20130225 - ❤品蘭軒❤

2月25日星期三。

夜晚同熊飲夜茶，食點心。
市面好多點心專門店但質素好參差。
呢間裝修好企理，幾光鮮。
除了點心之外，仲可以點啲小炒。
我哋今次只食點心。
叉燒腸都幾好食，啲粉都算滑。

 

 粉果都幾好食，夠料，同埋味道幾好。

 鹹水角是即炸的，熱辣辣。

 所有蒸嘢都係即叫即蒸，所以好熱辣辣，好新鮮。
鮮竹卷都好食。

 仲有鯪魚球。

 同埋雞扎，雞扎大隻又足料。

同埋雞扎，雞扎大隻又足料。

20130224 - §天壇大佛大澳一天遊§

2月24日星期日，
熊的好朋友日生，想熊都一齊慶祝，我同熊都一齊去，
去昂平360，大佛同埋大澳一天遊。
十一點幾去到東涌，等了大半小時先有得上360。
我其實未坐過360。
香港居民有九折，生日當天直情係FREE~
感覺比起海馬公園的CABLE CAR安全多了。
天色陰陰地，不過好在都幾涼，而且都冇雨。

 

去到大佛啦。

 



 

 11年11月去過一次。個昂平市集都幾靚，幾舒服。我都幾鍾意。

 心經簡林，絕對值得一到，由市集行上去都係幾個字之嘛。

 好喜歡啲字句。竹林由38條花梨木柱組成，當中37條刻有《摩訶般若波羅蜜多心經》。

 每條木柱的 高度和位置配合地勢安放，並依所刻經文順序排成 「8」字型，象徵「無限」，以 表示宇宙人生變化無定。

 山坡最高一條巨柱沒有刻上字，象徵《心經》的「空」。
木柱保留原來木色，只是把巨大的古樹由上而下鋸成兩邊，鋸開的一面刻字。字體用饒宗頤先生的大型《心經》書法。

如果天氣好啲，配上藍天，應該更加靚啦。

 之後就行上大佛。個大佛好有氣勢，好莊嚴，我覺得好靚。

 佛像坐在268級的石階上，由202塊銅片組成（佛身160塊、蓮花36塊、雲頭6塊），高26.4米，

 大佛對開的6尊舞姿銅像，名爲「六天母獻供」，供品分別是花、香、燈、塗、果、樂，
唔知由幾時開始班仆街自由人鍾意擲錢幣去呢幾個六天母度，話要擲中佢哋嘅手中。

 班仆街係咁擲，擲唔中就執番地下啲銀仔再擲，
已經有牌叫啲人唔好擲，但班友點會理，可憐呢幾個青銅像塊面俾啲銀仔擲到刮花哂，
熊睇唔過眼叫其中一個自由人唔好擲，佢話知道，但轉頭又擲，其他外籍人士唔知以為係要擲，個個係咁擲，慘不忍睹。

 去完大佛就坐車去大澳，未食LUNCH 架，去到見咩就食咩啦。

好大隻魷魚，一杯仔35蚊，不過麻麻地啦。

 隻魷魚好大，不過其實靠個汁。

 一路行一路食，麥芽糖餅，我哋一行七人，咩都食，每人試啲。

 唔少海味，唔買都睇吓。

 有燒帶子，不過冇食到，好似好肥美。

 花膠好貴，唔知係有咩分別。

 呢啲糕麻麻地好食。

 呢間炸蝦，串燒魚超級好食，唔平，但好特別。

 同一間賣埋煎餅都係好好食，好彩人多，叫佢分幾份，如果唔係俾個煎餅KO了。

 個餅即整好好食，個汁啲味有啲似印度嘢都幾重口味，但幾好食，有啲薄脆好香口。

 仲食埋個炭爐雞蛋仔，呢位阿叔可能好明白ECON 的demand & supply，每日限量供應雞蛋仔，差唔多到我哋時話只會做多廿底。

 原來用炭爐整會脆好多架，唔會好似平日咁多粉死實實，真係好好味。
我哋買完之後得番十底左右，但人龍仲好長，原來食炭燒雞蛋仔都要講緣份架。

 最後仲食茶果同雞屎滕。

 都係茶果好味啲，尤其係鹹茶果，好喜歡食。

 最後坐船想睇中華白海豚，可惜冇出現呢。

 熊佢以前嚟過睇到架，如果我都睇到就好了。

 之後出去東薈城行咗一陣。
再去伊呂波食晚餐，間嘢好貴，碟碟都過百，但得幾片肉，未食過咁貴的烤肉。

 我唔食牛就更加冇嘢好食了。

overall今日都玩得好開心，不過呢餐貴貴，令到熊全日用了唔少錢。