20130730 - ☹跑到大脾痛☹

七月三十日 星期二

原本熊要夾band，但之後改了所以可以跑步，好彩改今日，因為之後落大雨，唔駛跑。

兩個星期冇跑，差咗呀，可能因為熱身唔夠，怕俾蚊咬，唔敢停留太耐熱身，熱身揸流灘，所以大脾痛。

再加上熊一開始跑得好快，所以到跑到二千米時已好辛苦，我慢落嚟用番自己合適速度，但照跑到尾，最後一千米好辛苦，係捱番嚟。

回程時行大約四百米再跑，一跑就大脾痛。唯有好慢咁跑，最後都捱到尾，跑足五千五米，差不多有十六個圈啦。咁熱天時可以跑番同冬天跑的距離差不多，仲要快咗好多，九點半左右就回到家啦。真係進步咗唔少呢，

不過之後兩日大脾超痛，因為今次谷得太行。

 

20130729 - ♠♤Pizza Express♤♠

七月廿九日 星期一

同幾個同事補食生日飯，好開心呢。其中有個舊同事仲有兩個星期就生，原本怕佢辛苦，不過佢開始放產假，所以可以join，佢老公怕佢辛苦，同佢一齊食。

 

去Pizza Express食，我最喜歡的海港城分店，有靚靚海景。由於今次一行六人，連埋bb仔有七個人，所以可以點好多野食，檸茶38元，但可以無限refill。

 點了焗麵包球，同埋焗磨菇。焗麵包球ok，細細個。但焗磨菇好重芝士味，係好so果隻，頂唔順呀。

 

仲有沙律，係廚師沙律，咩都有啲，啲菜好新鮮，又有麵包，好飽。唔錯。

 另外點了兩個pizza。一個係Parma ham，另一個係辣肉腸，兩個都係薄薄脆脆，好食。其中Parma ham pizza 有好多Parma ham，好足料。

 再點了兩個pasta都唔錯有個係煙肉，似carbonara 。

另一個係長通粉。

 

 pizza express質素唔錯，引到熊口水流呢。希望呢位準媽媽生b順利。

20130728 - ☼☼下白泥☼☼

七月二十八日星期日

又各自各瞓到皇朝百晏啦。

熊話去白泥睇日落呢，上次去白泥已經係五年前嘅時，當時仲用細機，連G9都未買，當日天陰，咩都影唔到。

 今日天氣都麻麻，有時陰時雨，但都幾高能見到。去到只係四點幾，但只係食左早餐，所以左白泥影日落個位探路之後就搵野食。去咗中白泥其中一個魚塘食野，其實只是食公仔麵，呢頭好多魚塘，俾一家大細假日釣魚，地方都幾靚。

 食飽飽就入白泥睇日落，好多人，未日落，要等，天好藍，可惜有舊大烏雲嚟緊，太陽未落山已被黑雲遮哂啦。最後只有耶穌光。影多陣都唔敢逗留。因為直情落大雨，好彩早一步上車。如果唔係落湯雞啦。

六點幾都走人，原本想睇戲又怕夜，最後只係買咗少少嘢食就算。

20130727 -♪♬♩♫ Spaghetti 360♪♬♩♫

七月二十七日星期六

原本約好去探舅父，但佢好似唔多肯俾我哋咁多人探佢。咁唯有同媽咪行街算🐦。

原本約了熊晏來，所以熊來到晏🐦，同熊食tea,想去spaghetti 360。因為又有甜品又有意粉又平平地。 

我地點了意粉加酥皮湯，意粉話係吞拿魚日式芥辣長通粉，以為會有好勁wasabi 味啦，好彩又唔係，直情食唔到wasabi味。-_-#

 另外再點了個set食雜果玉桂蘋果批配雪糕。個賣相同餐牌爭好遠呀，不過好彩個味道都唔錯。呢間tea set 一般56十蚊，都叫抵食。

 之後同熊行吉之島超市，買啲野返去煮嚟食。見到啲魚扒49蚊，再加啲鰻魚汁嚟煎。煎到魚皮脆脆地都好好食，不過應該唔係鱈魚。另外加個絲瓜，清清地又一餐。

20130726 - <(￣︶￣)>Insomnia

7月26日星期五。

放工乃低熊同幾個女仔同事一行五人去老蘭happy hour。
去了insomnia食嘢飲嘢。
可能因為星期五好多人。
我因為之前風疹，所以唔敢飲酒，個杯只有一啖酒。

 

