❤ 地上最強❤

自從爸爸離家後，好耐冇通宵睇波。

冇睇過波，因為冇咩心機。

後來有線好似開唔到，唔知係CUT咗定係到期。

5.28歐聯決賽，以往都是星期三晚的，宜家是星期六。好想睇。

等到兩點九，好夜，要食啲嘢先，灣仔碼頭水餃。

曼聯對巴塞，好吸引。

由於最愛的車路士同皇馬都出局，看決賽就可以用平常心了。

好耐冇睇波都知巴塞好強。

睇完歐聯完全知道咩叫地上最強。

上半場未出全力已控制大局，下半場一出力，曼聯完全招架不住，俾巴賽撳住嚟砌。

根本高咗一班波。

曼聯對皇馬可能冇咁慘。

我近年最愛的David Villa有入波...哈哈。

今次再睇番呢場波亦意味著我的生活已慢慢重拾正軌了。

(〒︿〒)49天@有難以釋懷的感覺

同事係咁推介韓劇「49天」，五月中剛剛播完，播完前的一星期開始看。故事講富家女申智賢(南奎麗飾)在結婚前幾天遇上交通意外，成為了植物人，原本她不應該死去的，只是因為一名自殺者宋伊景(李瑤媛飾)衝出馬路企圖自殺，令到馬路上的秩序大亂，而申智賢就在那時經過事發現場而受牽連，發生車禍昏迷。

由於申智賢未到死期，執行生死名單的Scheduler(鄭日宇又譯丁日宇飾)說只要在49日內找到三個非親屬關係的人真心為申智賢流下純純的眼淚才能醒過來，原本天真開朗的申智賢在這49天的旅程中發現人不是如此單純，要找三的眼淚談何容易。

49天旅程中，申智賢被可排可以借宋伊景的身體活動，籍此找尋那三滴眼淚，只是申智賢絕對不能向任何人表露身份，而申智賢看到宋伊景過著頹廢非人的生活，不禁慢慢寄予同情，跟宋伊景產生了感情，更發現驚人的事.....

49天旅程發現誰人真正愛自己，自己又最愛誰。

編劇是檢察官公主及燦爛的遺產的編劇。故事發展令人不得不追下去，故事是否牽強，在乎本身個人是否相信靈魂之說。如果不喜歡靈魂鬼魂之題材，對本劇大可不看。

故事的開始已經是一個悲劇，原本幸福的人遇上車禍，發現單純愉快的人生並不是如此，每日看到靈堂上的眼淚，除了至親外有多少是真誠的？有人可能是因為感同身受而哭，不是為死者哭，有人因為自身的壓力而哭，不是為死者哭，更甚者有人只是裝哭，可能，真正為自己哭的沒有多少人。開始已經叫人感覺沉重。

幸好當中有Scheduler的生鬼演出，令故事增加不少生氣。

只是到了中後段知道Scheduler的故事更為淒慘，從第十六集開始差不多每集都有不少眼淚。結果不是happy ending，人生並不完美，有人希望可以活下去，有人卻想死，世事往往未能盡如人意。

我們應該要把每天當成最後一天幸福地活著。

 

★☆雜相幾張☆★

旨在清相

5.10 星期二--零食物語獨家發售的十二星座麥兜麥嘜鎖匙扣，揀番自己星座。呵呵

5.17 星期二---tee一件

5月4日星期三-----tea 的滿記香蕉pancake，同事生日請食LUNCH要二佰幾蚊，換來呢件pancake...

