20120331 -╭❤╯╰❤╮ 自家制西班牙海鮮飯

 3月31日星期日
熊在家煮西班牙炒飯過我食。

想煮西班牙炒飯，有幾樣嘢一定要有。
要煮Paella 得用medium grain rice，外型是圓而短的。絕對絕對不能是美國long grain rice，更不能用東南亞或印度那種長長尖尖完全沒黏性的米。根據西班牙食譜的說法，最適合煮Paella的米是bomba。
另外要一個適合的平底鍋，圓形的、口徑與底盤的Size越接近越好。在西班牙人家可是用專門的鍋子來煮Paella。
最後要煮Paella得用蕃紅花（Saffron）調味、調色。Saffron昂貴可不是沒理由的，它就是有辦法綻放出一股迷人的幽香，那種幽香是那麼淡，淡到妳可能不會注意到，偏偏一旦沒有了它，Paella卻又不是真正的Paella了。

好多海鮮架。

 另外熊仲整了西班牙特飲Sangria。

Sangria是以紅酒配搭不同水果做的調酒飲料，中文譯為「血紅雞尾酒」。
在西班牙，每一家餐廳和酒吧都會供應Sangría，而材料、配方以及製法都各有不同，而且不一定要使用高級的紅酒，即使是平宜的紅酒也能做出好喝的 Sangría。除此之外，也有用白酒代替紅酒的做法，稱為「Sangría Blanca」。水果方面也沒有什麼規定，以柑橘類、蘋果、水蜜桃和桃駁李等較為常見。  

20120331 - ╭❤╯╰❤╮lunch @ Hyde

3月31日星期六，
耍返工，
同同事食完lunch 先同熊一起。
sat 放工食lunch 好悠閒，好多選擇。
不過有啲係sat唔做午市的。

今次行行吓去了擺花街附近。
上樓的叫Hyde (現已改名為Nova (2/F), Loft (3/F))

呢間係間酒巴嚟嘅，有幾張桌球枱。
幾有型格。

 lunch set主要食all day breakfast~

 百元一個lunch set~

好精緻。而且都幾好食。
有齊all day breakfast的食物。
而且都整得好食。

 我食egg benedict~我的最愛，好喜歡食蛋，有菠菜煙肉，NICE~

 另外有人點了多士，好似都話幾好食。

overall啲嘢都好好食，不過就等好耐至有得食，等成4,5個字，如果lunch time來食就慘啦。

同埋都要一百蚊一個set都真係好貴。

20120330 - ╭❤╯╰❤╮小巴黎

3月30日星期五。

放工同熊去了屯門時代廣場的小巴黎食越南嘢。
屯門對我來講真係好陌生，以前未同熊一起時，儘管我有一個舅父，一個姨媽都住在屯門，不過我人生去過屯門的次數不夠廿次。
但是同熊一起之後個個星期都會去吓屯門，都好，可以了解熊多少少，
儘管熊在屯門生活了十年，同前度有著不能抹去的關係，但是一個人的過去永遠就是人生的一部份，既然是抹不去的，那我也可以了解一下吧。

熊喜歡食東南亞嘢。
我都ok嘅。

呢間小巴黎出名係香茅豬扒。
香茅豬扒撈濛，整得唔錯。
豬扒都幾入味。

 拼盤都ok，
價錢幾便宜，又唔駛點等位，不過啲人好忙，唔會點招呼你。

20120329 -╭❤╯╰❤╮ Lunch @ Holly Brown

3月29日星期四
熊過來中環同我LUNCH 。
開心。
都係HOLLY BROWN 。
因為易搵位，又唔貴。
又可以飲啡。
近日熊好少同我LUNCH 了。 -__-"

去Holly Brown 食意粉麻麻，都係食包好味少少。

 今次仲點了brownie做甜品。我本身不太愛朱古力，所以朱古力蛋糕或其凜製成品都是一般。
唯獨有兩樣我最喜歡。
1) 心太軟。
2) brownie。

共通點就要夠rich，唔夠rich 的朱古力製成品，5夠朱古力味，俾人感覺唔湯唔水，不吃也罷。

20120325 - ╭❤╯╰❤╮好時沙嗲

3月25日星期日。
夜晚約了中學同學食生日飯，
所以只能夠同熊食LUNCH。
不過我哋好遲先出到嚟，成三四點，因為晚飯在尖沙咀，所以LUNCH 都係同熊在尖沙蹉附近一帶HEA HEA 好了。

我食咗嘢，唔食太多了。
所以點了串燒同埋喇沙就算了，主要都是熊食之嘛。

價格也算大眾化啦。當時冇咩客人，任坐。
沙嗲串燒OK。肉好入味，個醬汁恰到好處。

 喇沙都好食。唔會好似平時果啲咁淡味。
有好香椰汁味，豆腐卜同米粉吸哂個湯，魚蛋又唔錯，幾好食。

 之後再在尖東HEA HEA，去了附近一間叫Cream全咖啡，咖啡ok，不過cake 就一般，

主要同熊hea hea，可以見多熊一陣。熊陪我到時候同朋友食飯至走。

之後約了中學同學去亞士厘道的小肥牛打邊邊。
我不太喜歡食打邊邊的，因為我唔食牛，所以好多時冇咩選擇，啲人係咁質啲丸俾我食 -____-"

