20170228 - ✿jump jump jump✿

2月28日星期二

由於99唔再嚟，日頭姐姐要獨力照顧BB豬。

姐姐星期一開始砌咗個JUMP JUMP JUMP俾BB豬玩，佢半坐半企咁玩，好開心呢。

而且附近又有好多五顏六色啲小玩意，佢跳到攰又可以玩吓隔離啲嘢，好開心啊。

初初BB唔多識跳，好快就可以左一邊右一邊郁動。

呢個幾好可以強化吓啲腳力同腰力，唔駛成日瞓喺度，可能對遲啲學坐有幫助。

如果BB豬覺得攰，佢就會扭計叫，唔想玩。

20170226 - (⊙＿⊙)勁轉身

2月26日星期日

 

BB上兩個星期都間唔中會轉身，可能早期轉身唔多純熟，有時都會好慢同笨手笨腳，

不過呢幾日就開始好純熟，所以一瞓低就轉身。一放在床上就轉，唔知點解次次轉身都會好勞嘈，係咁大叫，可能因為轉身其實用咗BB好大氣力，所以好勞嘈，

佢宜家喺自己張床仔咁細個位都要轉身。

 

識轉身之後，有時轉完叭喺度，唔再係以前NEW BORN咁日日都瞓喺度，開始有唔同姿態，真係覺得BB大個咗好多，BB真係每日每個階段都好唔同，俾你好多驚喜。

20170225 - 認人？︽⊙＿⊙︽

 

2月25日星期六

 

婆婆話BB開始認人，唔係好俾其他人抱抱，我係佢媽咪當然唔覺得，不過近來真係覺得你抱住佢就會望住你，當然我係佢媽咪就唔會喊。

事緣上星期日趁BB豬了抱去媽咪度之後落去買餸，點知佢醒咗就喊喊豬。婆婆話佢喊得好淒涼。婆婆見BB醒咗就餵奶，佢應該好肚餓，但只食50ML又喊。剛剛我返家抱抱就唔喊，再同佢擾攘一陣都肯食哂啲奶。

 

有時佢食食吓奶會牛咁眼望住你，好似情深款款，又似望吓係咩人咁。見到係父母或工人姐姐就冇事，如果係陌生人都會睇情況，如果有父母在場都OK，當日BB醒來，發現不在家，變成婆婆，又沒有父母聲音，當然就會喊喊豬了。

20170224 - 同99正面衝突╭∩╮_(︶︿︶)_╭∩╮

 

2月24日星期五

一直同99冇咩問題，不過生完B之後就唔多啱。因為我坐月時差不多日日上來，令我好煩。不過叫做過去咗，我盡量唔諗。

我放假兩個半月先返工，返工之後佢星期一至五日日都上來睇孫，我同佢住得好遠，佢過嚟最少個半鐘，其實都明白佢辛苦過來都係錫個孫，有人幫手睇都好，雖然阿唔係好跟佢，尤其唔肯跟佢瞓，但我盡量都冇乜出聲，

前陣子大約阿仔四個月，佢開始俾固體阿仔，健康院就認為滿六個月，有啲就話四個月可開始試少少，佢未食固體前，我話真你要試都只係俾佢may吓，99當時話緊係啦，唔通真係食得咩。但有一日佢同c6話餵了七八更。我就覺得多，但c6話佢應該吹大咗，咁我叫工人姐姐睇住，都係一兩更，咁就算啦。

點知今日俾我喺個cam度見到99將阿仔放喺地上，成個瞓喺度，今日得十二度，我哋地下喺磚，又凍又硬，阿仔四個半月咋。我cap 咗圖俾我c6睇，但c6當時喺大陸睇唔到。
所以我就自己打返屋企，99聽，我一開始問佢做乜放bb在地下，佢話bb喊曳，所以放喺地下，仲話件衫好厚，我真係嬲到呢。我好惡咁話地下好凍，唔可以擺佢喺地。

