✿｡◕‿◕｡✿樹懶的日記✿｡◕‿◕｡✿: 3月 2009

2009年3月31日星期二

ヾ(◍'౪`◍)ﾉﾞ 331@Pet Society

冇再肚屙，但仍然肚痛，仲係好唔舒服，啲腸胃都仲係好弱呢，宜家可以喺公司玩到Pet Society ，所以lunch hour 就玩Pet Society，

由於食藥之後實在太攰，所以好早瞓，夜晚都冇咩玩Pet Society 呢。因為宜家我已經有成十萬蚊加四個jukebox做儲備，啲嘢又唔係樣樣都啱，我一個星期都有成萬蚊，再間中抽箱賺錢，每個星期都夠駛嘅，有心情咪玩多啲囉！

宜家啲人個個都走哂去玩Restaurant City，開始少咗人玩Pet Society，不過暫時都冇興趣玩，因為啲公仔唔靚，唔吸引呢。

room 2 的花園用了sky wallpaper 好像真是在戶外一樣。

2009年3月27日星期五

平日大家空談環保，其實做不到甚麼，一般只是自備購物袋，明天將舉行『地球一小時2009』，這是一項國際環保活動，近日已見到很多廣告宣傳，希望可以將環保訊息傳遞到社會各階層，大家盡一分力吧！

日期：2009年3月28日(星期六)
時間︰晚上八時半至九時半

希望大家支持環保，明白減低耗電量也是環保重要的一環。

至於我自己由星期二開始肚屙，屙到今日都仲屙，其實屙得唔算好嚴重，以為自己會好番，不過原來唔識得好，夜晚仲嚴重咗，又要睇醫生，原來腸胃敏感，我有食物敏感，氣管敏感，鼻敏感，藥物敏感....點解咩都有我份？

灰.....

2009年3月26日星期四

☆★Lunch@翡翠拉麵小籠包★☆

尋日lunch約咗ChanC9食飯，去咗好遠嘅翡翠拉麵小籠包，忽然好大雨而且好多人呀。要等十幾張枱，又冇人走，到點半先有位，唯有諗定食乜即刻落單啦！

呢間食店水準一向keep到，不過人手長期唔夠囉，座位又好迫，不過已經習慣咗。

我哋點了︰

皮蛋豆腐-比想像中大碟，不過好似冇皮蛋，食唔到皮蛋，得啲蛋碎。

酥炸小黃魚-炸得好好呀，好味，要趁熱食，

小籠包- 必食，水準keep到。

上海炒年糕 -ok，不過好快凍哂啦！

由於點半先有位，食得好急，食幾個字就要走，我又食得慢，下次都係食晚飯好啲。

中環食lunch唔太方便影相照片全部from internet 包括openrice.com同埋Y!blog

2009年3月24日星期二

❤The Fascination of Cappuccino❤

自從屋企附近間麥當當加咗Mc Cafe之後，我成日都幫襯，因為貪佢買嘢食唔駛點排隊，

上次個朱古力梳乎里咖啡系列已經完咗，取而代之係意大利泡沫咖啡系列，The Fascination of Cappuccino，十二蚊杯Cappuccino，或者34蚊配任何cake，今次仲有Cappuiccino 蛋糕呢！

咖啡蛋糕ok，不過我都係鍾意食芒果果仁cheese cake 多啲！

尋晚終於去銅鑼灣接番個仔，去利舞台食飯撞到黎姿呀，佢真人好好好好好好靚，又好後生，皮膚又好，又瘦啦，接近perfect呢！

食完飯之後我唔記得拎電話，好彩番轉頭都攞得番咋，店員幫我keep 起咗，近日好大頭蝦，心不在焉咁，可能有d嘢煩啦！

2009年3月23日星期一

•●✿木棉✿●•

每年三四月，春天時又是木棉盛放的季節。木棉喜愛陽光，生長迅速，花開時，一朵朵呈鐘形的鮮紅色木棉花掛在樹上，看起來就像一把大火炬照耀著大地，木棉又叫英雄樹。

木棉花生長得好高，花兒很少向下望，好難可以由地上影上去，要影木棉多數要在行人天橋上拍，本想去拍攝木棉花，不過自己只用機仔，怕去到時又影不到，zoom不夠遠，幸好我家附近有一棵木棉樹，只是木棉盛放的日子很短暫，今年早暖，木棉花已開得七七八八了，我家附近的木棉樹只剩下僅有數朵木棉花而已，天色不好拍攝位置不好，不過最終都拍了幾幅，給自己點點回憶。