✿｡◕‿◕｡✿2011吃喝玩樂澳門地獄之旅-聖奧斯定堂

行完大三巴議事堂一帶，已經好熱，熱完一大輪，在噴水池步行一分鐘就見到間出名的粥舖，入去食，白粥好出名，不過因為太熱，真係唔想再食熱嘢。

 本來想試涼粉，不過冇，最後我叫了凍綠荳沙，好多海帶，好好食，唔係好凍，仲好。

 朋友最後都叫碗白粥試吓，都係嘅一場嚟到，都要試試盛記出名的白粥，質感有啲似腐竹糖水同白粥的crossover，唔鹹應該冇咩味精，好怕啲白粥有鹹味。另外有朋友點了豆腐花，不過冇影相，好滑，因為佢係傳統用刀一片一片刮出的豆腐花，宜家好難食到架啦。

食飽飽之後有一個任務要做完先可以去睇嘢，要去祥記買蝦子，祥記是澳門的老字號麵店之一，以蝦子麵聞名，蝦子由老闆親自炒製，質素穩定。同事知道咗我去澳門係咁叫我買蝦子，我唔多好意思推，咁啱朋友都想買，所以半專登去買，MOP80一樽。

祥記喺新馬路福隆新街，福隆新街在澳門半島西南部，由紅窗門街起至白眼塘橫街。長220米。數十年前是澳門名噪一時的花街柳巷，妓院遍佈，燈紅酒綠，夜夜笙歌，通宵達旦。那時附近一帶還有不少酒樓、飯館、餐室、酒店、賭場、"茶話室"(鴉片煙館)是一個嫖、賭、飲、吸俱備的典型紅燈區。近年經過全新裝修，該街花街柳巷的形象已經完全改觀，不過仍然聚集了酒樓飯館各式食肆，成為澳門的著名"食街"之一。街道幾有特色。

 

去完買蝦子之後，開始參觀教堂。

崗頂前地古稱磨盤山，該地段雖然不大，但自然環境清幽典雅，人文宗教景觀薈萃，著名的建築物有聖奧斯定教堂、崗頂劇院、聖若瑟修院、何東圖書館等，加上由碎石鋪成的波浪圖案路面，散發着濃郁的歐陸情調。

 頂崗劇院原稱伯多祿五世劇院，建於1860年，但當時只建成主體部分，至1873年才加建具新古典主義建築特色的正立面。它是中國第一所西式劇院，供戲劇及音樂會演出之用，也是當年葡人社群舉行重要活動的場所。

聖奧斯定堂位於崗頂前地(又名崗頂聖堂)，是由意大利天主教奧斯定教會，於一五八六年來澳門傳教時興建，三年後歸葡人所有，也是澳門首間以英語傳道的教堂。教堂於一八二五年重修，外形莊嚴，內部裝潢寬敞，以大理石建成的祭壇上有一座耶穌背上十字架的雕像。

 有關聖奧斯定堂傳說紛紜，據說當雕像被教堂負責人士取往主教座堂，它會神奇地回到聖奧斯定堂的祭壇上。因此，雕像現時仍安放於原位。相傳這座教堂當初的建設極為簡陋，傳教士用葵葉遮蓋教堂以進行修葺，當葵葉被風吹動時，從遠望由於龍的鬍鬚在搖動，因此教堂別號龍鬚廟。