ヾ(◍'౪`◍)ﾉﾞ 寧波同鄉會

十一月份有幾個同事生日，所以又有team gathering。

十一月四日星期五。
今次去久違了的寧波同鄉會，因為要行會員制，唔係會員冇得食架。
自從某同事走咗之後冇人有會藉，於是冇食好耐。
最近有同事入會，於是可以再嚟食。

同事們至愛高爆膽固醇的黃金蝦，
蝦好大隻，而且好多蛋黃，超好食，但超唔健康。

鍋貼巧新鮮。

松子魚。好大條。都幾香口。

小籠包好大個，可惜皮不是十分薄，起碼唔吸翡翠拉麵小籠包/金滿庭咁皮薄，好彩肉汁都夠多。

家鄉餅，呢個似蔥油餅，個餅幾厚，好香口幾好食，不過係飽肚咗啲。

仲叫咗賽螃蟹，菜等，overall都幾夠水準，有機會會再嚟食。

<(￣︶￣)>十一月份靚甲

繼續post 啲舊嘢，

追番哂啲blog 先。

去旅行期間整起咗一隻指甲，又唔敢搞佢。
最後一直貼住塊膠布返香港，唔好再起，因為扯住啲甲同肉好鬼痛。

返到香港星期五先整，因為Booking 好full，想早啲整都唔得。
呢個非常簡單，兩個鐘就搞掂，
開始入秋冬，揀啲深色少少，要襯啲深色衫啦。

本來有個千鳥格pattern超型同超吸引。
不過因為要三個鐘先整好，都係唔好啦，因為去完旅行都仲好攰呀。

╭。☆2011印度 (6) - 亞格拉☆。╮

昨晚停電，

一瞓醒天氣一樣好凍，不過又好少少，可能習慣咗，我呢個懶鬼都可以一早起身影日出，(其實唔係好早，七點幾)

幾舒服嘅，雖然一邊影一邊流鼻涕中。 

一早又要坐內陸機去番新德里，再由新德里坐六小時車往亞格拉，去旅行坐長途車係司空見慣，不過要Skip一餐就好少見，一早講明在船屋係食早+午餐，8點幾食，點都只能叫做早餐。

 一早流流又食飯又食菜。

仲有早餐本應有嘅蛋，即是話冇呃你架，真係俾足早餐同午餐你架，你食唔食到咁多係你自己嘅事。 -__-

執好行李上四軀車，要同船屋講886。

個security check嚴到爆，無端端俾人翻箱倒x係咁搜，俾佢收哂啲膠布。 $%#@，我隻指甲斷咗要用膠布纏住你先嚟收，@#$%

上到飛機有個好好味的包，似上次嗰個仲要辣辣地，好食，再加上有雪山做甜品，一小時好快過。

之後就坐車，其中去到啲休息站有紀念品買.....影咗當買咗，

爆辛苦先去到酒店，已經係九點幾了，食晚飯。

buffet嚟嘅，不過冇咩啱我食。

 

今日其實係冇行程架。入嚟睇咗篇blog應該有被騙的感覺鳥。

╭。☆2011印度 (5) - 蒙兀兒花園+水上的士☆。╮

喀什米爾位於印度較北位置，因此氣侯比較清涼，自古以來便成為印度王宮貴族的避暑勝地。早在蒙兀兒王朝時期，就有君王紛紛在此建立皇宮花園，是當年皇族散心避暑的好去處，到現在則演變成觀光客必到的旅遊景點。

Mughul Garden蒙兀兒花園建於1633年，花園中央為水道和噴泉，兩旁則是對稱式的花圃綠地，以及一大片由蒙兀爾王朝植栽至今的迦納樹 (Chinar)，迦納樹是喀什米爾隨處可見的省樹。

老老實實個花園都好流吓，香港啲市鎮公園可能比佢仲靚啲，
所以就影吓人。

 

 尤其是係小朋友，仲吸引啲。

喺個花園暴曬了一個鐘，返船屋之後就坐水上的士，「西卡拉」遊達爾湖Dal Lake，天氣很好，顯得湖水清徹環境美麗，襯托著周邊的小房屋及船屋，又有像在瑞士遊湖的感覺，

傳統的西卡拉是一種長扁造型的傳統木船，由一人坐在船頭，以單隻的心形木槳划船，多是船屋居民出入和用作買賣載物，後來將西卡拉加蓋蓬頂和鋪上坐墊，並以黃色為主色，塗上彩色圖案，成為接載遊客觀光的水上的士，船夫雖改在船尾划船，但仍保留著心形船槳的特式。 

可惜我哋開船不久就不停被水上小販包圍我哋架船，左一個加一個，想靜靜地影吓相都唔得。好煩，佢哋會賣啲盒仔，鏡仔，飾物/木製的擺設等，如果唔宜家買都冇相干，因為每晚食完晚飯之後佢哋都會上船個大廳放低啲貨物睇吓大家有冇興趣買。

達爾湖 成長方形，是喀什米爾最美麗的湖泊，船屋整齊排列，浮萍滿佈，水天一色，蓮花和渮花互相競艷。民居庭園和菜莆，掩映在低垂柳樹間，清晨和黃昏是達爾湖最迷人的時刻， 太陽將金光灑落在湖面上，隨著山巒的倒影， 微風蕩漾， 加上西卡拉遊動著的影子，構成一幅絕美的圖畫。

坐吓坐吓差不多日落，之後快快手手返房沖涼同食飯，今晚我冇洗頭啦。
夜晚啲船家上船賣嘢，我都乘機揀咗啲手信俾朋友，喀什米爾嘅貨品比較平，而且手工好少少，有買就要趁手。
不過一定要殺價，最好殺到1/3咁上下。

♤♠十月份--松家♠♤

未寫完印度，都出其他blog先，因為要清啲舊相。

旅行前後太忙，又病，但都影咗少少食相。
十月中去過兩次松家食lunch，其中一次係十月十九日，同chanc9去食lunch

呢個係chanc9，不過上錯咗

呢個先係chanC9 order 的。

佢仲order了炸蠔。

牛肉烏冬，佢話啲烏冬好滑，有啲似稻庭烏冬喎。

我呢，就係牛油帶子，都ok。

好想食飯，魚生飯，魚生唔係好靚喎。

炸黑毛豬...名稱而已，咪又係豬一件。

當日chanc9送咗一隻由英國買番嚟嘅小小paddington bear 俾我，真係多謝哂。


另一日係同一個星期五10月21日，同同事食，order了魚生。

豬軟骨烏冬，烏冬係幾滑。

雞軟骨餃子。

冇哂西瓜汁或橙汁都夠胆死，呢杯唔知係咩桃，係佢哋自己調較，超爆甜。

冇哂西瓜汁/橙汁之後冇咁抵食啦。

同埋食多幾餐之後覺得好普通，短期耐都唔會去食住。

唔知邊日陪個fd食咗件starbucks cake，其實我對朱古力興趣唔太大。所以連個名都唔記得，唔太甜，不過我真係唔多喜歡食朱古力，一定唔會翻兜。

有人路過citysuper影咗張相....halloween買個小小南瓜都幾得意。