台總部之西南約100公里。這是自1999年颱風約克襲港後，13年以來、21世紀首個十號熱帶氣旋警告信號；亦是自長洲信號站關閉後，首個「發出」而非「懸掛」的十號信號。

20120722 - •●❤生日快樂❤●•

7月22日星期日

熊生日- 大日子。

一早訂好位同佢去Watermark ，在熊家hea了一陣先出去。

在中環碼頭上，有海景的。

啲嘢貴貴。
不過冇咩所謂，地方好黑。

 

 starter 沙律。菜都夠新鮮。

 煎蟹餅，幾好食，好多蟹肉。

 可惜部s100在當日壞了，好唔開心，掙扎咗一輪先影到幾張相，
唔記得當日食乜，
只知道預先安排了蛋糕，唱生日歌。

 唔知點氹熊，只希望熊happy birthday!

另外昨天買了朱古力俾熊食。
佢叫我唔好買嘢俾佢，但我想佢甜在心頭。
熊唔喜歡食DARK朱古力，但在這店子內的Milk chocolate選擇不多呢。

20120721 - ♪♬♩♫ Pizza Q♪♬♩♫

7月21日星期六，

因為夜晚要陪媽媽睇演唱會，所以只能日頭同熊一起食晏了。
又要返工，放工熊車我去西環Pizza Q 吃Pizza，呢間小店之前食過一次，幾好食，價錢合理，

 呢個唔記得叫咩名，好好食

Pizza-Q 西環厚和街28號順昌大廈地下

熊之後都約了朋友去游水，再去811打牌，咁佢就送我去北角度坐車呢，當日又作打風天氣好鬼死熱，好多地方都35,6度，

到咗傍晚5,6點時個天仲風雲變色，半個小時內變到似天黑又行雷又大風，
當時我就快出去九龍塘食晚飯，好擔心熊在海邊會點，因好大風，吹到成街落葉，
好彩熊都是平安，佢仲話當時好大風，連太陽傘都吹起了，好彩當時佢哋已經游完水仲換埋衫。

我宜家要擔心多個人呀。

20120714 - (◍•ᴗ•◍)南灣

7月14日星期六，

又去游水啦。
熊以前係香港人仲要係赤柱人，好熟港島區，同我呢個九龍新界人差好遠，佢又喜歡游水，對南區一帶泳灘好熟。
成日一邊揸車一邊同我講呢度係淺水灣，再過啲就係邊度邊度。我呢.....聽嘅時候好認真架，只不過好快又唔記得哂了。


今次去南灣，三月頭嚟過一次，當時係想兩個人HEA 吓浪漫下，三月頭都仲凍，當日18度咋，幾大風，冇人咁滯，吹到咁上下都係上返車暖暖。
今次去都唔算好多人，都幾好，少人啲，不過水就深好多啦。淺水地方好少，好快就會浸過頭，
冇咩地方可以遮太陽，曬起上嚟冇定走，
好彩當日天陰陰地，
又係玩咗一輪，一收太陽就凍凍地了。

六點幾就走人，沖身時見到日落，都幾靚。

 

20120710 - •●✿生日LUNCH✿●•

7月10日

同同事食LUNCH

仲有同事都係7月生日，

中環好興有semi buffet lunch

Casa Lounge: 中環蘭桂坊和安里8-13號和安樓1樓

頭盤同甜品有幾款可以任食。

呢個係頭盤，
三文魚，鴨胸，ham 都唔算好cheap。 refill都足夠。

 

 人人都食semi buffet，但可以唔order main course，每日share少少mian course，冇咩影相，main cousre只影了意粉同魚扒，味道ok。

 甜品有水果同蛋糕

我偏好cheese cake，
不過tiramisu 冇上次咁好食。
不過咁食法都好full 啦。

20120708 - ◈◈Pizza Express◈◈

七月八日星期日，

同中學同學食生日飯。想去尖沙咀，因為多嘢食。
仲想食pizza express，

生日大哂，食咩都得。

以LCX呢邊啲嘢幾貴，呢間算ok，可能因為食開中環間都係貴。

 

 覺得佢唔貴另一原因是因為佢送了無敵海景，同其他Pizza Express 比，有了value added service。

 pizza 薄薄，水準一向都keep到。

 意粉普通。

 呢個唔知咩焗菇，佢煮得ok，有芝士焗仲有茄汁。
個人唔多喜歡西餐的蔬菜要加芝士焗，
蔬菜，我還是喜歡清新的。

 甜品時間。
意大利芝士餅，好味，酒味咖啡味恰到好處，質地偏軟。

 朱古力醬麵包球，麵包好味，不過個人唔喜歡點朱古力醬，好漏，同埋覺得唔抵食，(雖然唔駛我錢)

