✿7-11 Paddington Bear✿

七仔又有Paddington bear 換，今次唔想好似大口仔咁儲，所以冇刻意買嘢，因為冇之前一set 咁靚，仲要十四個印花，越來越掠水。

好colourful但唔及以前啲bear bear 咁靚，有朋友俾咗好多印花過我。

好快已經有四隻啦，仲有一隻冇同佢影相，係Amsterdam。其中法國bear bear 已經同我去咗北京啦。

♪♬♩♫ Backstage Live Restaurant♪♬♩♫

 

九月廿二日(星期三)

平日lunch 去大吉食日本嘢是二樓，而呢座大廈一樓其實有間叫Backstage Live Restaurant，見佢最平的set lunch 是$58，好似幾抵食，所以都想去試吓。

Backstage Live Restaurant晚上係有live music show，有時會有人即場奏樂器，收費可能因為唔同的表演者而有所不同，

不過lunch 就當然不會啦，最平的set 是$58，不過亦有$78， $98 ，$108等，set lunch 包麵包，salad/ 餐湯任擇其一，主菜同埋甜品，餐茶，如果想又要沙律又要湯就要加10蚊定12蚊，
由於當日問過是雜菜湯，不太感興趣，於是都係只要沙律，

麵包不俗，最正係佢啲牛油同平日唔同的，有香草味架，好好食。

 

沙律是鮮燈煙鴨胸沙律，幾好食啊。

main course 是carbonara，好細碟，不過都夠食，幾好味，

甜品是椰汁布甸，都幾好食，個樣幾靚，都幾有心思，不過太細件，得個碟大。

因為個set 揀了carbonara，所以要$78，不過在中環可以reserve，食物不俗，算係ok，以後lunch又多了一個選擇。

咖啡一般，當然唔可以同coffee shop 比啦。

店舖是開放式廚房，但都好企理，同埋唔會有咩油煙味。

Backstage Live Restaurant
中環威靈頓街52-54號1樓

✈✈北京 - 回程✈✈

遊完天壇之後，雨已經停了，是時候返酒店收拾細軟...當然是坐出租車啦。走的時候已經去了南門，見到不少出租車在等候，不過他們說交通管制，不會到酒店，(其實不知是真是假)，算吧就到最近的地鐵站啦。原來只是兩個街口，有點搵笨。上次到北京都試過坐地鐵，但只是一個站，不過今次要轉線，由天壇東站先到東單，再由東單轉一個站(一號線)到王府井就是了。一號線是東西線，貫穿北京的東西兩面，平日是超多人的，不過今天是星期六都不會太擠。

地鐵很新啊。

三昤半航班，但十二時半就check out 了，因為怕堵車，事實上真是開始堵車了，平日八九個字的車程，今天要接近一小時。不算很堵，但經常慢駛，稍後可能更慢啊。

到了機場見到上海世博吉祥物，世博過了就不會再見到呢，所以都把握機會影多幾幅，事實上窗廚的display很不俗。 

拍多幾張照，扮去過世博吧(真膚淺)

無事做又去Starbucks 坐一會才上機。

入閘之後看到呢啲裝飾，又影吓啦。

又要坐CA，今次啲飯係凍架，好難食，又吹熱風出來，熱死人了。

✈✈北京- 天壇✈✈

九月十八日星期六
上一篇講到食完個豐富的酒店早餐之後就開始行程，由於當日下雨，食完早餐已經差不多十時了(只怪自己貪睡)，一直決定不了應該步行去附近的中國美術館，還是坐車子去稍遠的天壇，我自己當然好想去天壇，天壇是北京的標誌之一，沒有到過天壇就好像沒有到過北京一樣，但我最擔心的是堵車，因為昨天下雨很堵車，如果今天因堵車的話趕不及去機場就可慘了(15:30 航班)。

最終我還是選擇去天壇...因為是北京地標之一，從酒店出發大約只需要十八元的車費，很近，還問了司機先生今天會不會再堵車，他說大約一點應該會開始堵車了，所以我也有個盤算要早點走了。

司機先生又問我要去南門還是北門...我不清楚有幾個門，最後他問我是不是參觀，如果是就北門好了。

一入門口買入場劵...35元...一入門口有兩條金龍...這是其中一條。

天壇位於北京市崇文區，是明清兩朝帝王祭天、祈谷和祈雨的場所。作為中國古代規模最大、倫理等級最高的祭祀建築群，它的佈局嚴謹，建築結構獨特，裝飾瑰麗，巧妙地運用了力學、聲學和幾何學等多種科學原理，具有較高的歷史和文化價值。1961年，天壇被中華人民共和國國務院公佈為第一批全國重點文物保護單位之一。1998年，北京皇家祭壇—天壇被列為世界文化遺產。

