20130710 - ✿｡◕‿◕｡✿CWB wf 細i

7月10 日星期三

同細i超過一年冇見，

因為我自己太懶，佢又要湊仔，我又掛住拍拖真係冇咩時間見面。

前陣子去完日本終於同佢約到今日見面。

因為佢轉咗新工去咗數碼港度做，雖然佢住市區好方便，但去數碼港都好遠。

但放工去cwb食飯都ok。

約咗佢去apple green~

食清清地，點了個沙律，青瓜蟹肉沙律，只是半份，青瓜好清新，但蟹肉太少了。

 宜家唔講要件cake就唔上cake，我地喜歡食cake，當要點了啦。

 另外點了肉丸意粉，冇問清楚豬定牛，點知原來係牛，我哋兩個都唔駛食啦。
只食意粉同個包。

八點半要交枱，雖然到八點半都冇人催我哋，不過都係走人。

之後想食甜品，search了希慎smile yogurt，都好，因為上次去九龍城只食過咖啡杯，係好好味，對呢間好有好感。

今次決定要試埋yogurt~出面係有位坐嘅，可惜當日忽然間一場大雨，唔出戶外，只可以企喺度食。

仲有Earl Grey cake，好似37元，唔算太貴，因為好大件。

面有一小舊moussee，濃郁的茶味真係冇試過，再食cake 的部分就好失望，因為茶味唔太濃，

蛋糕唔夠茶味，可幸cream都幾夠味，可以啦。

yogurt點了荔枝芒果，叫wild summer，顏色唔錯又多水果。

個面好多荔枝，有一片乾果，好似係蘋果脆片。一邊食一邊有驚喜，有熱情果芒果脆棒棒。
紅桑梅汁加鮮芒果肉再配乳酪，好夾。
有芒果碎冰另到好有唔同口感。
唯一有樣麻麻地係有啲脆脆似係餅乾碎，好普通的味道。
但其他都好好味呢，絕對值得一試。

當日食飯最大驚喜係細i訂咗隻鴨俾我，就係之前海港城隻DUCK~
正版嚟架，超得意呢。

一拎番屋企媽咪好鍾意就據為己有。

 同間條熊合照。 (^3^)