20171108 - (◍•ᴗ•◍)去IKEA 買櫃

11月8日星期三
今日開始有gingerbread latte，係starbucks Christmas飲品，提醒大家就到聖誕了。好期待今年聖誕節三人行的日子呢，星巴克新飲品會員第一星期係有upgrade的，我都飲吓啦，每年聖誕都會飲一次gingerbread latte，但次次飲完都會覺得飲番latte好，因為latte冇糖好似舒服啲，唔會咁漏，

今日掉低bb 豬，放工去沙田宜家睇櫃，今日要決定好訂個櫃。行咗一陣，大概決定咗啲櫃就去食嘢，星期六日宜家係好多人，好難搵位，估唔到星期三都坐滿人，有個餐38蚊，家庭組合。有腸仔，粟米，四件雞搥，5件薯餅，如果bb喺度就好，可以俾啲粟米俾佢食。薯餅估唔到幾好食脆同鬆軟，又有哈哈笑樣，得意，不過雞搥就唔夠味。

煙三文魚仲大大件好抵食，沙律菜都正常，不過個醬汁好少。

 

blueberry cheese cake藍莓紅莓芝士餅做甜品。屬於比較軟身既硬芝士餅，入面有啲藍莓紅莓醬同埋啲芝士味幾夾。兩個食一百蚊左右算係咁啦。

 

bb喺公公婆婆食完飯好開心，唔掛住我哋。

最後訂了一大一細的櫃，仲買了走廊燈，廚房鐵同埋刀架，仲有好多嘢想買，或者下次搬好先啦。
姐姐又一早同佢飲奶，九點就飲，仲影相俾我哋睇佢自己拎奶樽，其實bb已經自己拎奶樽成兩個星期了。