✿｡◕‿◕｡✿2011吃喝玩樂澳門地獄之旅-水舞間+葡國菜

行完一大輪就去等睇水舞間，水舞間係我今次去澳門的主要目的。

沿路走，坐的士去新濠天地嗰邊好了，四個人坐的士好抵。好過周圍走。

三月中下旬買水舞間啲飛，人哋話380已經足夠。我坐第六行，視線剛剛啱水平線。380蚊飛好多是坐第一二行。唔係咁過癮，因為會濕身架。

好多跳水的動作搞到水花四濺之餘，有時啲表演者仲會特登潑吓你，真係好濕架，但如果坐得太後又冇咩feel，點決擇好呢？唔駛決擇啦，因為我哋係經旅行社買飛，其實係冇得揀的，萬一真係坐第一二行會有毛巾嘅。

耗資20億港幣的大型水上匯演「水舞間」，由靈感創作大師佛朗哥．德拉戈（Franco Dragone）親自執導，創作靈感源自中國儒家思想的「七情」之說，以特技、舞蹈等表現方法，配合以水為主題，把東方智慧的意象發揮得淋漓盡致。

380蚊飛比較側。但都睇到。

如果睇380蚊飛嚟講真係好抵睇。個舞台設計好得。

「水舞間」是一個沒有對白的演出，故事主要是靠演員的肢體動作、特技表演、各種效果 (燈光及水) 和背景音樂來表達，比預期好看。 

水上的表演令人嘆為觀止，雖然故事就麻麻地。

未睇過的我都會推介大家睇一次。水花+光的混合，仲有高台跳水，電單車表演，儘管故事性薄弱，但精心編排的舞蹈都值回票價。

個幾兩個鐘頭的表演絕無冷場，Good show 

我哋睇8:00場，睇完差不多10點了，又坐的士番去官也街食葡餐，原本想食小飛象，最後唔知點解去了木偶葡國菜，收十一點，但個廚師趕住收工，要快快趣趣點菜。 

聽聞話應該裝修過，所以坐得好舒服。

地道葡國菜最聞名的是馬介休（葡國人最喜歡的鹽醃鱈魚），這種魚可以焗、烤、燜或者燒，各適其式，尚有的著名葡國食品包括紅豆豬手、牛尾或牛胸和青菜湯。這款青菜湯由馬鈴薯蓉、葡國臘腸、生菜和橄欖油（葡式食品必備配料）合煮，味道富有特色。

馬介休炒菜，好食，唔算好油而且馬介休亦不算太鹹。

麵包外脆內軟。 

乳豬好好食，

葡式焗青口，一打，上面鋪滿了蒜蓉及薯蓉，好食呀。 

葡國雞。

食完時店舖都要打烊了。所以門口招牌都冇著燈。