 

20120707 - ☼☼游水去☼☼

七月七日星期六

 

要返工，放工就同熊去游水。熊好喜歡游水，不過我就完全唔識，屋企人又冇人去游水，我又好怕水，
好驚啲水浸過頭又怕曬黑，本身黑底，曬完要成個冬天先白得返，
所以至從小學尾，唔知五年級定六年級去過沙灘之後就冇再去啦。

熊同媽媽成日話游水好....上個星期去過大浪灣想睇浪，覺得浸吓水都好嘅。
放工入去石澳，可能天氣太熱好多人。所以冇得泊車，不過就在石澳買了張浮床。
之後去了大浪灣，食少少嘢就在沙灘上HEA鳥，因晏少少冇咁曬。

 

5點幾開始玩吓浮床，海水浮浮吓又涼真係好舒服，不過仲係好怕水好驚浸過頭。
玩吓浮床，暫時學吓對腳點郁算了。

20120704 - ╭。☆金不換☆。╮

7月4日星期三

同vyvy, Connie 食生日飯。想食泰國菜。
揀香港島方便大家。
利舞台金不換。

啲嘢好精緻，但冇咩泰國風味，好好食。
柚子沙律。

 

 

豬頸肉炒粉，都好食。

 

 炒芥蘭。

 

咖喱。

其實我唔多食得辣，但又鍾意食泰國嘢，所以唔係樣樣啱食。

 

最後飽到爆都仲要食甜品。

仲叫了兩款，每款六件，即每人四件甜品，食埋真係飽到上心口呀。

 

好好味的一餐，多謝哂。

20120703 - ☆★回到家的驚喜★☆

中午回到家中，媽媽跟我說原本想買蛋糕俾我，不過有點唔舒服冇落街了。

冇法子啦。

食完晚飯哥哥才到來食飯，佢問我有冇食蛋糕，我話有，仲食了兩次啦。
反而屋企人蛋糕都冇個，平日人人生日都有蛋糕，得我冇。
爸爸之後仲話我好唔返家，想買蛋糕都唔得。
我越說越嬲

呢個時候忽然黑哂似有人熄燈，我仲喺度鬧鬼，做咩鬼熄燈。

點知佢哋捧住個蛋糕出來....仲係我想食的東海堂柚子芝士蛋糕，
媽媽吩咐爸爸放工買的。

 發脾四好樣衰，被家人笑了好耐。

 

蛋糕麻麻地咋，好甜吓，面的其實是餅碎，個CAKE 冇餅底，餅底變成餅乾鋪喺面。

20120703 - (◍•ᴗ•◍)一起食早餐ⓛⓞⓥⓔ

7月3日，

自己annual leave，
終於可以第一次光明正大咁同熊食早餐了。
熊整早餐我食，
健康生果，即磨咖啡。

 

蘋果合核加蜜糖。

 

真正了解到平日熊係食咩早餐。

今日加料，煙肉洋蔥薯餅。不過失敗了。
但對我來說都是滿分的。心意加滿分。

 

呢幾日好美好呀。

20120702 - ╭❤╯生日快樂╰❤╮

7月2日星期一

正日生日

先到荃灣表姪仔去迪迪尼high tea，一行七人。

 

 因迪迪尼有coupon生日 送一set tea set，

 食物一般啦，比起好多酒店嚟講未去到好好食。

 可能因為食過幾次食慣哂啦。

 但環境一流啦。

 在酒店消費就可以免費泊車啦。

 今次叫了一個係亞洲tea set。

 有中式點心，又有啲似東南亞菜色。

 因為要就老豆唔啱食西餐呀。

之後我哋行下酒店出面。，好靚。呢度近迪士尼碼頭。

 

 酒店裡面有草地。

 雖然好熱，但在樹下好舒服，好hea，唔想走。

 最後我地都離開迪迪尼，去了西環。因為未夠鐘食晚飯。就去咗西環碼頭睇日落。

 成日好想影靚的日落，要藍天白雲少灰塵，最好還是選擇好熱好熱，作打風的夏天。

當日天公仲算做美。

 之後去到天后的餐廳，看到海景，可以影埋magic hour，令7月2日更完美，完整。

 A La Umai 天后電氣道108號冠貿商業大廈25樓

 Seafood Platter....隻蟹好好食，啲膏似鹹蛋黃，只是我倆唔多好生蠔，有啲浪費。

 黑毛豬面肉。

 最後估唔到仲有驚喜。
心太軟有我個名呢。
琴晚食了蛋糕，估唔到今日仲有蛋糕食。

 2012年7月2日要好好記住呢一日。