✿｡◕‿◕｡✿2011吃喝玩樂澳門地獄之旅-氹仔食食食

五月一日(星期日)

終於再去澳門，我今次係第二次去澳門咋。第一次係08年，老老實實我去台灣仲多過過大海，尤其宜家過大海酒店太貴了，去台灣起碼都叫做坐過飛機嘛。今次係同三個老友記一齊去，影好多相啊。好彩原本話落雨都冇落到，仲好好陽光呀。

目的其實係去睇水舞間，一早BOOK咗飛先訂酒店，因為五一假期又爆又貴。最後都可以如期順利出發，多謝朋友搞到咁周到。

11:15船，準時出發，到了澳門好多人過關，再去酒店放低啲嘢之後食嘢已經成3點幾4點。朋友們去過澳門好多次，由佢哋帶路。第一站去氹仔官也街食誠昌的水蟹粥，唔駛等位喎，細就四碗，大就六碗，叫了細窩的，好好食。呢個粥用幾種蟹一齊煲所以好好味。最重要的是冇味精，我平日好憎食粥係因為好味精，九成食完都好口渴，但呢個粥唔會。啲蟹肉仲好有味。GOOD。

水蟹粥內不只有水蟹，還選用了百餘元一斤 的膏蟹，再搭以肉蟹，各取其適用部分是店家的秘訣。

仲order 了鯪魚球+墨魚丸。每樣一打，兩樣都好好味，好鮮味喎，墨魚丸夠墨魚，應該落足料吧。但係鯪魚球係點蜆芥嘛，唔問佢攞都唔俾，側側膊ing。

官也街就係咁，好多嘢食，條街好短，好多人。

再食莫義記的木糠布甸同大菜糕。木糠布甸14蚊一個，好貴喎。

買完冇位食，過去大利來食豬扒包，永遠都是大排長龍，閒日限量500件，假日800件， 通常下午4時就賣清光....不過當日冇人排隊喎，差不多四點去到都仲有得賣。

好貴，人哋加一佢加20%...可能呢個就係令佢唔駛排隊的原因吧。

宜家先放低啲大菜糕同布甸。

揀了三色大菜糕，有士多啤梨味，椰子味同蜜瓜味。都ok，不過幾甜。

木糠布甸不是傳聞般好食喎。奶味幾濃，但唔係太香。唔係差，但唔算得好好食。好一般咋，食過次就夠皮，下次唔一定會食。

豬扒包好熱辣辣，豬扒好新鮮，好juciy，包好脆，每人半個。good。

朋友點了熱奶茶，原來係咁樣上喎，幾得意，倒茶喺面個隔隔住啲茶渣。

不過要加2，啲嘢食貴咗好多。食完影咗一兩張街道照就閃人去下一站了。