20130703 - ✿｡◕‿◕｡✿泰式食

7月3日星期三。

好開心vyvy同埋chanc9一早約定生日飯，早半個月已約好，好有心呀。
因為就我在cwb方便少少。
問我想食咩，同熊一起之後，好鍾意食泰菜，上年生日同今年生日都係同vyvy & chanc9一齊食泰菜喎。
chanc9話訂位時，間間都要8:30交枱，好彩呢間唔駛，就試吓啦。
一入門口有架篤篤做裝飾，幾得意呢。

當日點了椰菜苗，泰國菜好興椰菜苗，好好食。

 每人點一杯飲品，我點三色冰，chanc9點珍多冰，vyvy點芒果冰，都幾好。唔錯。

軟殼蟹青木瓜絲沙律。好鬼辣。但冇幾可有軟殼蟹呢。

vyvy都覺得辣，我覺得幾辣，但仲可以接受。看來俾熊訓練到越食越辣啦。

 咖哩荔枝大蝦，隻蝦好大隻，得三隻，每人一隻，個咖哩好好食，唔太辣，但幾香，荔枝釀咗落隻蝦到。

下面有啲芋頭，都幾好食。特別。

串燒，兩雞兩豬，個汁可以，但啲肉唔得，太大串，雞肉都仲可以都係偏大串，但豬肉就唔得，好大，成塊豬扒咁，點食呀。

最慘又唔腍，no good~

仲有燒魷魚筒，好大隻，好大串，本身冇咩味，靠點個汁。

最後仲食埋甜品。

8件咁多，食唔哂啦。味道一般，椰汁味太濃，不過有樣好，係熱熱地咁上。好過凍食。

七點去到，邊食邊傾，傾到九點幾就走人了。