5.16 星期日--超好食的皮蛋酥，不要迷你，要大個裝先好食架。有成隻皮蛋架。

5.18 星期二---搵食工具俾我搞成咁，好低能，因為執嘢見到張貼紙，擺咗好耐唔想浪費。

5月20日星期五，一億...全世界買六合彩，我冇買，不是眾人皆醉我獨醒而係懶到出汁，財神想搵上門送錢俾我，我都收唔到。

♣♧繼續試新嘢@Starbucks♧♣

都話鍾意Starbucks，所以又試多兩樣summer食物，

有火雞粟米沙律卷(Turkey corn salad breakfast wrap)同埋荔枝慕司(Lychee light cream mousse)火雞粟米沙律卷係早餐嘅食品，有煙火雞肉，火腿，粟米，青瓜等，幾好食味道幾清新，火雞本身冇咩味，不過加咗啲火腿之後又幾夾，都幾多粟米，不過成廿蚊件的份量好細。官方網頁recommend 凍食，我就唔鍾意食凍冰冰嘅嘢喇。

另外試埋個荔枝慕司，上面一層是果凍，裡面是蛋糕同mousse，mousse幾滑，都食到荔枝味嘅，唔算太甜，荔枝味好清新，不過又未到好令人impressed的感覺。

lunch新嘢之一，沙嗲豬扒包。三十幾四十蚊一個包，圖片的包是切開咗一半，份量唔算太細，豬扒夠大塊，沙嗲醬都幾多，不過唔係平日港式沙嗲醬的味道，有啲似印度沙嗲的味道，個人口味偏愛港式茶餐廳的沙嗲味，但值得一讚是好多蘿蔔絲，生菜同埋青瓜絲等，幾健康，濃味嘅沙嗲醬配清新嘅蔬菜都唔錯。

╭。☆5月份靚甲☆。╮

 

本來又係想整藍/綠色。
但最後都整紅紅地，因為唔想成日都係藍綠。
一心打算整透明底，
呢個畫上去為主，只係整咗1小時45分。
不太喜歡3d花了。因為唔多方便。
突出來的地方除con會整到眼睛的。
所以少啲整突出的花了。

（*－.－）McCafe差差差

一向對McCafe啲咖啡冇咩好感，一味以平取勝，有啲$12-15的咖啡都算抵飲。
如果想飲咖啡，我還是喜歡最愛的星巴克。

不過奈何我住的鬼地方乃是鄉下地方，邊有星巴克？想飲杯咖啡就飲McCafe，點知見到兩杯咖啡真係嚇一跳。

中間pat白色嘢究竟想點？
haha，根據宣傳照片，應該係心型嚟架。呢個心好明顯冇heart，因為落單買嘢時見到個沖咖啡個姐姐塊面黑過包公，個樣西到呢，等緊落單時，成個McCafe只有呢個西樣姐姐，佢沖緊咖啡，見到冇收銀佢唔打算幫手落單，只擺出一副黑面樣。

我之前都上過吓咖啡班都大概知道點拉花，拉個心，應該唔難，佢個心型係最易拉架啦。拉花拉成咁，不如唔好拉啦。

味道....帶燶味(McCafe的咖啡一向如此)

其實呢間麥記差已經唔係第一次，唔知係唔係因為鄉下地方服務一向好差，唔好話McCafe，連一般買個包都肉酸過人，試過有一次買咗個魚柳包，兩塊包同塊魚柳甩皮甩骨，塊芝士飛咗去個盒邊，難聽啲講，個包似跌過落地執番咁囉。大佬我唔係要食山珍海味，見到個咁嘅包真係呆咗兼倒胃，最後真係頂唔順叫佢哋換過個。

McCafe又長期冇人收銀，試過有兩個人去沖杯咖啡都唔落order，要我好大聲咁問:「唔該有冇人落單呀？」先有個經理過嚟咋，收銀態度一般都唔差，好少西西面，不過冇人落單嘅McCafe喺鬼地方間麥記係經常發生，十次裡面有八次係咁，我估如果呢啲事發生在中環呢....呢班人應該好快消失。可惜嘅係，一路鬧一路會去食，因為麥記啲廿幾蚊一個餐喺現今通貨膨脹嘅情況下始終係好吸引

｡◕‿◕｡伯爵紅茶慕思@Starbucks

我係Starbucks Fans，太鍾意飲佢嘅Latte，唔係話好好飲，只係比較穩定，比起其他咖啡連鎖店嚟講算係咁。

好喜歡佢沖出嚟的Latte的奶有種香甜的感覺，喜歡奶的人一定喜歡latte，因為latte的奶予人幸福的感覺。

我唔喜歡甜飲，所以hazelnut, mocha本身有糖漿的實在不是我杯茶。而Starbucks每季都會有新的食品，甜品大約28-32，價錢不算平，但size比起 Agnes b，文華cake就大好多，不過好唔好食就睇你好唔好彩/見仁見智。上次有starberry tart，好一般，亦試過海鹽cheese cake都係普通，