我帶埋bear bear 去旅行

 入門口就有好多樹，是一個公園，在兩旁的樹離遠已經看到天壇，以前玩的波子棋就是以天壇做盒子的封面，沒有想過自己可以親身到天壇，更加沒有想過是一個人到天壇，感覺很奇妙。

 天壇分有幾個區，第一站是祈年門，沒有去過祈年殿根本稱不上是去過天壇。

祈年殿
祈年殿在天壇的北部，也稱為祈谷壇，原名大祈殿、大享殿,始建於明永樂十八年（1420年）,是天壇最早的建築物。乾隆十六年（1751年）修繕後，改名為祈年殿。光緒十五年（1889年）毀於雷火，數年後按原樣重建。目前的祈年殿是一座直徑32.72米的圓形建築，鎏金寶頂藍瓦三重檐攢尖頂，層層收進，總高38米。

 祈年殿就是波子棋盒上的建築物...amazing...可是越來越大雨....

 祈年殿的祈年門。

 另一個地方是回音壁，由祈年殿走去回音壁要坎一段頗長的路，可是雨越下越大，又沒有甚麼地方可以避雨，很掃興。

北京天壇的回音壁是中國迄今保存較完好的具有回音效果的古代建築，回音其實是聲音反射作用的結果。中國各地某些半圓形拱門、拱橋、英國倫敦聖保羅教堂等都是聲學與建築學結合的產物。

回音壁建於1530年，是一座高約六米的圓形圍牆，半徑32.5米。圍牆內有三座建築物，其中一座叫皇穹宇，整個圍牆整齊光滑，是優良的聲音反射體。在牆壁近旁即使相距較遠的二個人都可以小聲交談，這聲音並非直線式傳播，而是繞圍牆一周傳播的。

 回音壁南面有一座由青石砌成的圓形平台，叫圜丘，建於1530年。它的最高層離地面約5米，半徑約11.5米。整個圜丘包括地面都是由反射性能良好的青石和大理石砌成的。其平台並不平，而是從圓心向周邊稍有傾斜的台面。當人站在台中心叫一聲，他自己聽到的聲音比平常的聲音更響，似乎是從他腳底石板下傳上來的。這是由於聲波被青石欄杆反射到稍有傾斜的台面，再從台面反射到人耳的緣故。

 天心石 來到天壇別了到圜丘上的天心石上站一站，感受一下天地人一體的融和感，據說站在上面說話或唱歌能聽到天外飛來回音，是真假，站上去知道了！

由圜丘回頭看的回音壁

✈✈北京again✈✈

9月16-18日又去了北京...business trip

唔好以為好過癮，當你坐8:30 機，要坐5:30的機上巴士，在巴士上看日出，之後再要番工，你就知有幾慘，

巴士上的日出>_<

坐國航CA....因為最平，公司policy 坐最cheap 的飛機....麻麻好食的飛機餐--炒麵，3+3座位，沒有entertainment，算啦，三個半小時飛機，就瞓吓啦。

 中秋晚宴去了北京國際大飯店，以前好威架，是鄧小平批准佢係全北京最高的酒店，在東單站附近，不過時移世易，宜家大把酒店高過佢，佢只係四星酒店，上28樓旋轉餐廳食buffet，冇咩好食，有魚生又唔敢食。

 個地台會轉的，望到當日超塞車，車龍好長。由開始食7點到食完九點幾，都好塞。

點解呢？因為星期五例塞車，另外當日已經好近中秋，多人返鄉吧，而且當日仲要落狗屎呀，星期四去到都仲有廿七八度，星期四晚開始落雨，冇出去，點知星期五整天下雨，差不多放工時同事上網睇到氣溫得十五度，仲要下大雨，一日跌了十度，咩衫都冇帶，中袖衫只有一件好薄的外套，原本想坐車去食飯，但塞成咁，坐一世都去唔到啦，唯有行路，行十五分鐘左右，不過衣衫單薄，凍到pk....又落狗屎，車程是一個地鐵站有多的距離，
食完飯之後仲凍，未出酒店門口已有一陣寒風入骨的感覺，唯有行快d暖啲，一路行一路震，唔知有冇十五度.....北京之後都開始凍，每日都唔過廿度了，正式同夏天講886了。

 返到酒店冇事做影吓個水池....

 冇得上網就影吓相，做運動，早睡好多，健康啲。XD

 帶埋bear bear 出trip，因為星期六stay 半天在北京玩呢。

酒店早餐好多嘢食，一條友瞓到8,9點，慢慢嘆早餐，原本想食多幾碟，下晏唔食就飛返香港，點知食到第二碟就肚痛，最後食了三碟都食唔到啦。可能因為又飲coffee又飲milkshake，又飲carrot juice，本想飲埋其他juice，但個肚真係頂唔順....hahahah
好喜歡佢有件合桃香蕉麵包，食了兩小片，

 bacon超好食，脆脆的。食了四隻蛋.....好變態。