20171130 - ♠♤容記小炒王♤♠

11月30日星期四

為慶祝同事S的生日，今日去容記小炒王吃吃，聽說很多人，要預早訂座的。

容記小炒王最有名的小菜包括「容哥第一嘴」、「容哥鐵板原條茄子」、「天下第一雞」與「招牌沙拉骨」等，當中最吸引的仍是容哥最享負盛名的「脆皮燒腩仔」。

揚名國際燒肉 ($78)

揚名國際燒肉即是脆皮燒腩，大的賣 $168，細的就只是 $78，不過這細燒腩份量一點不少，足有12 件之多，排得齊齊整整的燒腩仔肥瘦比例均勻，由頂至底層層相間，皮和肉清晰可見，燒肉外皮香脆又鬆化，咬下去卜卜有聲，肉汁澎湃，肉質juicy，肉味甘甜，有豬肉味但無臊味，不肥膩，配上自家製wasabi很創新

 容哥第一嘴 ($68)

容哥第一嘴原來就是椒鹽墨魚咀，第一次食墨魚咀，墨魚咀不大也不少，一口吃下去剛剛好，薄薄的脆漿緊緊包住墨魚咀，外邊的粉醬不會厚，外層炸得非常香脆，沒有過多的油，入面爽口彈牙有嚼勁而不會韌，鹹香的椒鹽輕輕地撒在黃金戰衣上，微辣的調味夠惹味而且有炸蒜香，好有大排檔風味，夠鑊氣。

抵食孖寶($298) 包括上湯焗加拿大龍蝦 (伊麵底)及豉椒炒蟶子王，
上湯焗加拿大龍蝦 (伊麵底)只有不足半隻龍蝦，不過龍蝦頗鮮甜，肉爽滑，由於是上湯焗，一定要新鮮，伊麵吸了上湯及龍蝦味，好好吃。

 豉椒炒蟶子王，

蟶子王長如筷子，肉 質很有彈性，大條蟶子王彈牙有嚼勁而不會韌。

蟶子王很鮮甜。豉椒汁超香，蟶子王炒得很夠鑊氣，紅椒青椒洋蔥等配料都好好食。

 

 容記鐵板原條茄子($86)

用錫紙焗茄子上桌時醬汁還在滾，鐵板上枱熱辣辣，打開包著茄子的錫紙，香味立刻撲鼻而來。茄子軟腍入味，饟入茄子中的蝦滑鮮甜軟彈，咬下時外軟內彈牙，醬汁鹹甜度適中配飯吃一流。

另外點了足料燉湯($148) 大約有六碗分量，今天是霸王花豬骨，味道不錯。

最後一行四人大約吃了800元，有龍蝦有湯非常抵食。

飯後熊人用新車接樹懶回家。

20171129 - ❃ ❃Landmark 聖誕報置❃ ❃

11月29日星期三
今日去萬寧買嘢送油，買完之後都去了Landmark 行了一陣，因為Landmark聖誕報置已ready，年年啲報置都好grand，不是cute 是grand 同埋比較高級，比較西化。
都係中庭位置啦。我繞場360度都影哂。


2017年聖誕，置地廣塲化身成為充滿童真妙趣、超乎現實的理想世界！「聖誕小熊」帶領一群創意無限的小朋友，與您分享他們讓世界變得更美好的奇思妙想。





呢個女仔個樣有啲恐怖

鬱金香呀。



熊仔可愛。

個鐘好外國feel~

整咩呢，

呢part似音樂盒。

呢幾隻熊傷哂啊，有膠布呢。

同場只要捐20元就可以入去裡面參觀同影相，可以close啲影，我冇帶大機，而且熊又不在，冇人同我影呢。如果熊喺度可以一齊影。

捐款係俾Make a Wish 願望成真基金幫助患有重病的兒童實現願望，希望透過『願望成真』的體驗令他們的人生充滿盼望、毅力及歡樂。

from Landmark:
一眾小朋友共聚「Dream Square」，分享他們的聖誕願望和祝福；「Aqua Island」為有需要的地方提供無盡的潔淨水源。「Great Fruit Garden」播下的一顆顆小小種子，孕育出能為全世界帶來溫飽的豐碩果實；聖誕小鹿在「Wishes in the Clouds」之間飛越穿梭，將佳節喜悅傳播到每一角落。「Recycle Depot」為破舊電器雜物賦予新生，創造出機械人朋友Robo；「Homegrown City」則為居民提供遮風擋雨的安身之所。
角色們發揮豐富想像和創意，為共創美好世界開創無限可能。置地廣塲4座地標建築共設10個精緻有趣的場景，當中生動地刻畫了角色們想像中的理想世界。
聖誕節是互相分享及充滿希望的佳節，小朋友創意無限、天馬行空的想法，在置地廣塲一一成真。為與顧客分享節日的真諦，置地廣塲邀請顧客透過位於置地中庭的「Wish for a Better World」聖誕許願裝置，許下讓世界變得更美好的願望。每收到1個願望，置地廣塲便會向本地慈善團體願望成真基金捐出港幣20元，幫助患有重病的兒童實現願望。此外，顧客只需慷慨解囊捐出港幣20元，即可參加於置地中庭的拍照活動並可以獲得「Capture the Wishful Moment」紀念照片一張。