Bb呢幾日病緊，有鼻水鼻塞好多日，當然好扭計，佢未放bb喺地下前，bb係扭咗好耐，喊咗好耐，但bb咁細乜都唔識架，點可以咁冇愛心，咁快就體罰，就算件衫厚，你大人都唔會12度嘅天時瞓地下啦。

之後兩三點老公睇到，都打咗俾99嘈，99仲發脾氣話以後唔再嚟。
唔知真定假，我唔係想呢個結果，但我當晚試瞓喺地下，覺得凍同好硬，我都仲好嬲呀。

20170223 - ✿要努力減肥✿

2月23日星期四

上星期一即是2月13日朝早搭火車有位叔叔讓座給我，真的很灰。
生了bb豬已經四個多月，表面上好像沒有什麼變化，至少很多同事都認為我跟以前差不多，但其實體重仍未回復至未懷孕前，現在還是比以前重了四磅，因為我懷孕只增了廿磅，生產之後扣除bb，多出來的水份，血，胎盤等之後，我可能是沒有再輕，懷孕增加的脂肪也就變成我的脂肪。

可能對不少生產完的婦女來說不算多，不過如果半年內都減不掉，就很難再回復原狀。

由於記得坐完的首兩周，因為有陪月姨姨，所以我食很多很多，但磅數一直也下滑，可能因為這樣，胃口也大了，兩周後，體重竟然開始上升，坐完月子之後，體重比孕前高了七八磅。 (哭)

之後第二個月在家不用上班，養尊處優，要體重回落也不易，不過第二個月近第三個月時，中了副流感，病了近三個月，體重回落三磅，在兩個半月即十二月中上班時，跟孕前尚欠5磅。

之後一月左右間中有回升，但新年過後又輕了少許，現在大概跟孕前升了三四磅。

怎樣少可以減去三四磅？因為自己產後食量頗大，食少了會常常覺餓。
原本會運動我我，以前一星三天跳鄭多燕及每星期跑步，現在因為爭取時間看BB，再沒有時間運動。眼看越來越近半年的限期，真的要努力一點。

最輕是121，近日是122，目標是115。尚欠七磅。努力。暫時要做的是回復運動的習慣。
因為今天下雨，又不能跑步，老公因為晚回家，我要獨自照顧BB，不能跳舞。

由現在起一星期報告一次減肥情況。看看可否增加決心。

20170222 - ▣BB真係大咗好多▣

2月 22日星期三

今日join咗ESD 靚太club ，有個bb成長圖，發覺bb大得好快，由出世細細碼，變成宜家中碼，可能因為食奶粉，所以大得快，重得快，最開心身高由出世2%到宜家70%，男仔高啲好啊。

不過近來豬豬玩厭奶，又可能認人，食少好多。我擔佢又變回細細豬啦。

生完幾個月，我自己真係改變好多，乜都以B行先，雖然都仲好貪靚唔要做肥C9，但我真係願意花哂自己啲時間落佢度，完全不介意沒有私人時間。

 

宜家開始擔心定四月唔帶BB去旅行之後佢會唔跟我。

只要看著bb一天一天成長已心滿意足。

 

剛出世好奀

宜家四個月正常

20170219 - ✿工人褲✿

2月19日星期日

Bb大得快，所以買衫好唔抵，由我大肚開始，我的阿嫂好好，係咁俾表哥啲衫俾我哋，真係慳返唔少，而且表哥有好多靚衫真係唔錯架。

呢個就係三年前表哥同我個BB豬都著過嘅工人褲。因為表哥八月底出世，而我個豬仔係十月頭，所以其實差個零月，係啱季節，所以可以著返哂啲衫。其實啲衫已經走過一兩轉，有其他B著過，再返嚟，嚟緊秋冬又有男嬰出世，可以再傳，夠哂環保。

20170217 - ╮(╯3╰)╭我應否沉默？

2月17日星期五，

 

今朝早嫂嫂俾個剪報我哋，同埋爸爸琴晚仲remind我哋多一次唔好食固體，99近來日日俾固體我個仔食，仲話俾咗六七匙，唔知真定假，但佢就係要個孫贏在起跑線，乜都想BB早過人，叻過人，其實根本唔識湊仔，乜都唔識就扮勁，

