20120427 - •●✿小南國✿●•

4月27日星期五。
爸爸因公幹唔返屋企，媽媽冇人陪悶悶，所以一早約定熊同媽媽食餐飯。
怕媽媽唔想周圍去，去得遠，於是近近地去沙田小南國。

點啲平日媽媽少食的，等媽媽試吓。
點了四喜烤麩，好好味呢，可惜分量比較少。

 仲有紹興花雕醉雞(罕有地失守影到鬆郁濛)  :p

 担担麵。

 紅燒肉，平日我地少食好多肉，反而出去食飯就食多啲肉，呢個好食，肉好腍，而且啲皮都好正，自己整好難整得咁入味。
不過份量其實好少，唔好睇佢食個盅，其實上面只有個淺淺的碟裝幾舊肉咋。

 蟹粉鍋貼，一咬就有汁走出來，鍋貼底脆。反起個底上碟幾得意。

 鴨，好好食，好脆好香，又食肉呢，食到捧住個肚了。

 最後點多個酒釀小丸子，媽媽未食過呢，都幾好食。
食埋甜品就大家滿足了。

不過貴貴呢。
要熊請，我好肉痛。

20120425 - ♪♬♩♫cooking mama 360♪♬♩♫

4月25日星期三

同熊去沙田食嘢，行街。
連城廣場啲嘢好似平少少。例如euro go go ，唔算太多人，而且平平，
所以去試吓其他食店。
cooking ma ma 360 主打係日韓的可鍋飯。
食日本嘢，叫了鰻魚蟹肉飯。
味道好普通，蟹肉唔係啲咩靚貨色，醬汁普通。


 份量偏少，但價錢又唔平。
似蟹柳多啲。

 仲食了咖哩豬扒飯。份量好少。

 冇咩驚喜，唔係啲咩好好食，亦唔難食，不過最大問題係價錢，佢只係food court貨色，即是應該30-40蚊左右。但一個set 60-70蚊就真係完全唔值。

所以冇下次lu。

20120422 - •●❀hea hea 星期天❀●•

4月22日星期日

同熊在熊家附近HEA HEA，春天開始同圍好多靚花。
其中呢棵好靚。

 在熊屋企附近，揸車成日經過，吼咗一排，好似越開越靚，熊見我咁喜歡於是就落車影吓。
一排幾棵。
淺黃色花仔。佢靚在開滿成棵樹，好密的花仔。個幾星期後經過，啲花仔冇哂，

 可惜我唔知係咩花，其實香港四圍都見呢隻花，不過花期短暫，

往年留意到，但冇影過。
鍾意影相之後多左留意身邊事物，更加珍惜周遭一切。

 之後去海趣坊稻香飲茶，趁天氣未係好熱，我地坐出戶外，冇咩人肯坐戶外，所以我地可以唔駛搭枱。

食吓嘢。

 腸粉唔錯。

 兩種餃。

 紅油抄手，唔辣的，啱我食。

 節瓜脯，少瑤柱仲好食。

 燒賣好食。

20120421 - ☼☼黃金海岸TEA☼☼

4月21日星期六。
要返工，攰攰，熊見我星六都要返工，知我攰攰，而且天氣都開始熱了。
所以最好都是HEA HEA。
熊揸車接我到黃金海岸食TEA。
TEA SET兩層架，百幾蚊一個TEA，環境就一流。
因有露天位坐，但食物就一般。

 有鹹點同甜點，但不要太大期望。

 飲品，尤其咖啡唔多得，
我哋SHARE 一個SET唔夠，叫到個三文魚卷，呢個則OK。
戶外，呢啲天時可以HEA HEA又一個下午。

 之後返熊家，熊住飯食。
蕃茄薯仔湯，

 蒜蓉蒸絲瓜，
好鮮甜。

 煎魚，用欖角蒸，屋企唔會點食欖角，覺得好特別呢。

 仲有帶子，

 好新鮮好大隻，但係因為太大隻，所以好難預蒸的時間，好易過熟，但好惹味。

 兩口子，三餸一湯，好好味。

20120420 - ♤♠Pizza Q♠♤

4月20日星期五
好大雨，熊揸車過來接我去CYBERPORT睇戲。
Cyberport，我之前真係一次都未去過，住在鬼地方的人點會去港島南？
第一次接觸是幾年前去伯大尼影相，知道望到Cyberport。
真正第一次去就係同熊拍拖去街第一天，中午去完赤柱。晚上去西環食飯，之後再去數碼港，
當日天氣好凍，得11,2度，我哋唔係去睇戲，而係坐係公園的長凳食風，靜靜聽熊講他的事，他的點點滴滴。
我相信，這個片段我永遠都記得。

今天再去數碼港係去睇戲。
睇戲之後就食嘢，
去了西環的pizza q，熊的朋友住附近介紹的。
一間得十多個座位的小店，做外賣為主的。

 食了芝士條。

 同埋pizza。
整得好好食。
pizza 好多料，又夠薄，唔錯。

20120418 - ♪♬♩♫ 隱家ラーメン工場♪♬♩♫

4月18日星期三
之前兩次特登到西九龍中心想試隱家拉麵工場都食唔到，
一次唔知訂星期一去到，原來星期一唔開的。
上次再去的時候裝修一個月，又冇得食。
但熊的朋友話呢間最好食。
所以係都要嚟試。
七點前到，等了兩個字左右就有。
裝修簡單，桌子和椅子也是用汽水籃盤疊成。

三款湯底，黑白赤，

 沾麵是麵和湯分開上的，沾麵的湯底會比一般拉麵濃，但湯不是給你飲用的，而是點麵吃。

 熊選了赤湯底加FIREBALL，原來赤不是辣，是蕃茄。

 蛋OK。

但麵唔OK，以為沾麵的麵質會好好食，因為分開上，麵條應該好重要。
但我覺得唔得囉，因為一PAT PAT，NO GOOD。

 黑，好濃味。
但都係同一個問題，麵質唔得。

 88, 98 一個麵，絕對唔值，唔明啲人點解講到咁好食。
唔會再食。

 之後我哋去食糖水，

至愛的白果腐竹糖水。

同埋糖不甩。

20120416 - ╭❤╯╰❤╮博洛尼亞

4月16 日星期一

放工同熊去沙田睇戲，睇春嬌與志明，一早放工趕去睇。
我覺得今次冇上次咁好笑，但多了深入的愛情描寫。
粗口就一樣咁勁架啦。
睇完戲都晏晏地，但好多地方都要等位，之前食過海南少爺麻麻地。
不如同熊食博洛尼亞，
因為塊麵包好好食，
不過份量偏少，都7,80元一個SET，真係好貴吓。
有明太子意粉。

 之前只有中環一家時，好似好食啲，依家尖咀又有，沙田又有，好似冇咁好食。
可能因為普遍咗，覺得普通，沒甚驚喜。

20120415 - ╭❤╯╰❤╮paella

4月15日星期日

同熊去屯門hea hea，因為想睇吓書，揾本去英國旅行的書，同埋可以同熊睇吓衫，買吓嘢食等。
我哋去麥當當hea hea。
mc cafe 有位，有綠茶荳奶，於是試試，綠茶味都夠，但唔及starbucks 咁正。

 oreo cheese cake，本身唔食oreo架，不過呢個cheese cake幾好食，唔會好漏，啲cream cheese 同oreo出奇地夾。

 之後我哋去買吓餸，因為熊整paella，paella 制作中。

 整好了，好多料的，海鮮同香料都貴貴，仲有無限愛心。