前陣子紅十字又再呼籲因為天冷，少人捐血，A
型及O型缺乏，可能只夠一星期用。
次次呼籲唔夠血，A型一定有份。
次次呼籲唔夠血，A型一定有份。
人生只捐過兩次血，第一次在中六，
第二之大約是三四年前，當時在舊公司捐血，但好唔PRO，仲搞到手瘀了一大片。
之後有啲恐懼，不過因為BODY CHECK
抽過幾次血之後，又唔再驚了。
人生冇咩做過好事，捐錢有幾多落到所需要嘅人嘅袋，冇人知，我覺得捐血可以幫到人，好有意義，前幾年藥物敏感，以為自己呢一世都唔捐得血，不過熱心同事幫我問過，係可以的，因為不是太嚴重。
如果有食過藥有時又未必捐得架，上次紅十字呼籲時我又病緊...捐咩吖，所以有時捐血都要講少少緣份...假如有大病，又唔捐得，所以能夠捐血幫助人是一種福份。是福氣。
同同事lunch hour
去捐血....兩點半先番公司。
因為近新年，有一些新年的紀念品，揮春，利是封，仲有個盒仔，
是的...捐得是福
係咩嚟呢？..小牌仔。
今次捐血反應差咗好多，插針隻手，抽咁耐血就痛足咁耐，抽抽吓血手指至插針個位麻痺，返到公司坐坐吓仲暈暈地，可能真係年紀大啦。