 

99之前仲話三四個月就可以兜佢屙尿，早啲戒片，究竟佢想點？BB豬係我個仔，唔係你個仔，宜家時代唔同，要接受新事物，佢嗰套唔係絕對。

 

而呢個星期一已經知道呢件事，我竟然冇出過聲，因為我出親聲就會俾人鬧係癲，久而久之我都唔出聲，而且我不知道原來後果會好嚴重，其實會累了個仔，琴日3:00樽奶只飲了60ML，希望BB個腎冇事啦。

 

仲有，前兩日阿鳳上來睇BB，其實不是問題，我亦不介意，只是在情在理上，是否應該跟我們說一句，屋不是你的，你帶任何人來，理論上要通知我，這是禮貌，對其他人的基本尊重，長輩不是最大，長輩也不能任意妄為，而且帶人到我家其實已經不是第一次了，我不是要批准你才可以帶人到訪，只是禮貌上要通知一聲，表面要好有TABLE MANNER，但對人的基本尊重都沒有，其實係很差的事，這件事，我也沒有向熊提過半句。

 

我開始明白有些人為什麼不想說話。因為當你知道說什麼都沒用時，你寧願選擇沈默，被人說成針對99，而每次想表達關於BB的意見時都會被人當成瘋子，這情況下，我還可以做些什麼？哭也哭過無數次，最後都是鬧交收場，最後最後我選擇沉默，也許會大家都好過一點？表面是吧，又或是沉默是逃避的一種，吵架令人疲累，逃避也許好過一點，只是其實我心裡在流淚，因為我清楚知道某人令我們的感情有裂痕，原本什麼都會說的我，在此事上什麼也不想說，只靠寫BLOG時才可以哭訴。

 

問題不在於熊人，熊人已經是一個好好的爸爸，願意犧牲很多時間在BB上，我明白熊人好好，只是當婚姻不再是兩個人時，是很痛苦的事，我們可以床頭打交床尾和，但有些人干涉了，事情就複雜了，BB出世後，我有嘗試去調整自己的心態，熊人不再愛我，我無奈接受，只是他把我當成瘋子，我就永遠不能接受，現在，在我們的婚姻裡，因為我被認為針對99，所以我被看成瘋子了，瘋子的說話誰會聽入耳？

20170214 - ❤️❤️情人節❤️❤️

2月14日星期二

情人節沒花收，熊人早一晚買了一個蛋糕。

而我其實早在於星期五已經買了朱古力俾BB豬同熊人。

我也買了張卡俾媽咪。

今年我多了一個前世情人，BB豬，熊人不送花當然有點失落。

唯有BB豬令我冇咁失望。有期望才會有失望，如果有一年連失望都沒有了。那就代表對熊人沒有期望了。

 

最後我們在當天跑跑。回家換衣服就跑跑，我連續跑了十四圈沒休息，其實可以行一個圈再跑，不過時間不多，要趕回家看BB，所以14圈其實只是5.6K，也不是太理想，來回海濱長廊也有6.4K吧，不過中間沒有太多停頓，算是可以了，但始終要再提升自己的狀態才是，因為天氣一熱，就更加辛苦，而且跑球場其實算是容易了，因為沒有上落，而且有跑步墊係好舒服。

我現在比起懷孕前重了3-4磅，究竟什麼時候才可以減掉？

 

 

回家才吃晚飯，吃過晚飯還要食蛋糕，雖然蛋糕不太大，不過兩個人食哂都好肥，要減肥不容易啊。

20170210 - ♠♤Italian Tomato♤♠

2月10日星期六，

一早約好媽咪請佢食Bunch~

昨晚因為姐姐病了，我同bb豬瞓，等到熊人回來三點再一起豬，早上七點先俾姐姐。我哋先瞓得好啲。

我只食少少水果就落街。又係去Italian tomato食。

我點了蟹肉蕃茄意粉。好味呀。

熊人點了三文魚pizza，好多三文魚呢，媽咪都有食，媽咪食的係菠菜忌廉意粉，但我冇影相。

我哋加幾十蚊有咖啡同蛋糕，媽咪竟然唔食蛋糕。我就同熊人share一件芝士蛋糕，食完之後媽咪去荃灣幫我拎鞋，我同熊人就行一陣，買少少嘢咁囉。

 

