✿開心復活節✿

今日係復活節最後一日假期，事實上我只有三日假期，我今日要返工＠＃＊％＾＆
不過呢個復活節過得開心，因為又喪買，喪玩，亦做咗好多正經事～
第一晚通宵幫free-rider執format，好似４點鐘瞓，第二日三月二十一日星期五去喪買，之後食餐好嘅

當晚番去繼續做group assignment ，幫team member　check figures，又搞到3點幾4點，第二日就去咗朋友屋企打牌，原本約四點架，不過一日都係我唔好搞到好遲，四點半先蒲頭
同朋友吹咗一陣水之後就開始，逢賭必輸嘅我竟然嬴咗十蚊，不過代價係花咗六七個鐘頭，腰酸背痛再加打的返家～
六七個鐘只打到八圈，真係慢到好詭異，因為有個朋友係一個站長，同埋雖然係流水莊，但最尾果鋪係唔可以摸和，點知最尾一鋪打咗七鋪先過到莊，兩點九至走，賺咗十幾蚊．．．
記得考A-level前後，有一班麻雀腳超級快，快到好似forward play咁快，個半鐘打四圈，成日喪打牌，不過當時好乖唔打通宵牌，到咗啱啱出嚟做嘢果兩年，又有班麻雀脚成日喪打，不過十一點鐘先吹雞，打到第二朝，雖然好似成日打牌，不過我啲麻雀腳有個共通點，係賭得超細，因為我唔鍾意賭，連六合彩都唔會買，如果打牌輸二三百蚊我會好肉痛，寧願買件衫著吓好過，所以我基本上係唔會同其他人打牌，只會同好熟嘅人打，今次呢班係A-level啲同學，一路打牌一路吹水，所以好有當年A-level嘅感覺～當然最重要係多謝屋主俾我哋打擾佢呢～

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

喪打完牌之後話咁快就三月二十三日星期日，要做功課，同埋喺某件事上踏出咗重要一步，夜晚十二點睇Chelsea VS Arsenal，好緊張呀，今場Chelsea打得好好，點知俾Arsenal入波先～

不過Chelsea主場點會輸，最多只係和，所以照睇，結果反勝2:1，真係Happy Easter，Arsenal就慘五場失十一分～今場Chelsea可以話係打出今季代表作！

今日要返工，好討厭，我希望不久將來可以離開呢間公司，唔駛再假期返工！

✿✿香港花卉展(updated)✿✿

尋日做功課做到成三點，所以出咗篇冇字嘅卜，宜家補番啲字先～
三月十五日星期六，唔駛番工，平日放假三點不露嘅我，好早就去到花展，其實都十二點八先去到，不過對我嚟講已經好早架喇～
今年係第三年去花展，上年落好大雨，今年就好好太陽，曬到死呀～今年主題係太陽花，不過其他花都一樣好靚，當然仲有最受歡迎嘅鬱金香啦～不過今年啲花唔知係咪太熱，好早已經開到殘，好多人好專業咁拿支長鏡影相，最少都單鏡反光機啦～我呢，咪又係傻瓜機囉～

以下呢隻叫朱龍草（唔知係咪咁寫）

最開心係見到啲藍藍紫紫嘅花，因為我鍾意紫藍色～
以下係風信子～

最特別係見到好多仙人掌，好靚呢～

有啲布置好日本feel～

太陽花有好多色

不過我最鍾意紫色，因為好少見而且我係鍾意紫色架～

同場加映，殘花敗柳－－－玫瑰～

仲有蘭花

(◍•ᴗ•◍)暴飲暴食

星期五下晝同vyvy去咗迪迪尼，行吓，
午餐去食扒王之王，我唔食牛，所以已經少好多選擇，再加上我又唔肯定啲魚會唔會腥，又唔敢食沙律，因為怕咳，所以成個餐牌有二三十個餐，最終揀咗最普通的黑椒雞扒，

晚餐唔等睇煙花就走，去咗荃灣間 Italian Tomato食，平日去開朗豪坊嗰間，係全自助形式，不過之前食過荃灣呢間只係俾錢先自助，但又唔駛加一，所以八十蚊左右就有飲品，湯，意粉同蛋糕～

明太子意粉～好好食

雖然食埋蛋糕，不過又唔係十分飽咋，可能因為近日生大食積啦，好多時晚飯之後食糖水，好好彩又冇肥到噃～ 

•●❤估吓去咗邊❤●•

首先感謝各卜友的鼓勵，我相信自己會繼續完成課程，只不過有時唔開心，同埋有啲事要處理，所以比較煩，你哋嘅鼓勵同關心我是知道的，Thx and love u all

近日寫的卜比較多負面情緒，應該話全都是負面的，沒有正能量，所以今日出一篇卜比較輕鬆，等自己情緒唔好咁負面．．．

以下嘅物品，你哋估吓我喺邊度影？

估中無獎～