由於四人一間房是屈蛇，所以只有兩位早餐，有幸朋友讓咗俾我食。
咖啡茶任飲，飲咗幾杯。
唔係好大的餐廳，環境都好唔錯。
好多嘢食，而且質素極佳。
仲有鮮果汁飲，其中有啲乳酪都幾好食，賣相唔錯。
食完早餐去吓酒店的泳池行吓，唔得閒游水都兜個圈影吓相，超勁靚的泳池，可惜只有室外泳池，冇室內。
設計好靚又好新。
不過其實只有1.X米深，不過唔過頭的。
影番酒店個外觀。
見到少少植物又影，好無聊啊。
之後行出去同朋友再食早餐，旅遊書介紹過有間叫南屏雅敘的舊式冰室在大三巴後面，我哋反正要由酒店行出嚟，都可以經過的，所以就去試吓。冰室係兩層，好有懷舊FEEL，上層要埋單時，伙計會大嗌「收XX」，勁。
有咩咁出名？就係個好厚蛋的三文治，根據店員好心提示，叫南屏文治先至係厚蛋三文治，蛋治就唔係厚蛋治嚟架，收到，冰室仲有啲幾特別的食物，鹹麥片，有叉燒麥皮，最衰食飽了，否則一定要食吓。
點了一個早餐有火腿通+火腿奄列，牛油方包，
嘩，乜個火腿奄列咁型呀，火腿同蛋係分開呀，幸好味道都OK。
另外仲叫了一份推介的南屏文治，超勁厚蛋，蛋好滑，好足料，麵包好軟熟，好新鮮。
由於食了早餐，我只象徵式食了四份一件，仲叫做試過啦。
呢度仲有沙翁。
呢啲卷蛋，椰撻，紙包蛋糕，令我諗番起細個時住屋村都食呢類麵包架。
南屏雅敘門口就係咁，好懷舊FEEL。
喺十月初五日街附近，唔好撈亂噚日去過路環的十月初五馬路呀。
呢條街都幾舊，屬於澳門未發展的舊區，有好多舊式店舖。
好多花膠喎，俾隻我就好啦。
呢個廣告夠經典吧。，隨住澳門的急速發展，三幾年後仲有冇呢啲店舖呢？真係唔敢講啦。
沒有留言:
張貼留言