 有同事食過呢度的lunch覺得唔錯，於是可以嚟食埋嘢。

我去bar最喜歡食nachos~
至愛的食物。
都幾好食，事實上都冇咩難度。

 carbonara，係通粉嚟架，估唔到又ok好食喎，個芝士味的幾適中。由於我唔食牛肉，佢地會叫carbonara穩陣啲。

 potato skin 都係一般一去bar 會食嘅小食，都唔錯。

 本來係叫burger，但我唔食牛，結果叫了三文治，冇咩問題，但覺得啲材料太普通。

啲嘢食算係咁，又傾吓計，都幾好。

九點開始有live band ，不過好嘈好嘈。
之外去tst間bulldog有live band 好好多，因為呢間個樓底好低，好鬼嘈，完全聽唔到人講嘢。

20130724 - o(︶︿︶)o嚐味

7月24日星期三。
星期一早上開始出風疹，
星期一晚食飯時又出，
第二朝又痕醒，冇番工了，
應該都係食錯嘢，估計係自己掘蜆出事，可能係自己問題呢。
嗚嗚，好怕以後都冇得掘蜆。

食皮膚藥好辛苦，熊唔想我太攰所以就去沙田食嘢。
連城廣場都幾多選擇又唔貴。
沙田搵食艱難。好多要等位，可能因為暑假好多人。
eruo gogo係平日首選，不過當日大雨，戶外冇得坐，好少位，要等好耐。
想食冬蔭公公又要等十幾張枱。
難得有間唔駛等都好，叫嚐味，出面睇好似食雞為主，
有台式又有海南雞等星馬菜。

最後點了兩個飯。
海南雞飯一般。都幾多雞，
油飯唔似油飯，好乾同埋冇油味。
冇三碟醬呢。

另外有豬軟骨肉燥飯，幾好食喎，豬軟骨好ok，好好味，肉燥都好多。

台式飯反而幾好食。

 

 

一食完係咁收你啲嘢，想趕人走，o(︶︿︶)o　

唔算好貴的一餐，

飯大大碗好夠飽。

都可以啦。

20130722 - •●❤Cafe Gray Deluxe❤●•

7月22日星期一

特登去CWB 同PP行一陣都係因為夜晚要同熊去食飯。
早於兩個星期前訂位，要有window sit~
因為呢間係賣景的餐廳，
在太古廣場奕居49樓，可以睇到維港景色。
要在pp upper house上，都搵咗一陣路至上到。

食物唔係太多選擇，
唔係話單一食西班牙/法國/意大利菜，主要係個廚師煮乜食乜。
最後點了兩個唔同嘅dinner set。

Bread with Fennel Seeds and a Yoghurt Dip。
麵包唔錯，熱熱同暖暖。
一般麵包點醋同油，呢個有點唔同，知道麵包可以多個食法，

 

 點了一杯白酒。

 頭盤之一沙甸魚，冇影menu，所以講唔出個名，紅色的是西瓜肉，當然都有蕃茄。
由於個魚皮係煎炸過，所以脆同唔腥。

 頭盤之二，拚盤，有cool cut也有鵝肝，昂貴之食材。

 第二道菜之一Lavender lobster ，只有尾部，有lavender 味，都幾食，可惜好少肉，配少少薯蓉喺底。。

 第二道菜之二，魚配上中式汁，好好食，應該是fushion菜，個魚好香，啲配料是中式的，不過個汁唔係太中式，有少少似日式，

 第三道菜之一。豬，好似啄過的肉餅，再煎香佢。
冇咗豬的鞋口。

第三道菜之二，係雞，成塊板上，

 配米意大利粉，其實係意大利粉，不過做成米的粒粒形狀。

 食到尾先入黑。

甜品之一。
凍湯....士多啤梨凍湯，hmmmm唔識欣賞，冇問題，只是我哋唔係好喜歡凍湯。

 士多啤梨栗子蓉pastry，
吉士變成栗子蓉，好彩熊都肯食，
pastry好鬆化，ok

 最後會送上。兩款朱古力及Pate Feuilletee pastry 朱古力是dark/ milk，但真係好飽，叫佢打包好了，唔好浪費，之後佢仲包多一份俾我哋呢。
幾好食架。
pastry好鬆，不過好甜。

 我哋原來訂位是七點，但冇嘢好行，於是六點半就上去，所以好開心可以影埋黃昏景，

 雖然之前好大雨冇咩太陽，但睇住個天入黑係賞心悅目的。

 到八點時仲可以睇到幻彩詠香江。