返到去天氣凍凍地，bb食完奶奶豬就三個一齊瞓晏覺。

夜晚又去嫂嫂家吃吃，bb好開心，但一人多就唔食奶豬。激死，

嫂嫂整咗燉蛋同燉奶，我好喜歡食，不過我可能對奶敏感，之後有啲肚痛。但我堅係好喜歡食啊。

20170209 - ◇◆同事生日飯@Bungalow◆◇

2月9 日星期四

同同事食吓生日飯。

今次揀咗間在蘭桂坊叫Bungalow的餐廳，好靚的裝修，據說晚上會變成舞池，餐廳裝潢非常華麗,，黑白地磚，水晶燈，寬敞的環境只有很少枱，而且枱與枱之間都保持一定距離，空間感十足，讓人覺得這裡可以慢慢坐著談心。

 

午餐可選三道菜或兩道菜，如果兩道菜的是沒有甜品。兩道菜是HKD138+10%， 而兩道菜是HKD158+10%

頭盤。

我揀沙律，好新鮮。

同事主菜是RIBS，佢哋話好好食呢。

我就叫野菌意大利飯，都幾好食。

甜品就每人都揀唔同款。

我揀STRAWBERRY CRUMBLE，好味呢，個士多啤梨醬好好食，配啲奶酥，好好食，好鬆化，而且不會有陣酥味。

同事點的Cheese cake 都好似好精彩啊。

panna cotta，都好似好好味，我都喜歡食奶凍，餐飲我點了咖啡，令呢餐更完美。

食完lunch，夜晚返家當然同bb豬玩，呢張杷影得bb豬塊面好肥，bb豬成日都唔同樣，所以要經常同佢影相架。

夜晚熊人去夾BAND 10點之後我一個湊BB豬。BB好乖，唔扭計，又好少喊，笑笑，食奶奶又食哂，食完，換片片喊一陣之後，好快又覺豬仔，咁乖的小朋友去邊度搵？

20170206 - ｡◕‿◕｡去健康院實況

2月6日星期一

今日BB豬去健康院打針，琴晚開始有鼻水，今日多咗，不過健康院啲人話唔係發燒就唔怕。

 

約了十點，叫埋媽咪一起去，上次嚟係一個月，要除哂所有衫先可以磅重，片片都唔可以有，當時喊到癲人一樣，兩個月時本身都要嚟打針，但因為當時病了入院，結果去私家打針，冇返健康院磅重。

事隔三個月再嚟，BB豬好開心，因為好多人，佢對多人就好開心興奮同埋好奇，係咁周圍望，對所有事都好好奇，第一站係磅重，佢除哂衫都唔喊，仲四圍望，今次仲可以度高呢，見到啲NB喊到七彩，真心覺得BB大得好快。BB豬仲八掛佬咁望人哋啲NEW BORN。

 

等一陣就見姑娘，同姑娘講BB豬厭奶，佢話三四個月BB貪玩，少食奶，如果食六安都夠，而且BB豬已跳咗生長線，唔駛太擔心。

 

BB豬出世重2.6kg，身長47cm，是生長線的3%，宜家由3% 去50%~75%。

重6.96kg (50%)，高64.5cm (75%)，頭圍細細42cm (25-50%)

 

見完姑娘等打針，都等幾耐，bb豬就咁瞓咗，喺媽咪懷中豬得好開心，我就望吓其他bb，到打針時bb都繼續豬，今次只打十三價，因為六合一會喺私家打，只打一針，bb豬由睡夢中喊醒，不過又係喊一分鐘左右就唔喊，抱返出嚟已經唔喊。婆婆仲話見其他bb喊好耐，所以估計bb豬應該好un皮。