本身對今次試的伯爵紅茶慕思 (Earl Grey Tea Mousse) 沒有甚麼期望，只是因為個個星期都會去starbucks食lunch，又即管試吓，
估唔到好好食，真係有淡淡的紅茶味，面層是慕思，滑，茶味的cake比較少食到。好清新，內面的蛋糕是朱古力夾心蛋糕，都幾夾。

我會再encore。

ヾ(◍'౪`◍)ﾉﾞiPad入手

搵朋友幫我買白色iPad，好靚。
打機好好玩，

之前冇心機玩angry bird。
宜家個畫面大好多先有興趣。

我冇3G，只是wifi only，16G最平的$3,888，
一開始sync哂iphone的apps 去iPad，好方便，
不過有啲APPS冇用，DL過iPad版先有用。
test 過唔駛插card都可以用viber，只要有個mobile number收sms就可以。
所以ipad個viber 裝了媽媽個mobile number，
出trip，去旅行只要有wifi就可以打電話返家。

個個都爭住玩個iPad，幾個人玩都抵啦。

♪♬♩♫ 素海參@金滿庭♪♬♩♫

原本母親節當晚想早啲食晚飯，不過5點半就話冇哂位，媽媽話留番星期二佛誕先食，都好啦。

今次又係去金滿庭，11:45開，1點前結賬免加一，即刻好抵食。11:40已經有唔少人排隊入座。

今次點咗個新菜式，蝦子海參，其實係素海參，係用冬瓜做的，喂幾得意啦，可惜個價錢就唔得意啦，成80蚊食冬瓜，好彩都幾好食，個樣又幾似海參，食賣相食功夫咁啦。

担担麵，

好好味的一口小籠包，一籠八個，皮薄唔易穿，一貫高質素。

高力豆沙香蕉，好多蛋白，好大個，飽飽。

另加4月30日食Pizza hut的香腸長通粉。(旨在清相)

•●❤2011開心母親節❤●•

去完迪迪尼就去荃灣間Pokka食晚餐，是早慶祝母親節。

會員set有日式帶子沙律，好喜歡日式似麻醬的醬汁。仲有溫泉蛋。

提子蘆薈汁。背後係姪仔，今日三代同堂。kakakak

我食的日式會員set。

魚好滑。

三隻雞翼咁多

會員SET要成148/158一個，好費，貴在啲咩？就係有藍山咖啡飲，上次上Coffee seminar老師講過，好的藍山咖啡大部份俾日本仔買哂，喺香港飲的究竟係唔係真係藍山咖啡，佢唔會comment云云，不過今次睇到個menu講明自己係正宗藍山咖啡，應該唔會呃人卦。

我同阿哥一人一杯，仲同佢講點用個Syphon (虹吸壺)沖出嚟呢，個杯好靚。

仲有甜品，綠茶豆腐cheese cake，豆腐味ok但綠茶味欠奉，因為只有啲綠茶汁，幾流。

面頭黃色的是蕃薯。

唔駛錢送的，日式紅豆豆腐花，紅豆太甜。

回家驚喜，不知情的情況下送上靚靚母親節蛋糕一個。

超勁靚，原價198只有一磅，簽SCB有8折，盛惠15X，都OK。

賣相大於味道，士多啤梨面，蛋糕則夾著芒果餡。上面啲花應該唔會食到掛。側面圍住朱古力都幾甜幾漏，唔啱我胃口。

紅酒只是裝飾，最終冇飲過。

星期日朝早晨咁早十點就同媽媽哥哥到樓下飲茶，屋苑有得派花，攞咗好多支。

插哂喺屋企個花瓶，同啲開運竹一齊插。

慶祝母親節由5月7日到5月8日跨日慶祝，算係咁啦。最緊要係母親節快樂啦。