20160430 - 睇熊人Y(^_^)Y

4月30日星期六。

 

熊人在觀塘有SHOW。

 

第二次喺呢度，其實只是一間房仔，不過我明白熊人喜歡音樂當然就喜歡其他人都可以聽到。

 

我同熊人除了性格都是極度火爆的人之外，其實嗜好就不大相同，不過經過了四年多的相處，大家都影響了大家，熊人唔喜歡飲酒，但是這幾年都陪樹懶去Wine & Dine ，熊人本身唔係十分喜歡影相，但我哋宜家會成日去影相，

 

熊人喜歡夾band，我唔太識音樂都會捧場，熊人喜歡戶外大自然，我哋宜家秋冬差不多個個星期都會行山，邊行山邊影相，兩個嗜好可以融合起來。我們之間有愛，所以可以將對方的嗜好變成自己的。

 

熊人有show，作為忠實fans 的我會去捧場，拍片，影相(^3^)

 

20160426 - ヾ(◍'౪`◍)ﾉﾞ稻香一蚊雞

4月26日星期二
一年一度稻香一蚊雞到28/4就完。
上年冇食到，今年可以食，因為有兩個frd搬咗附近住，我哋屋企附近又有稻香。昨天八點去到人頭湧湧，有唔少人等位之餘，個門口阿姐話雞就快賣哂，咁唯有走人，去咗茶記食越式金邊粉。
第二日星期二，我四點放工睇完醫生返到去六點半左右，點知第一輪啲人已全部就座。
只好食第二輛，好彩到七點半有位。
原來一台可以食唔止一隻雞，見到有兩個阿叔只吃兩隻雞加白飯。

講番隻雞都幾好食，唔太肥，亦有雞味，我哋四人只吃一隻雞再加咕嚕肉，魷魚鬚，雜菜煲等，最後埋單要302元呢，可能食兩隻雞少一碟餸就會抵啲。

20160416 - •●❀花花隧道@元州邨❀●•

4月16日星期六

放工之後快快去了長沙灣元州邨，去年3,4月都聽聞元州邨的花花隧道好靚。

元州邨内有一條長約30米的簕杜鵑花隧道。簕杜鵑花通常於3-4月，進入盛開季節。桃紅色的杜鵑花漸次綻放，佈滿了長廊。

前幾日熊人路過此地，當時未有落花，而我去當日有落花，滿地的落花把整個環境都染紅了。可以比得上櫻花，香港其實可以有好多花在春夏天盛放，只是香港政府從來不會刻意規劃，東一棵，西一棵，結果顯得雜亂無章，如果可以好好規劃一下，其實可以有很多賞花地方，不需要刻意飛往外地賞花吧。

 

影完花，我們去好長沙灣區有名的新華餐廳食會意粉，飲奶茶，之後去咗唯一一間允記OUTLET買咗對平靚正波鞋。再去買埋餸先返家。

20160415 - (≧▽≦)/梳乎蛋入手

4月15日星期五。

專登放工去葵t芳食吉野家想換蛋黃哥杯同遮。

熊人話我似蛋黃哥咁樣衰之後就愛上呢隻HEA 蛋。

 

同一時間OK都有梳乎蛋嘢換，買咗本有袋送嘅雜誌就可以即時換到一個。

呢個係計時器，有個眼罩，

 

個樣好抵死。

二百幾蚊本雜誌因為有袋送，奶嘴B袋，可以雙面用，公司LUNCH外出最好，之前幾年前嗰個用爛哂啦。雙面兩個花都好靚，仲有個小袋仔。

熊人當然覺得二百幾蚊個袋貴貴啦。:P

20160410 - ╭❤╯╰❤╮閒悠深水埗

4月10日星期日

冇咩事做，想出南昌公園睇花，睇黃花風鈴木，但今年真係唔開花。又係失望而回，唯有行過去深水埗行吓。

由於帶咗相機，所以就影吓啦。

熊人宜家喜歡影相，影吓舊樓。

熊人對呢啲舊式剪髮店的燈箱好有興趣，又勁影一輪。

宜家呢啲真係越來越少機會見到了。

20160408- 10 (≧ω≦)/雜相幾張

4月8 日至10日星期五至日。

冇咩好寫，只有無聊相幾張。

有日行LOGON，見到梳乎蛋小模型，好辛苦先扭到隻熊人買俾我。佢應該支持一下個老婆，好多款架，有啲係煎蛋，有啲係蛋飯，好想買多啲，儲一套。

媽咪整好咗個袋，間條熊合照。

有日去西九龍上面個food court食咗個蛋包飯，都OK好食，仲有食獅子頭。

20160402 -•●✿木棉花@石崗軍營✿●•

4月2日星期六
放工在長沙灣食完嘢之後，買咗少少蛋撻之後就入馬鞍山車爸爸媽媽入去石崗軍營睇木棉花，上年去過睇木棉花覺得唔錯，地方大，而且真係好多木棉樹，想不到爸爸媽媽都有興趣去呢。
自從月底去完日本之後，覺得父母真的老了，所以有機會要好好孝敬佢哋，難得佢哋對戶外活動有興趣，可以一起出外走走，
今年可能遲了一點木棉花已落了不少，但對爸媽來說還是有趣的，佢哋用掉下的木棉花砌成一個心形，爸爸首先發起，想不到媽媽也一起砌，佢哋兩個好耐冇咁齊心合作了，估唔到呢個年紀都仲有少少恩愛。

我哋開咗張Picnic mat，一起坐低飲吓茶，食蛋撻，影吓相。

呢個大規模的心心，有個環在外圍，係其他遊人砌的。

爸爸嗰個細好多，不過都有人欣賞，佢好滿足。

由於石崗軍營會經過嘉道理農場，林村一帶，所以回程時順便停一停林村許願樹俾媽媽參觀吓，我都成十年冇來，靚咗好多。媽媽仲有拋橙許願呢。

六時多就食晚飯，爸爸介紹土瓜灣一間小店的炸豬扒。

呢間叫星洲名廚，在土瓜灣北帝街35號

 

我哋點了海南雞飯，雞就冇泰潮咁滑，都可以。

咖哩厚切豬扒，即炸好香口又腍，咖哩香辣帶椰香，好送飯。

肉骨茶套餐，有肉骨茶、油條、白飯、白灼時菜，係馬拉的肉骨茶，藥材比較濃，冇咁重胡椒。不過舊骨就麻麻地，唔係太腍。

同埋有印度拉茶幾好飲，拉茶要加＄12，有點貴，但奶和茶都很香，而且很滑，我哋食四個餐再加拉茶，好飽呢。