昨而醫生話要燒多一兩日，咁我有哂心理準備，不過半夜BB出咗一身汗，降到36.3度，經過上次RSV的經驗知道翻燒係正常，但一次比一次低溫就是代表會慢慢停燒，之前一直都未試過去返36.X，所以我估差不多OK了，不過早上六時都仲有38.5度呢，食多次藥之後就冇燒，沖涼時發現BB肚，頸都有紅色小疹子，由於我一早睇過玫瑰疹的資料，覺得有啲似，嫂嫂又專登出街前過來睇睇馮以朗，都覺得佢似係玫瑰疹，
總之退了燒就是啦。 即刻帶BB去公園草地坐吓，上次我哋一家三口坐草地已經是今年一月的事了。當時得三個幾月的BB仲扭眼瞓，破壞哂氣氛，XD
宜家已經係一個識坐的小人兒，識飲識食的小吃貨。
佢可能悶悶地架，不過俾啲書佢搞吓，俾個樽佢玩吓都OK，我今日仲帶咗個大機同佢影咗啲相。
之後同佢去了公園玩盪韆鞦，瀡滑梯，騎馬馬，一見公園啲騎騎就識坐上去UN，喺滑梯附近周圍爬，好驚佢又有病菌。但BB真係玩得好開心。
之後又喺商場扶住架BB車行咗好耐，好開心，回程時竟然喺車上瞓著了。真係冇幾可。
晚上煮了涼瓜，俾兩粒佢食，佢竟然照食。哈哈。
沒有留言:
張貼留言