20120714 - (◍•ᴗ•◍)南灣

7月14日星期六，

又去游水啦。
熊以前係香港人仲要係赤柱人，好熟港島區，同我呢個九龍新界人差好遠，佢又喜歡游水，對南區一帶泳灘好熟。
成日一邊揸車一邊同我講呢度係淺水灣，再過啲就係邊度邊度。我呢.....聽嘅時候好認真架，只不過好快又唔記得哂了。


今次去南灣，三月頭嚟過一次，當時係想兩個人HEA 吓浪漫下，三月頭都仲凍，當日18度咋，幾大風，冇人咁滯，吹到咁上下都係上返車暖暖。
今次去都唔算好多人，都幾好，少人啲，不過水就深好多啦。淺水地方好少，好快就會浸過頭，
冇咩地方可以遮太陽，曬起上嚟冇定走，
好彩當日天陰陰地，
又係玩咗一輪，一收太陽就凍凍地了。

六點幾就走人，沖身時見到日落，都幾靚。