打完針，同姐姐，媽咪bb去pizza hut 食lunch，食完lunch之後買餸就返家，可能bb豬打完針又開始傷風，所以由點幾豬到三點。

瞓醒覺唔食奶，喺度玩口水bububu，我同姐姐餵了一小時都只食一半左右。
夜晚bb豬發燒，但唔肯食退燒藥，好彩只係打針燒，第二日冇事了。

20170205 - 食手手(≧▽≦)

2月5日星期日

近來BB豬喜歡食手手，一日掛住食手，唔肯練趴趴同練轉身，激死人啦。

要影低佢食手手個樣，第日俾佢自己睇返。

20170204 - ✿西米焗布甸✿

2月4日星期六

今日係要返工的星期六，原本去將軍澳探朋友，但最後都取消了，今日熊人為了氹返樹熊，所以兩點前去了等位，去了食翡翠拉麵小籠包，不過冇影相，食了手抓餅，鱔糊麵，小籠包，擔擔麵，都幾好食，但好貴吓，好彩熊人兩點前到，因為過了兩點就好多人，我哋行一陣商場，宜家都唔會去太耐街，寧願陪多啲BB，希望BB快啲識坐，可以同BB豬出街食飯，帶佢出街，唔駛成日掉低佢。

 

晚上多數係去哥哥阿嫂家吃晚飯，雖然成日都係食類似的餸，但有人煮可以食自家飯都好，我哋多數會煮一味豆腐，或者炒蜆咁，有啲貢獻。

 

而阿嫂近來會整吓甜品，之前整紫米露，今日就整新嘢西米焗布甸，以前我係好憎食酒樓的西米焗布甸，因為一PATAT仲要有怪味，不過佢呢個我又喜歡食，因為奶皇味幾好，又熱辣辣，我本身喜歡奶皇，所以好鍾意食。多謝哂佢哋的款待。

20170203 - ♪♬♩♫火燒雲♪♬♩♫

2月3日星期五

放工同熊人坐巴士返家，一年得幾日可以在中環坐巴士返家都唔塞，六回三左右落樓，見到好靚的雲，影相人叫火燒雲，我未過馬路都忍唔住影張相，行過啲俾樓遮住又冇咁靚，過一陣天黑咗又唔係咁，所以算係可遇不可求。

同熊人坐巴士講咗唔開心俾熊知，希望熊人明白我。

回家見到BB豬就開心，在婆婆家開心豬。

返家又開心豬，我只希望BB豬日日開心就好了。

20170203 - ❤️❤️愛情離我很遠了...❤️❤️

2月3日星期五
一直只寫關於BB的開心事，其實有很多事唔開心。
今日在YAHOO MAMA度睇咗幾篇，感同身受，直情想哭。

佢永遠唔會明白產婦受荷爾蒙影響很易哭。十種狀況中了幾樣，我崩潰了也很正常，之後每次吵架也認定我是有問題，做任何事都是我的錯嗎？

其中一篇BLOG提到產後兩年是婚姻的中期試。我看這篇忽然覺得愛情，婚姻離我越來越遠了，朋友病了，我還勸她好好珍惜跟老公的感情，要記起當初為何在一起，每次想起這個我就會紅了眼。其實他還會記得嗎。

婚姻需要雙方去維繫，當其中一方催毀了，婚姻也就崩潰了。人人都會變，大家也在變，我們不得承認BB出世後大家都改變了。只是你吵架每次都令我好難過。
你每次都話我癲，知唔知我有幾難受。你唔舒服傷風去踩單車，最後錯又係我，所有都係我唔好，大聲就是對的，是什麼道理。

以前看過網絡一篇文章，當一個女人沉默了，也就是好心死的時候。當愛情遠離我時，我再也沒必要開口說話。


【笑談產後坐月子最討厭的十種狀況。感受分享】
2.訪客可以不必讚美產婦和寶寶，但千萬別批評 這是我親身感受，才生完寶寶的一星期，
某長輩説，你生完為什麼肚子仍然這麼大?好像仍未生......。「想當年我生完後五六天就瘦下來了!」

你生完後為什麼皮膚,臉色這麼差?没錢買補品嗎?

