ヾ(◍'౪`◍)ﾉﾞ 寧波同鄉會

十一月份有幾個同事生日，所以又有team gathering。

十一月四日星期五。
今次去久違了的寧波同鄉會，因為要行會員制，唔係會員冇得食架。
自從某同事走咗之後冇人有會藉，於是冇食好耐。
最近有同事入會，於是可以再嚟食。

同事們至愛高爆膽固醇的黃金蝦，
蝦好大隻，而且好多蛋黃，超好食，但超唔健康。

鍋貼巧新鮮。

松子魚。好大條。都幾香口。

小籠包好大個，可惜皮不是十分薄，起碼唔吸翡翠拉麵小籠包/金滿庭咁皮薄，好彩肉汁都夠多。

家鄉餅，呢個似蔥油餅，個餅幾厚，好香口幾好食，不過係飽肚咗啲。

仲叫咗賽螃蟹，菜等，overall都幾夠水準，有機會會再嚟食。