好彩呢間啲嘢都唔錯。

 丸呀，雲吞呀。

 豆卜咁啦。

 當然少不了我最愛的響鈴。

 魚皮餃。唔係餃就係丸，滯死人

 魚肉。

 山根我都喜歡食。

20120324 - ╭❤╯╰❤╮坤記竹昇麵

3月24日
星期六'在黃金海岸hea hea 完之後，就到了熊公司附近食嘢，因為熊有啲事要回公司一陣。
熊在長沙灣幾年，平日食開新匯江。
佢係今年先知有間叫坤記竹昇麵，係得到米芝蓮2012的推介的。
手打竹昇麵是出名的。麵條爽口彈牙，但也不至於過硬，而且沒有鹼水味，所以好好食。
他們的湯有大地魚和蝦子的香， 而且應該沒有加太多味精，加了一小撮蝦籽進去後，湯的鮮味也便更突出....所以可以飲哂。

 招牌蝦子撈麵，蝦子超級多。加$6有豬手，坤記主打都是撈麵，豬手，雲吞都是普普通通，食撈麵已經夠哂，其他奶茶，咖啡，檸茶等，唔好有太大期望。:p

但主打的撈麵就真係做得幾好。

店內也有一些大地魚粉，辣椒油，同麵可購買，作送禮之用。記得有次去澳門，有個同事係咁托我(迫我)幫佢買樽蝦子，我先識食蝦子撈咋，
搵次買樽蝦子俾媽媽撈都食都好。

20120324 - ╭❤╯╰❤╮黃金海岸

3月24日星期六。
熊病倒了，於是我坐車入屯門探熊。

熊就在我落車的巴士站等我。
熊病到冇咩氣力，於是陪佢瞓一陣晏覺。
瞓醒佢話精神了，
於是又去食野。
近近地駕車去黃金海岸。
唔知到個餐廳名，只知道唔係黃金海岸廣場，而係在海灘附近的。
環境好hea，不過食物就好唔得。
有tea set，似港式的，又有豬扒包，
豬扒包不過不失。
夠新鮮熱辣。

 個意大利雲吞就超級難食了。

一上碟已經唔開胃。
啲雲吞好難食，啲皮好怪，餡都唔得，汁都係唔得。完全唔知咩嚟。
我哋兩個好少浪費食物的人都食唔落。
同餐廳反映了，希望佢會有改善。  

 由於雲吞難食，浪費了。
之後唯有叫個雞翼薯條頂肚餓。

茶餐廳貨色，而且偏乾。

 可以點酒的，普通啦。

 個view 好好，對住黃金泳灘，好hea ，飲杯酒好嘆，可惜食物唔得，浪費了個好環境。
hea hea 吓見到有人影畢業照，見到有隻畢業熊公仔在樹上，唔知偷偷地望咩，我取笑熊話係佢嚟架，偷偷地望我囉。

20120322 - ╭❤╯╰❤╮小金井

3月22日星期四，
熊好似病病地，我都病病地，

但都約好了，一齊食嘢，在熊公司食，都係去小金井。

拉麵好抵食，40-50蚊一個，起碼冇味千咁味精先啦，所以我哋通常會叫一個拉

點了幾款壽司，

三文魚，overall 都ok，10點後好多嘢特價，不過我同熊都冇可能食到十點後特價嗰輪，因為我唔可能咁晏先食，咁晏先返屋企。

 鰻魚，佢個鰻魚好好食，個汁係正常鰻魚汁，千祈唔好食穴子，穴子個醬好怪，浪費了件鰻魚。

 煙三文魚都好食。

 仲有加州卷，加州卷雖然係平平地嘅材料組成，但我哋都幾鍾意食加州卷架。

20120318 - ╭❤╯╰❤╮大浪西灣

3月18日星期日
今次同熊行去大浪西灣。
熊揸車去西貢大網仔停車場
先在附近有利是多食個西炒飯先。

 食飽飽就出發了。
三月中，滿山都是花。

 都要行好耐架，天氣好好，直情係幾曬，又開始熱。
好彩沿途風景不俗。

 見到山山水水，呼吸新鮮空氣，冇哂煩惱。

 陽光普照，加上是春天，樹葉都顯得特別綠。

 好曬，而且路程頗長，其中不乏上斜落斜的路段，行死人了

 個太陽好猛，即刻好熱。

 一路行，一路嘈，一路喊辛苦，一路捱住。

 終於到了，眼前的景色令我有點難以置信，
好靚好靚，水清沙幼，個海靚到，呢個海灘比外國的更靚。

 嘆碗豆花先。
熊直情想跳落去游水。

 唔止我哋，都有唔少人識嚟。
夏天好多船河會嚟呢度。
不過船河對我就no way 了。

 靚就好靚，但如果用腳行入嚟，要花好多時間呢。

 返出去到4,5點。

之後返了熊家吃少少嘢。
洋蔥炒豬肉。

 麵，其實係食啲剩咗嘅嘢。
少少地食埋佢啦。