20171126 - ◇◆泡芙+ 栗子撻◆◇

11月26日星期日
星期五開始放下晝，不過間屋未得，其實冇咩好做到，熊人去開新港城，佢去咗Urban Bakery 買了兩隻泡芙，綠茶同上次的咖啡。
綠茶cream都幾好食，好似幾夠綠茶味，不過唔脆，因為焦糖係脆脆，而且咖啡cream 苦苦可以中和返，所以好食啲。

星期五晚湊bb豬覺仔，可以望住佢好乖咗豬覺仔都係一件好幸福的事。

星期六勁執嘢，之後趁有少少好檔，都同bb去市中心行一圈，我同熊人都要鬆一鬆。
bb一見到有啲餐具就當玩具咁玩玩，唔會好百厭，都ok啦。

呢張似自拍照

買少少餸之後就再去當海堂買三件蛋糕晚上執嘢之後食，
我想食好耐的栗子，好多栗子又唔太甜，好味，
另外仲有芒果酥皮，可是芒果比較酸。
仲有一個檸檬撻，一般，唔夠檸檬味，Starbucks 的lemon tart好食好多。

20171129 - ☏ ☎聽電話☎ ☏

11月29日星期三
DAY 422
今日都要寄居在婆婆家，佢話我哋整爛佢把鎖，要賠500。
婆婆成日唔俾BB爬地下，但佢唔爬可以點。唉

今日BB拎住個玩具電話拎得好好。
之前一歲左右開始俾個電話佢玩，佢知道係可以講嘢，不過就唔識得似大人拎住擺耳仔側面，佢只係識得擺埋口邊講嘢咋。
不過冇玩一排，佢又似突然開竅咁，真係估佢唔到。好得意呢。
喂喂喂，搵邊位呀。


BB六點幾先瞓醒，所以夜晚好似唔多想跟我瞓，可能間房唔同咗啦。唉，真係唔係辦法。
我交俾姐姐之後我就去新屋執嘢，執走一袋衫了，同埋有一袋衫會放床底，宜家爭一袋衫咋。

20171121 - ヾ(◍'౪`◍)ﾉﾞ聖誕鬆弛熊@The One

11月 21日星期二
去完teawood食完晚飯之後就去The one 睇聖誕報置，今年係鬆弛熊，
其實我喜歡line friends 多啲，不過怕人多，知道weekday The One唔係太多人，所以同bb行吓都好，唔俾佢落地架，怕又惹病。
地下都有少少報置，bb一見到就手指指了。我就抱住佢扶佢落地，扶住行，佢好開心，手指指，因為好多彩色公仔，我見bb開心，都好開心。



可能bb真係好少出街，所以好興奮，



期間限定店冇咩嘢睇，唔打算買嘢。


去到中庭就好靚啦。

bb最喜歡糖果店的報置。

佢應該唔知係糖，但好多彩色，又一個個樽，好想搞。

由於啲嘢太吸引，佢唔多肯望鏡頭，一準備影相就手指指，周圍望，係唔望鏡頭，唔係好暘到相呀。

不過佢好開心呢。

最後入咗個甜蜜回憶錄咗10秒。bb最後秒先望鏡頭。



佢越來越唔合作，估計佢都想瞓。當時八點四十五分，熊人將佢用孭帶向心口，行到去巴士站等車已瞓著，於是我哋可以坐巴士回家，bb瞓足一個鐘，返到屋企十點鐘醒了食奶奶。再睇陣電視就瞓，
今日bb好乖，好聽話，帶佢出街係辛苦啲，但好開心，今年係bb第二個聖誕節，上年佢只去過沙田咋，今年期待我們仨去多啲地方慶祝聖誕節。

20171121 - •●❀扮工+茶木❀●•

11月21日星期二
表哥又發燒同傷風，唔想佢惹到bb，就叫bb出嚟行吓，希望唔好中招，
daddy負責帶bb出來，坐681，坐到cwb附近先開始唔耐煩，坐到半小時巴士睇風景算係唔錯。
差不多六點到我公司樓下，初初見到我當然開心，入到lift見到有電視仲開心，不過入到辦公室可能比較靜又冇嘢玩就唔多笑，同埋唔係點出聲，放bb喺張椅度都冇咩表情。

你媽咪就係喺度辦公架啦。你就喺度「扮工」啦。haha~
之後有其他同事想抱佢，一過手就開始扁咀同想喊，最後仲樹熊上身攬住唔放。

最後receptionist 姐姐請了朱古力威化俾bb食，bb初初都唔知係咩，最後食過兩啖仲追食呢。

去到尖沙咀加拿芬道teawood，有bb椅，仲有bb餐具，佢當玩具咁玩，又生猛哂。

幾開心。

點了一個set(小菜+30元有飯有蛋糕有嘢飲)，仲加多個流心蛋肉燥飯。
加錢點了花茶，幾香，可以兩口子飲，加咗蜜糖好甜，唔俾bb飲。

單點糖心蛋肉燥飯，好味，喜歡食糖心蛋的我最喜歡，唔係好流心咋，但好滑，都好，唔太生，肉燥份量好多，完全夠撈那麼大的一碗白飯。仲有少少青瓜伴碟。

set的滷味拼盤，配白飯。有腎，豆腐，蛋，牛展，滷肉，雞翼，幾入味幾好食。

蛋糕揀了香橙百香果慕絲蛋糕，有支針筒插於蛋糕上加啲入去，但加咗之後又唔覺有特別味，百香果酸酸甜甜，mousse滑滑，不錯。

埋單196元，個位幾好坐，嘢食都ok，帶住bb的一個幾好選擇，可以再去食。