因為實在太多三姑六婆很喜歡加插自己的意見，
又或者她們真的只是那種隨口說說，但你們隨口説說，其實令產婦真的聽進心裡的。
俗語有説:講者無心，聽者有意。

在探訪時，盡量少加插自己的意見，
要不是，有人深夜會落淚了。


3.別對著嬰兒說太多心裡話和比較

對嬰兒會有什麼心裡話要說呢?
我的意思是，千萬別一昧的讚美自家親友寶寶，而拿人家寶寶的外貌來比較!

隨口一句的好黑、鼻子好扁、頭被睡得好平、生得個子好小.....等無心話，可能會傷到媽媽的心。

這是我的親身之痛呀！
我自認已算是心理素質堅強+情緒管理還不錯的人，但產後聽到某人的這番話，我真的還是難過得掉下眼淚。

對著剛生完孩子才兩三天的我說聽見了這番話:寶寶没有你姪兒那麼可愛，還是姪兒比較"靚仔"!

雖然每個人審美眼光也不相同，我亦覺得你說誰人可愛，誰人靚仔不關我的事，但請别在產婦面前"比較"，

產婦因為賀爾蒙影響，情緒會較容易失控!
我老公覺得不見得是怎樣的一回事。
但這話確實害我後來在深夜忙著餵奶時，不經意想起還哭了好幾次.....。



4.探訪時間建議不要超過一小時

不是我們不好客，而是坐月子的產婦一天當中有多忙，或許訪客不知道！

-初期為了衝奶量，產婦必須每3小時用泵奶器擠奶一次(泵完放冰箱，做為庫存量)

-每趟泵完奶必須清洗泵奶器+消毒

-若寶寶扭計，一整天也不睡覺，那時產婦已經累到處於崩潰的狀態。
没有休息，還要應酬。真的心身疲累!

我真的隔天就經歷這個狀况。

 那時我真的希望訪客們待寶寶滿月才好來探訪呀。


5.除非乳娘本人親口說，不然任何人都沒資格嫌她奶水少

我終於領悟到：誰知盤中飧，粒粒皆辛苦這句話的涵義！！

母乳的每一滴奶水都是經過一番努力才產出的，
除非產後媽媽決定放棄，不然在她還想努力挑戰自我時，旁人千萬不要亂下指導棋或亂下結論說她就是無奶。

8. 千萬別說：妳看，寶寶哭了，他一定是想吃奶，妳剛剛沒餵飽吧?剛出生的寶寶，每天能做的事情就是睡覺、大小便、吃奶這三件事而已，
所以寶寶哭了是很正常的一件事，好嗎!!?

訪客千萬別大驚小怪，一看到寶寶哭就怪媽媽是不是沒把寶寶餵飽!


盡量避免一些“閒言閒語”，因為一不小心就會讓新手媽媽陷入崩潰狀態！

20170201 - ☺☺逗利是☺☺

2月1日星期三

今日年初五開工的第一日，作為人妻的樹懶返公司當然是派利是，今年榮升人母的我都有唔少人派利是俾bb。

不過好氣在後頭，夜晚差不多放工時，熊人帶bb豬來我公司，我抱住個仔入公司，個個都開心，可惜bb豬好唔合作，好快就扭眼瞓，開始扭計，唯有媽咪抱住先唔扭計，平日抱住佢，其他人逗玩係好開心，但今日佢好唔想人同佢玩，其他人同佢玩佢仲縮去媽咪心口。原本我諗住抱住個平易近人好好玩的bb的畫面，變成一個吵吵鬧鬧的畫面，最後bb仲豬在媽咪心口上。

點知個上司唔放過我，仲要傾呢傾路，我唯有抱住佢傾，抱足四個字真係好重呢，最後bb豬又吵吵鬧鬧先走，

回家坐火車又扭眼瞓，又吵鬧，最後在好迫人的車廂輪流抱同安撫。

在巴士豬了一陣，返到婆婆家又唔同哂，醒神哂，開心豬。仲大哂利是。