(◍•ᴗ•◍)2012首爾(1)- 出乎意外之雪景

2012年4月3日星期二
同家人一行六人去韓國首爾，由於有爸媽也有姪仔，所以方便啲都係跟團好。
呢次亦都係我同熊拍拖之後第一次要同熊分開幾日，跟熊一起百多日未試過要分開咁耐，當晚熊送我們去機場。
真係好唔捨得呢。
仲漏低個電話在熊的車上。熊返轉頭俾返我時我已經開始係咁喊。

凌晨機。

 坐A380呢。

 啲飛機餐幾好食。估佢唔到。

 希望可以在飛機瞓吓，於是拎杯酒，好難飲，冇飲幾多啖就放棄了。
在飛機偷偷地喊呢。

 落機係冇早餐，好早到機場，買少少食物就上車，第一站係去雪嶽山，在首爾機場都好大雨啦，之後上山途中越來越凍，因為係大風雪呢。

呢個係中途站，落車去洗手間時被眼前風雪嚇親，大風大雪，好似拍緊災難片咁，我好少去落雪的地方，第一次見到落咁大雪。

 所有嘢都變成白色，如果熊都喺度就好了。 嗚嗚。

 再坐車多成大半個鐘去到雪嶽山的公園，大雪到唔識形容，我地出發前冇諗過有咁大雪，而當地領隊 (香港人)都話四月份好少再咁大雪同咁凍。
其實呢個雪景係冇諗過可以在四月份睇到架，要睇都係睇櫻花啦，宜家睇到雪景都算係呢團嘅BONUS~
不過大家都帶唔夠衫，最慘係對腳唔夠暖，波鞋入哂水，又凍到結冰，人生第次見咁大雪，竟然因為準備不足而戰敗了。
唔想再行入個公園，因為凍到腳都彊硬了。
呢幅雪景得來不易。

 入咗去INFORMATION到坐，因為有暖氣。吸印仔。
隻熊係公園入口個ICON嚟架。又好MISS 熊了。嗚。